2 KORINTUS 3:7 - KITTA' MATANGKASA'

⁷ Ri wattunna nipare' siagang niukiri' anjo parjanjiang angngeranga kamateang ri batua, accayami singara' kalompoanNa Allata'ala ri rupanna Musa. Teai sipato' accayana anjo singaraka, sa'genna takkulleai bansa Israelka anciniki rupanna Musa; manna pole nappakkaramulamo a'jari kurang accaya ammotere' rupanna Musa anjo wattua. Jari, punna kamma anjo lompona singaraka nipake ampareki anjo parjanjiang appamatea,

2 KORINTUS 3:7 ပူးပေါင်းရင်းမြစ်များ

PA'JARIANG 3:21

Jari appare'mi Karaeng Allata'ala pakeang battu ri kukkulu' olo'-olo' untu' a'jari pakeanna Adam siagang bainenna. Nampa Napipakeimo ke'nanga.

NEHEMIA 9:13

Kipaturung battu ri langi' mae ri tompo'na Moncong Sinai, Kinampa a'bicara siagang umma' kalenTa. Kisarei hukkung, atorang siagang parenta adeleka, tojenga siagang a'matu-matua.

PAMMUJI 119:174

Nakkuki pa'maikku mae ri kasalamakkang battua ri Katte, hukkunTa ampakarannui pa'maikku.

PAMMUJI 119:97

Tamaka kungaina hukkunTa; kunawa-nawai sila'busu' allo.

KALAPPASSANG 24:12

Nampa Nakanamo Batara ri Musa, “Battuko mae ri Nakke irate ri monconga. Anjoreng laKusareko rua batu Kupannulisia sikontu hukkungKu. Anjo sikontu hukkunga Kupassareangi untu' a'jari pangngajarang mae ri anjo bansaya.”

KALAPPASSANG 31:18

Le'baki a'bicara siagang Musa irate ri Moncong Sinai, Napassareammi Allata'ala anjo ruaya batu le'baka Napannulisi Allata'ala siagang sikamma parentaNa.

KALAPPASSANG 32:19

A'reppese'namo Musa mae ri anjo pakkemaanga, nacini'mi anjo sapi bulaenga siagang tau sitabanga a'joge'-joge'; sanna'mi larrona. Anjoreng memanji, iamintu ri bangkenna anjo monconga, napatappasa' anjo batu naeranga sa'genna ancuru' tassimbung-simbung.

KALAPPASSANG 34:1

Nampa Nakanamo Batara ri Musa, “Apparekko ruang la'ba' batu nipa' sangkamma rioloa. LaKutulisiki ri anjo batua kana-kana sangkammaya kana-kana niaka tattulisi' ri anjo batu le'baka nureppe'.

LAMPA-LAMPANA 6:15

Nicinikimi Stefanus ri sikontu tau niaka hadere' lalang ri anjo sidang Pangadelang Agamaya. Na anjo wattua, attanja' kammami malaeka' nicini' rupanna Stefanus.

ROMA 10:4

Anjo hukkung-hukkung agamaya le'ba'mi Napa'ganna' Almasi. Jari inai-nai tappa' mae ri Almasi, a'jari baji'mi ammotere' passisambunganna siagang Allata'ala.

ROMA 4:15

Anjo hukkung-hukkung agama Yahudia appabattu tongi hukkungang battu ri Allata'ala. Mingka ka'de' tenai anjo hukkung-hukkunga, tena tommi panggaukang andakkaiyai anjo hukkung-hukkunga.

ROMA 5:20

KalenNa Allata'ala ampassareangi hukkung-hukkung agama Yahudia. Mingka pila' usahai rupataua anggaukangi anjo hukkung-hukkunga, pila' nadakkaimi anjo hukkung-hukkunga siagang pila' dorakami mae ri Allata'ala. Mingka pila' a'gau' dosana rupataua, pila' nikamaseang tommi ke'nanga ri Allata'ala.

ROMA 7:10

Jari anjo hukkung-hukkung agama nikanaya ri uru-uruna lassare katallassang, ba'lalo angngeranji kamateang mae ri kalengku.

ROMA 7:22

Atingku lalang nangai apa-apa Napassuroanga Allata'ala,

ROMA 7:5

Nasaba' katallassanta riolo, ero' batangkalenta bawang niturukiang. Anjo wattua ammumbai cinnata a'gau' dosa lanri nia'na anjo hukkung-hukkung agamaya angngatoroki kalenta. Iaminjo saba'na nanigaukammo panggaukang angngeranga mange ri kamateanga.

