2 KORINTUS 3:13 - KITTA' MATANGKASA'

¹³ Ikambe tena kisangkamma Musa antongkokai rupanna sollanna takkullea nacini' bansa Israel ri wattunna mate siagang lanynya' anjo cayaNa Batara ri rupanna.

2 KORINTUS 3:13 ပူးပေါင်းရင်းမြစ်များ

MARKUS 8:25

Napamangemi pole limanNa Isa ri matanna anjo taua. Nampa napikulle-kulleimi pole accini' anjo taua. A'jari baji'mi matanna siagang baji' ngasemmi nacini'na apa-apaya.

ROMA 10:4

Anjo hukkung-hukkung agamaya le'ba'mi Napa'ganna' Almasi. Jari inai-nai tappa' mae ri Almasi, a'jari baji'mi ammotere' passisambunganna siagang Allata'ala.

2 KORINTUS 3:7

Ri wattunna nipare' siagang niukiri' anjo parjanjiang angngeranga kamateang ri batua, accayami singara' kalompoanNa Allata'ala ri rupanna Musa. Teai sipato' accayana anjo singaraka, sa'genna takkulleai bansa Israelka anciniki rupanna Musa; manna pole nappakkaramulamo a'jari kurang accaya ammotere' rupanna Musa anjo wattua. Jari, punna kamma anjo lompona singaraka nipake ampareki anjo parjanjiang appamatea,

KOLOSE 2:17

Yangasenna anjo poro bayang-bayannaji bawang apa-apa labattua; mingka lampa'nyatayai sikammaya anjo iamintu Almasi!