2 KORINTUS 6:1 - KITTA' MATANGKASA'

¹ Lanri assiaganNa Allata'ala ikambe anggaukangi anjo jama-jamanga, iami anjo nanapala' tojeng-tojemmo ikambe sollanna tena nanubawang-bawangangi anjo kabajikang pa'mai'Na Allata'ala.

2 KORINTUS 6:1 ပူးပေါင်းရင်းမြစ်များ

YEREMIA 8:8

Barani tojengko nukana kalennu cara'de', siagang nuassengi hukkung-hukkungKu! Cinissai antekamma batena anjo hukkung-hukkungKu nipinra ri panrita-panrita agamaya, a'jekkoa pa'mai'na.

MATIUS 23:37

“O Yerusalem, O Yerusalem! Kau ambunoi na'bi-na'bia. Nusambilai batu sikamma tunisuroNa Allata'ala sa'genna mate. A'mole-moleMa' ero' anraka' ngasengko sanrapang anrong janganga ancokkoi ana'-ana'na irawangang ka'nyi'na. Mingka tena ngaseng nuero'!

LAMPA-LAMPANA 11:23

Na ri wattunna battu Barnabas mange anjoreng, nacini'mi antekamma bateNa Allata'ala ambarakkaki ngasengi anjo taua. Sanna'mi rannuna Barnabas. Na napakainga'mo ke'nanga sollanna jarre' tojeng-tojeng tappa'na ke'nanga ri Batara.

LAMPA-LAMPANA 14:3

Iaminjo saba'na nammantammo sallo-sallo Paulus siagang Barnabas anjoreng. A'bicarami ke'nanga siagang barani ri passala'na Batara. Na Napa'buttimo Batara angkanaya ma'nassa kontutojengi anjo kabara' pangngamaseanNa; Nasaremi ke'nanga koasa anggaukangi gau'-gau' appakalannasaka.

ROMA 12:1

Sikamma sari'battangku! Sanna' baji'Na Allata'ala mae ri katte. Iaminjo saba'na nakupala' dudu ri kau ngaseng sollanna nupassareang sikontu batangkalennu a'jari koro'bang attallasa', siagang matangkasaka, kammayatompa nikarannuanga ri atinNa Allata'ala. Mustina kammaminjo caranu anynyomba mae ri Allata'ala.

1 KORINTUS 3:9

Ikambe sangkamma jaki' para tau anjama ri Allata'ala; na ikau sanrapangko kokonNa Allata'ala. Yareka sanrapang tongko balla' bangunanNa Allata'ala.

2 KORINTUS 10:1

Kamma-kamma anne, kalengku Paulus, nia' ero' kupabattuangko. Inakke anne, turu' kananna taua, sanna' tunana kana-kanangku punna sidallekanga' siagang ikau ngaseng. Mingka punna sikabellaiki' sanna' baraniku. Jari, lanri tunaNa siagang kabajikanNa Almasi,

GALATIA 2:21

Tena nakubalang parekangi anne pangngamaseanNa Allata'ala. Punna a'jari baji' ammotere' passisambunganna taua siagang Allata'ala lanri nagaukanna hukkung-hukkung agamaya, a'jari tenamo matu-matunna kamateanNa Isa mae ri kalenna!

GALATIA 3:4

Maka tena matu-matunna anjo apa le'baka nutarima? Tena na sia-sia!

1 TESALONIKA 3:5

Lanri kammana minjo nakusuromo Timotius battu mae ri kau ngaseng, sollanna akkulle kuasseng antekamma kamajuanna katappakkannu, nasaba' teai sipato' ero'na kuasseng. Bata-batai nyawaku, gassingka naso'riko Billisi' sa'genna a'jari sia-sia ngaseng kaposoanna ikambe.

TITUS 2:11

Nasaba' Napappicinikammi lammoro' pangngamaseanNa Allata'ala, sollanna Napasalama' sikontu rupataua.

IBRANI 12:15

Jagai sollanna tena manna sitau ambokoi kabajikang pa'mai'Na Allata'ala; sollanna tena nania' a'jari sanrapang lamung-lamung niaka racunna ri tangnga-tangnganu sa'genna appa'nia' kasukkarang siagang jai tau napanraki siagang racunna.

IBRANI 12:25

Lanri kammana, tutu laloko, gassingka taerokako ampilangngeri kananNa Tau ampabattuai biritta battua ri Allata'ala. Ia tau tenaya naero' ampilangngeri biritta nipabattua battu ri Allata'ala lalang ri anne linoa, takkulleai allariangi kalenna. La'biangampa ikatte anne, allangngerekai anjo a'bicaraya battu ri suruga! Punna taerokaki' ampilangngeri, antekamma bateta lakkulle ta'lappasa'.

IBRANI 4:1

Anjo janjinNa Allata'ala napajappa iji, na laNasareki' tampa' untu' pammari-mariang Napa'janjianga. Jari paralluki' tutu sollanna tena manna sitau battu ri kau ngaseng talanggappayai anjo pammari-mariang nipa'janjianga.

1 PETRUS 4:10

Massing annarima ngaseng mako passare pakkulle battu ri Allata'ala; anjo passarea tena nasangkamma-kamma. Lanri kammana, urusu' bajiki anjo passareNa Allata'ala; parallui massing nupake anjo pakkullea untu' kaparalluang nupa'juluia ngaseng.

1 SAMUEL 14:45

Mingka nakanamo ra'yaka mae ri Saul, “Maka musti nihukkung matei Yonatan? Nampa ia angngerangi anne pammetang lompoa? Tena! A'janji ikambe lanri Batara attallasaka, angkanaya takkulleai tappela' uu'na Yonatan manna silawara'. Nasaba' lanri pannulunNa Batara, nanggappa pammetang anne alloa.” Kammaminjo nanipasalama'mo Yonatan battu ri hukkungang matea lanri ra'yaka.