2 KORINTUS 5:12 - KITTA' MATANGKASA'

¹² Mingka teai lanri ero'na ikambe appala' pammuji battu ri kau ngaseng. Passangalinna lanri ero'naji bawang ikambe assareko alasang baji', sollanna lompo pa'mai'nu mae ri kambe; sollannu angngasseng appiali mae ri tau angngalleangangai apa-apa nacinika ri tanja'na taua, na ia sipa'-sipa'na.

2 KORINTUS 5:12 ပူးပေါင်းရင်းမြစ်များ

PANGNGEBARANG 27:2

Teako palecei kalennu, boli'mi kamma tau maraenga anggaukangi anjo kammaya, ba'lalo tau tenaya nuassengi anggaukangi.

2 KORINTUS 10:12

Tantu tena nakibarani ampasangkammai yareka ampasantinggi kalenta siagang tau nakanaya kalenna tinggi. Teai sipato' dongo'na ke'nanga! Appareki pa'baku' untu' kalenna ke'nanga, nampa napake anjo pa'bakuka mae ri kalenna.

2 KORINTUS 10:18

Nasaba' tau akkullea nipuji iamintu tau nipujia ri Batara; teai tau ampaleceai kalenna.

2 KORINTUS 10:7

Parallui nupahang baji' apa-apa niaka nucini' kajariang. Punna nia' tau tappa' tojeng-tojeng angkanaya ma'nassa taunNami Almasi, parallui napakainga' kalenna na nasadari todong angkanaya ikambe anne taunNa tongki' Almasi, sangkamma ia.

2 KORINTUS 10:8

Tena nakusiri'-siri' tuli angkalompoang pa'maiki kakoasang le'baka Napassareang Batara mae ri kambe. Nasaba' anjo kakoasanga eroki nipake untu' ambangungko. Teai untu' anruntungko.

2 KORINTUS 12:11

A'gau' sanrapang tojemma' tau dongoka – mingka passabakkang ikaumi naku'jari kamma anjo. Sikontutojenna ikau ngasemmi siratang ampujia'. Nasaba' manna tena sikali anggarangku, mingka tena nakunibeta ri sikamma anjo suro balle-balle nukanaya sannaka porena!

2 KORINTUS 3:1

Maka sangkammai angkanaya napuji kalenna ikambe ilalanna anne passalaka? Yareka nakulle parallui ikambe sura' pammuji untu' ikau, yareka battu ri kau, sangkamma naparalluanga sikamma tau maraenga?

2 KORINTUS 6:4

Jari ilalang ri sikontu apa nagaukanga ikambe napa'nyatami ikambe angkanaya ikambe anne atanNaki' Allata'ala. A'rupa-rupami kasukkarang le'ba' nakasia' ikambe siagang sa'bara':

FILIPI 1:26

Lanri kammana, punna ammoterekka' sallang mae ri kau, asse'reamo siagang Isa Almasi, lapila' jaimi alasannu angkalompoang pa'maiki kalengku.