2 KORINTUS 2:9 - KITTA' MATANGKASA'

⁹ Nakukiring anne suraka mae ri kau, lanri ero'na kuasseng angkanaya maka ero' jako tuli anturuki apa-apa kupaua mae ri kau.

2 KORINTUS 2:9 ပူးပေါင်းရင်းမြစ်များ

KALAPPASSANG 16:4

Nakanamo Batara ri Musa, “Kamma-kamma anne lappaturungA' kanre alla'bi-la'bi rapang bosi untu' ikau ngaseng. Tunggala' allo musti appasse'reko kanre untu' siganna'na nukanre siallo. Kammaminjo bateKu ero' anso'ri ummakKu, sollanna akkulle Kuasseng angkana apaka ma'nassa mannuruki tojenji ke'nanga ri sikamma parentaKu yareka tena.

2 KORINTUS 10:6

Na punna amminawang turu' ngaseng mako, sadiami ikambe untu' anghukkungi sikamma tau tenaya namminawang turu'.

2 KORINTUS 2:3

Iaminjo saba'na nakutulisi' anne suraka mae ri kau. Taeroka' angkunjungiko, nampa nupakasi'na pa'maikku. Sikontutojenna musti nupakarannui pa'maikku. Nasaba' tappaka' angkanaya punna rannua', amminawang ngaseng todong mako rannu.

2 KORINTUS 2:4

Sanna' si'nana siagang sanna' battala'na pa'maikku, kammayatompa ammatti'-mattiki je'ne' matangku ri wattunna kutulisi' anne suraka. Mingka teai lanri kukellainu si'na nakupau anne, passangalinna sollanna akkulle nuasseng angkanaya sanna' ngaseng kukarimangnginnu.

2 KORINTUS 2:8

Jari kupalaki ri kau ngaseng, sollanna nupappicinikang pole mae ri ia, angkanaya ma'nassa sanna' tojeng nukarimangnginna.

2 KORINTUS 8:2

Le'ba'mi ke'nanga niso'ri siagang kasukkarang lompo. Mingka ri tangnga-tangngana anjo kasukkaranga, tuli rannuna pa'mai'na ke'nanga. Manna nakasi-asi ke'nanga, mingka lammoro' pa'maiki ke'nanga assare sumbangang, untu' antulungi tau maraenga.

2 KORINTUS 8:24

Kiminasai nanupappicinikang ngaseng pangngarimanginnu mae ri ke'nanga. Sollanna naasseng ngaseng jama'aka angkanaya nukarimangngi ke'nanga. Kammayatompa na'buttimo angkanaya kontutojengi apa nakalompoang pa'maika ikambe ri sesena ikau ngaseng.

PAOLE 13:3

tea' laloko erokki amparhatikangi. Napakei Karaeng Allata'alanu anjo taua untu' anso'riko, lanri ero'Na Nacini' angkanaya apaka ma'nassa mangngamaseang tojengko mae ri Batara yareka tena.

PAOLE 8:16

Ri parang lompoa Nasareko manna untu' a'jari kanrenu, iamintu kanre tenaya naassengi boe-boenu. Nagaukangai Batara kammaya anjo lanri ero'nu naso'ri siagang nakellaina tuna pa'mai'nu, sollanna akkulle a'gau' baji' mae ri kau ri kale'bakkanna.

PAOLE 8:2

U'rangi! Patampulo taungko Napimping Karaeng Allata'alanu lalang pa'jappang bella ammalo ri parang lompoa. Erokko Naso'ri Batara ilalang ri anjo pa'jappanga, sollanna akkulle Nacini' apa niaka lalang ri atinnu, siagang apaka lanuturukiji parenta-parentaNa yareka tena.

FILIPI 2:12

Lanri kammana, sikamma sari'battang sannaka kukarimangnginna, antekamma batenu tuli mannuruki ri nakke ri wattu niakku ri tangnga-tangnganu, sangkamma tomminjo kamma-kamma anne, ri wattunta assikabellai, paralluko mannuruki ri nakke. Le'ba' mako nipasalama' ri Allata'ala. Lanri kammana, paralluko tuli usaha, sollanna a'jari sukku' kasalamakkannu. Gaukammi anjo sikammaya siagang malla' siagang mannuruki mae ri Allata'ala;

FILIPI 2:22

Kalennu ngasemmo anciniki buttina angkanaya a'matu-matui Timotius. Anjama terasa' tommi siagang inakke untu' ampa'la'bangi Kabara' Baji' battua ri Allata'ala. Ikambe sipa'rua sangkamma maki' ana' na mangge.

2 TESALONIKA 3:14

Nakulle kapang nia' tau taeroka anturuki anne apa napabattua ikambe lalang ri anne suraka. Tutuko ri anjo tau kammaya; teako eroki assierang-erang siagang anjo tau kammaya sollanna a'jari siri'-siri',

FILEMON 1:21

Tappa' sikalia' ri wattunna kutulisi' anne suraka, angkanaya lanuturukianga' anne pappalakku. Na memang kuassengi angkanaya lala'biangangi pole lanuturukingku.