2 KORINTUS 5:16 - KITTA' MATANGKASA'

¹⁶ Lanri kammanami anjo, nataerokamo ikambe ambakuki se'rea tau situru' pa'baku'na rupataua. Memang, le'baki ikambe ambakuki Almasi situru' pa'baku'na rupataua, mingka kamma-kamma anne tenamo.

2 KORINTUS 5:16 ပူးပေါင်းရင်းမြစ်များ

PAMMILANGNGANG 10:30

Appialimi Hobab angkana, “Tarima kasi, mingka kaerokka' ammotere' mange ri kampongku.”

MATIUS 10:37

Inai-nai la'bi angkamaseangi anrong manggena naiNakke, tasiratangai amminawang ri Nakke. Kammaya todong, inai-nai la'bi angkamaseangi ana'-ana' bainena yareka ana'-ana' bura'nena naiNakke, tasiratanga tongi amminawang ri Nakke.

YOHANES 15:14

Ikau ngasemmi antu passari'battangangKu, punna nugaukangi apa Kuparentakanga ri kau.

YOHANES 2:4

Appialimi Isa Nakana, “Teaki' suroiA' amma'. Tenapa narapiki wattunna laKupakabateang KalengKu.”

YOHANES 6:63

Assareai katallassang rupataua iamintu RohNa Allata'ala. Tena matu-matunna kagassinganna rupataua. Kana-kana Kupabattua ri kau ngaseng iamintu kana-kana RohNa Allata'ala, assarea katallassang.

YOHANES 8:15

Ikau ngaseng, cara-carana rupataua nupake anghukkungi taua; mingka iNakke, manna sitau tania' tau Kuhukkung.

2 KORINTUS 11:18

Memang, jai tau ampakalompoi pa'mai'na passabakkang pakkalinoanga; jari ero' tongi kupakalompo sike'de' pa'maikku.

GALATIA 5:6

Nasaba' punna asse'remi tallasatta siagang Almasi, tenamo naparallu anjo nikanaya mannuruki yareka tena, mae ri paratorang sunnaka. Ia mami parallu anjo tappaka mae ri Almasi; na anjo tappaka ma'nassai lalang ri pangngamaseanta mae ri paranta tau.

PAOLE 33:9

Tamamminrayai ri Katte la'biangngang namaraengannaya, la'biangngang na tau toa siagang bija pammanakanna. Naturuki ke'nanga parenta-parentaTa, narupai ke'nanga parjanjianTa.

FILIPI 3:4

Sikontutojenna akkulle tonga' tanjeng mae ri sikamma pangngadakkang kammaya anjo. Nasaba' punna nia' tau angkana nia' saba'na nakkulle tanjeng mae ri pangngadakkang nacinika mata, inakke la'biangampa pole.

KOLOSE 3:11

Kale'bakkanna allanynya'mi sikontu passimmaraenganna tu Yahudia siagang bansa-bansa maraenga, yareka tu nisunnaka siagang tu tenaya nisunnaki; tenamo passimmaraengang ri bansa battu-battua siagang tau bambalaka; tenamo passimmaraengang ri tu a'jari ataya siagang tu bebasaka; nasaba' Almasimi a'jari yangaseng-ngasenna. Asse're ngasemmi ke'nanga lalang ri Almasi!

YAKOBUS 3:17

Mingka inai ampatangi kacara'dekang battu ratea ri suruga, iami maci'nong, nangai assiamaka, sombereki, siagang mappilangngeri. Iami sanna' jaina pangngamaseanna siagang a'nyatami panggaukang-panggaukang baji'na. Tena nabattala' siali, siagang tena nangai assara-sarai.

1 SAMUEL 2:29

Jari angngapa nungngoa ija anciniki koro'bang-koro'bang napassareanga bansaKu mae ri Nakke situru' Kuparentakanga? Angngapako Eli, nala'bi nupakala'biri' ana'-ana'nu kala iNakke, siagang angngapa nanubalang parekang ke'nanga ampakaco'moki kalenna battu ri bageang kaminang bajika ri sikontu apa napassareanga bansaKu mae ri Nakke?