2 KORINTUS 3:16 - KITTA' MATANGKASA'

¹⁶ Mingka punna battu taua andallekang ri Batara, sanrapang nisungkemi anjo bongonga battu ri rupanna anjo taua.

2 KORINTUS 3:16 ပူးပေါင်းရင်းမြစ်များ

KALAPPASSANG 34:34

Sampang antama' Musa ri KemaNa Batara untu' a'bicara siagang Batara, nasungkei anjo kaenga sa'genna assulu'. Le'ba'na napabattu mae ri bansa Israel sikontu pasanNa Batara,

YESAYA 25:7

Irate ri anjo buluka laNapa'lanynyaki rammang kasi'nanga niaka antongkoki bansa-bansaya.

YESAYA 29:18

Anjo wattua tau tongoloka lanalangngereki kana-kana nibacaya battu ri se'reang kitta', siagang tau butaya, ia sassanga tallasa'na sumpaeng, lakkullei accini'.

YESAYA 54:13

Sikontu pandudu'nu a'jari ana' gurungKu, lakala'biangi siagang lasalewangangi ke'nanga.

YEREMIA 31:34

Tenamo naparallu se'rea tau ri ke'nanga langngajaraki paranna tau untu' angngassengi Batara. Nasaba' yangasenna ke'nanga, lompo ca'di, lanaasseng ngasengA'. LaKukaluppai kasalang-kasalanna ke'nanga, laKupammopporangi dosa-dosana ke'nanga. INakke, Batara, anne akkana.”

PIRAUNG 3:40

Bajiki massing nisalidiki tallasatta, na kimmotere' mange ri Karaeng Allata'ala niaka ri suruga. Umba nanisungke atinta nakiappala' doang angkana,

ROMA 11:23

Na ri passala'na anjo tu Yahudia, punna a'jari tappa'mo ke'nanga lanitarimami ke'nanga ammotere'; nasaba' makoasai Allata'ala antarimai ke'nanga ammotere'.

2 KORINTUS 3:15

Manna ri kamma-kammaya anne, punna nabaca ke'nanga kitta'-kitta'na Musa, sanrapang nitongko' iji pikkiranna ke'nanga ri anjo bongonga.

PAOLE 30:10

Mingka musti mannurukiko mae ri Ia siagang mannuruki ri sikontu hukkunNa niaka tattulisi' lalang ri anne kittaka, iamintu kitta' HukkunNa Batara. Musti attojeng-tojengko ri pa'mai'nu ammotere' mae ri Ia.

PAOLE 4:30

Punna nitujuko ri yangasenna anjo balaya siagang punna niakko lalang ri kasukkaranga, lammoterekko mae ri Karaeng Allata'alanu siagang mannuruki ri Ia.