2 KORINTUS 5:11 - KITTA' MATANGKASA'

¹¹ Naassemmi ikambe angkana apa battuanna nikanaya malla' mae ri Batara; iaminjo saba'na nausahamo ikambe ampakatappaki taua ri sesena kalenna ikambe. Baji' niassenna ikambe ri Allata'ala, naminasai sollanna nanuasseng todong ikambe lalang ri atinnu ngaseng.

2 KORINTUS 5:11 ပူးပေါင်းရင်းမြစ်များ

PA'JARIANG 35:5

Ri wattu a'lampana Yakub siagang rombonganna, nipibattuimi malla' ri Allata'ala sikontu tau niaka ri anjo kotaya, sa'genna tena nabarani ke'nanga angngondangi Yakub siagang rombonganna.

AYUB 18:11

Nipabangkai tau ja'dalaka ri apa appakamalla' niaka battu ri kere-keremae; sangnging malla' ampinawangi dakka-dakkana.

AYUB 31:23

Tena kula'gau' kammanjo, saba' hukkunganNa Allata'ala sanna' Napakamalla'na pa'maikku.

AYUB 6:4

Pana battua ri Kaminang Koasaya natarrusuki kalengku; a'la'bangi racunna ri sikontu nyawa siagang batangkalengku. KahebakkanNa Allata'ala sanna' appakamalla'na, na battu ambakkaia' sanrapang pasukang musu.

PAMMUJI 73:19

Lalang sipakkida mataji bawang naancuru'mo ke'nanga, tamaka heba'na kapanrakang kale'bakkanna ke'nanga.

PAMMUJI 76:7

Sikontu jaranga siagang tuma'baena tu'guru' ngasemmi na mate ri pangga'garatTa, o, Allata'alana Yakub!

PAMMUJI 90:11

Inaika angngassengi lompona pangngalarroinTa? Yareka angngassengi kale'bakkanna kalarroanTa?

YESAYA 19:16

Nia' sallang se're wattu nala'jari pa'malla'-mallakkang siagang ballorang tu Mesir sangkamma tubaine. Annekkereki napakamma malla' punna nacini' Batara Kaminang Makoasaya ampaentengi limanNa untu' anghukkungi ke'nanga.

YESAYA 33:14

Sikamma tau dorakaya ri Sion lannekkereki napakamma malla'. Nakana ke'nanga, “KaputusanNa Allata'ala rapangi pepe' a'rinraya sa'genna satunggu-tungguna. Maka nia' tau akkulle attahang lalang ri anjo pepe' appakaancuruka?”

NAHUM 1:6

Inai akkulle attahang punna larro Batara? Inai akkulle ta'lappasa' battu ri pangngalarroinNa? Napa'betteseki larroNa a'rinraya ancuruki batua a'jari limbu'bu' ri dallekanNa.

MATIUS 10:28

Teako mallakki ri tau akkullea ammuno tubu, mingka tenaya koasaNa ammuno nyawa. Mingka musti mallakko mae ri Allata'ala, niaka koasana ammuno tubu siagang nyawa lalang ri naraka.

MATIUS 25:46

Jari lanihukkung ngaseng minjo taua sa'genna satunggu-tungguna. Mingka tau anggaukangai ero'Na Allata'ala, lanakasia'mi katallassang sitojennaya siagang mannannunganga.”

LUKAS 12:5

Baji'mi punna Kupauangko inai musti nukamallakkang. Iamintu, malla' mako ri Allata'ala. Nasaba' Iami akkulle ambunoko, siagang punna le'ba' mako Nabuno, akkulle tongko' Napantama' ri naraka! Tappa' mako, angkanaya Iaji bawang siratang nukamallakkang.

LUKAS 16:31

Mingka nakanamo Abraham, ‘Punna tena najampangi apa-apa napassuroanga Na'bi Musa siagang na'bi-na'bi maraenga, mattantu tena todong nalatappa' ke'nanga, manna pole nia' tau mate attallasa' poleang mange ampakaingaki ke'nanga!’ ”

LAMPA-LAMPANA 13:43

Assulu'na ngasemmo anjo taua battu ri balla' sambayanga, jaimi tau amminawang ri Paulus siagang Barnabas. Anjo taua tu Yahudi siagang bansa maraeng, antamayamo agama Yahudi. Nipakainga'mi ke'nanga ri anjo tunisuroNa Allata'ala, sollanna tuli tanjeng ke'nanga mae ri pangngamaseanNa Allata'ala.

