2 KORINTUS 5:13 - KITTA' MATANGKASA'

¹³ Punna sanrapammo nucini' tau pongoroka ikambe, anjo lanri kaparalluang lamae ri Allata'ala. Na punna baji' nucini' jappana pikkiranna ikambe, anjo lanri kaparalluannu ngaseng.

2 KORINTUS 5:13 ပူးပေါင်းရင်းမြစ်များ

YEREMIA 29:26

“Le'ba' mako Naangka' Batara a'jari imang ansambeangi Yoyada, siagang kamma-kamma anne ikaumi kaminang tinggia empoannu ri Balla'Na Batara. Ia tugasa'nu iamintu amparentakangi sollanna sikamma tau pongoroka, nakanaya kalenna na'bi, nisikkoki rante bassi kallonna.

MARKUS 3:21

Nakanamo tau jaia, “Pongoro'mi anne taua!” Nalangngere'na bijanNa Isa anjo kajarianga, a'lampami ke'nanga angngallei Isa.

ROMA 12:3

Le'ba'ma' Nasare passare malammoro'Na Allata'ala. Lanri kammanami anjo nakupakainga' ngasengko angkanaya: Teako pakatinggi dudui kalennu battu ri siratannaya. Parallui nupakatuna pa'mai'nu nampa nuparessa rolong kalennu; massing-massing tau parallui naparessa kalenna situru' pakkulle natarimaya battu ri Allata'ala lanri tappa'na ri Isa.

2 KORINTUS 11:1

Boli'mi kamma kupa'jari dongo' rolong kalengku sike'de'. Sai akkulleji?

2 KORINTUS 12:11

A'gau' sanrapang tojemma' tau dongoka – mingka passabakkang ikaumi naku'jari kamma anjo. Sikontutojenna ikau ngasemmi siratang ampujia'. Nasaba' manna tena sikali anggarangku, mingka tena nakunibeta ri sikamma anjo suro balle-balle nukanaya sannaka porena!

2 KORINTUS 12:6

Alarapanna nia' todong apa-apa ero' lakukalompoang pa'mai', tena nakuero' a'jari tu lompo bicara, tenaya bonena; mingka apa-apa kontutojengaji bawang lakupau. Mingka kujagai kalengku, lanri tenana kuero' punna nia' tau la'bi dudu batena ambakuki apa-apa le'baka nacini' kugaukang, yareka apa-apa le'baka nalangngere' kupau.

2 KORINTUS 7:12

Jari, punna kutulisi' anjo suraka, teai passabakkang anjo tau salaya, teai tongi lanri nakasia'namo ke'nanga passessaya passabakkang anjo kasalanga. Mingka nakutulisi' anjo suraka, sollanna nanuasseng ri dallekanNa Allata'ala, antekamma lompona panjampanginnu ngaseng mae ri kambe.

KOLOSE 1:24

Kamma-kamma anne sannammi pa'maikku angkasiaki pa'risika untu' kaparalluannu. Nasaba' lanri kapa'risang nakasiaka tubuku, kupa'ganna'mi kasessang mustia Nakasia' Almasi untu' jama'aNa, iamintu tubuNa.

1 TESALONIKA 1:5

Nasaba' teai lalang kana-kana bawang batena ikambe ampabattui anne Kabara' Bajika, mingka lalang koasaNai siagang lalang RohNa Allata'ala, siagang lanri matappa'na ikambe ri katojenganna anjo Kabara' Bajika. Ri wattunna nia' ikambe ri tangnga-tangnganu, nuassemmi antekamma batena attallasa' ikambe untu' kabajikannu.

2 TIMOTIUS 2:10

Iami anjo saba'na nakusa'bara' antanggong ngasengi anjo kasessanga, lanri kaparalluanna sikamma tau le'bakamo Napile Allata'ala. Sollanna nagappa ngaseng todong ke'nanga kasalamakkang Napassareanga Allata'ala tete ri Isa Almasi, nirurunganga ri kala'birang mannannunganga.