1 KORINTUS 13:10

LaNapa'jari sukku' ngasengi Allata'ala sikontu apa-apaya, nanipattaena ngaseng sikontu apa-apa tenaya nasukku' baji'na.

2 KORINTUS 3:3

Kalennami ke'nanga akkulle anciniki, angkanaya sanrapangko sura' Natulisika Almasi, nikiringa siagang napabattua ikambe. Anjo suraka teai dawa' nipatulisi' mingka Roh mattallasa'Na Allata'ala; tena todong nalalang ri karattasaka nitulisi', passangalinna lalangi ri atinna rupataua.

2 KORINTUS 3:6

Iami assarei pakkulle ikambe a'jari palayang untu' parjanjiang berua; iamintu parjanjiang tatta'galaka ri RohNa Allata'ala, jari teai ri hukkung tattulisika. Nasaba' anjo tattulisika angngerangi kamateang, mingka anjo RohNa Allata'ala angngerangi katallassang.

2 KORINTUS 3:8

mattantu la'bi lompoangangi singara'na anjo parjanjiang Napassareanga RohNa Allata'ala ri wattunna nipare'.

GALATIA 3:10

Sikamma tau tanjenga mae ri hukkung-hukkung agamaya, laniparawa ngasengi ri pangngalarroiNa Allata'ala. Nasaba' nia' tattulisi' lalang ri Kittaka angkanaya, “Inai-nai tena najarre' anggaukangi apa-apa tattulisika lalang ri Kitta' Hukkung Agamaya, langgappai pangngalarroi battu ri Allata'ala!”

GALATIA 3:21

Jari maka assisalai anjo hukkung agamaya siagang janjinNa Allata'ala? Tantu tena! Nasaba' punna lanri akkullena natallasi rupataua nanipassareang anjo hukkung agamaya, tantu akkullemi assibajiki rupataua siagang Allata'ala tete ri anjo hukkung agamaya.

PAOLE 4:13

Anjoreng Napaumi mae ri kau apa mustia nugaukang untu' anrupai parjanjiang Napareka siagang ikau ngaseng. Anjo Sampuloa Parenta le'baka Natulisi' ri ruaya batu tulisi' musti nugaukangi.

PAOLE 4:8

Bansa lompo kereanga nia' hukkung-hukkung adele' kammaya, sangkamma hukkung-hukkung kupangngajarranga mae ri kau ngaseng anne alloa?

PAOLE 5:22

Iaminjo parenta-parenta Napassareanga Batara mae ri kau ngaseng ri wattunnu asse're ri monconga. Ri wattunna a'bicara kamma sa'ra gamarrung battu lalang ri pepeka siagang rammang kapalaka, Napassareangi anjo parenta-parentaNa. Tena maraeng Napassareang. Nampa Natulisi' lalang ri rua batu na Napassareang mae ri nakke.”

PAOLE 9:15

Nampa kugilimmo kalengku, nampa naumma' battu ri anjo moncong sitabanga a'rinra-rinra, siagang kuerang tommi anjo ruaya batu parjanjiang, kuta'gala' siagang rua limangku.

IBRANI 12:18

Tena nasangkamma apa-apa nudallekanga siagang apa-apa nadallekanga bansa Israel riolo. Nasaba' ia ke'nanga andallekangi apa akkullea nita'gala', iamintu Bulu' Sinai siagang pepe'na a'rinra-rinraya; andallekangi ke'nanga sassang makkappu' siagang anging lompo;

IBRANI 3:3

Mingka siratangi Isa anggappa kala'birang malompoanganga na Musa. Nasaba' musti la'bi lompoangangi kala'birang nagappaya anjo tau ambangunga balla', kala anjo ballaka.

IBRANI 9:4

Lalang ri anjo kamaraka, nia' pattunuang dupa bulaenga nipare', siagang nia' todong Patti Passijanjiang nilapisika bulaeng. Lalang ri anjo Pattia nia' uring bulaeng pammoneang roti, takkanna Harun accu'lakamo, siagang ruang lawara' batu pannulisang niaka tattulisi' irateanganna sampuloa paratorang Napassuroanga Allata'ala.