LAMPA-LAMPANA 18:13

Kammaminne tuntutanna ke'nanga mae ri Paulus, “Anne taua ampangarui tau jaia anynyomba sala ri Allata'ala; nasaba' sisalai anjo apa napangngajarranga siagang apa Napassuroanga Allata'ala le'baka napabattu Musa mae ri kambe!”

LAMPA-LAMPANA 18:4

Mingka punna narapi' allo Pammari-marianga, a'lampami Paulus mange ri balla' sambayanga. A'bicarami siagang tu Yahudia kammayatompa tu Yunania, sollanna tappa' ke'nanga mae ri Isa.

LAMPA-LAMPANA 19:26

Na kamma-kamma anne massing nucini'mi siagang massing nulangngere'mi, apa nagaukanga anjo Paulus. Napaui angkana anjo rewata-rewata napareka rupataua tena sikali nakkulle nikana rewata. Najaimo tau akkulle a'jari tappa' ri anjo pangngajaranna; tena na ri Efesus bawang mingka a'birimmi a'la'bang todong ri sikontu daera Asia.

LAMPA-LAMPANA 26:26

Kalenna Karaeng Agripa angngasseng bajiki sikamma anjo passalaka. Iaminjo saba'na nakubarani a'bicara silambusu'na ri dallekanna karaenga. Tappaka' angkanaya tena manna sirupa anjo passalaka tanaassengapa karaenga, nasaba' tena nanjoreng ri tampa' kacokkoanga kajariang sikamma anjo passalaka.

LAMPA-LAMPANA 28:23

Jari appattantumi ke'nanga siagang Paulus se're allo untu' a'rappungang pole. Anjo alloa jai tau battu mange ri pammantanganna Paulus. Battu ri bari'basa' sa'genna karueng napakasingara'mi siagang napabattumi Paulus anjo biritta battua ri Allata'ala siagang Pamarentahanna. Napakemi Paulus apa-apa niaka tattulisi' lalang ri Kitta'na Musa siagang Kitta'na Na'bi-na'bia, ampakasingariangi ke'nanga sollanna a'jari tappa' ke'nanga mae ri Isa.

2 KORINTUS 2:17

Ikambe tena kisangkamma taua, ampare' kammai danggangang biritta battua ri Allata'ala. Ikambe ci'nongi pattujunta, nasaba' Allata'ala assareki' jama-jamang. Siagang KalenNa Allata'ala anciniki angkanaya nipa'jari atanNami Isa kalenta ampabattui anjo birittaya.

2 KORINTUS 5:20

Jari ikambemi anne tunisuroNa Almasi. A'bicarami ikambe sangkamma angkanaya KalenNa Allata'ala a'bicara mae ri kau ngaseng lalang ri kalenna ikambe. Lalang arenNa Almasi, nanapala' dudumo ikambe sollanna nujamakkimo limanNa Allata'ala assareako oloang nukkulle assibajiki siagang KalenNa.

2 KORINTUS 6:1

Lanri assiaganNa Allata'ala ikambe anggaukangi anjo jama-jamanga, iami anjo nanapala' tojeng-tojemmo ikambe sollanna tena nanubawang-bawangangi anjo kabajikang pa'mai'Na Allata'ala.

GALATIA 1:10

Punna kamma, gassingka nukana kuminasai sollangku niakui ri rupataua? Tena sikali! Allata'ala bawang kuminasai angngakuia'. Maka erokkuji ningai ri rupataua nakualle pa'mai'na? Punna kamma anjo bateku, teaiya' tunisuroNa Almasi.

EFESUS 5:21

Paralluko sipilangngeri sollanna nupakala'biri' Almasi.

IBRANI 10:31

Teai sipato' appakamalla'na punna tu'guru' taua antama' ri limanNa Allata'ala Mattallasaka!

IBRANI 12:29

Nasaba' anjo Allata'alata sanrapangi pepe' appakamutunga.

YUDAS 1:23

Besoki assulu' tau sanrapang lalanga ri pepeka sollanna salama' ke'nanga. Mae ri tau maraenganga, parallui nupa'nyata pangngamaseannu nirurunganga siagang malla'; mingka kabirisi ba'lalo pakeang ra'masa'na ke'nanga napakamma kaerokang dorakana ke'nanga.

PAPPICINI' 20:15

Sikamma tau tenaya natattulisi' arenna lalang ri Kitta'na Tau Attallasaka, lanipela' ngasemmi antama' ri tamparang pepeka.