2 KORINTUS 2:17 - KITTA' MATANGKASA'

¹⁷ Ikambe tena kisangkamma taua, ampare' kammai danggangang biritta battua ri Allata'ala. Ikambe ci'nongi pattujunta, nasaba' Allata'ala assareki' jama-jamang. Siagang KalenNa Allata'ala anciniki angkanaya nipa'jari atanNami Isa kalenta ampabattui anjo birittaya.

2 KORINTUS 2:17 ပူးပေါင်းရင်းမြစ်များ

YEREMIA 5:31

a'balle-ballei na'bi-na'bia, sikamma imanga allayani situru' ri ero' pa'mai' kalenna na ikau ummakKu nungai anjo kammaya. Mingka apa lanugaukang punna battu allo kala'busanga?”

MATIUS 24:24

Nasaba' lania' sallang battu siapa are tumappasalama' patipu, siagang na'bi-na'bi patipu. Lanappicinikangi ke'nanga gau'-gau' teai sipatoka lompona siagang appakalanna'-lannasaka, sollanna akkulle, manna umma'Na Allata'ala lanatipu todong.

LAMPA-LAMPANA 20:20

Nuasseng ngasemmi angkanaya tena nakumalla'-malla' ampauangko apa niaka matu-matunna mae ri kau. Kusareko pangngajarang lalang ri pa'rappunganna tau jaia, yareka massing ri balla'nu ngaseng.

LAMPA-LAMPANA 20:27

Tena nakule'ba' ampilari tugasakku untu' ampakasingariangko sikontu apa eroka Nagaukang Allata'ala ri kau ngaseng.

1 KORINTUS 5:8

Jari, maeko nanipakalompo anjo passua'-suarranga siagang roti tenaya nammake pa'gambang; iamintu roti a'jaria pangngebarang mae ri apa-apa tenaya callana siagang Nakaerokanga Allata'ala. Teaki' nakipakalompoi anjo passua'-suarrang Paskaya siagang roti niaka pa'gambang sallona, iamintu pa'gambang dosaya siagang kaja'dallanga.

2 KORINTUS 1:12

Lompomi pa'mai'na ikambe lanri tappa'na ikambe, angkanaya sikamma apa nagaukanga ikambe ri anne linoa, la'biangampa pole nagaukanga ikambe mae ri kau ngaseng, akkullemi nagaukang ikambe siagang lambusu' pa'mai' kammayatompa ati maci'nong. Yangasenna anjo nagaukangi ikambe, teai lanri kacara'dekanna ikambe, mingka lanri pakkulle Napassareanga Allata'ala mae ri kambe.

2 KORINTUS 1:18

Lanri Allata'ala akkullea nipatappa', sitojeng-tojenna anjo janjingku mae ri kau teai passala' “Iyo” yareka “Tena”.

2 KORINTUS 11:11

Angngapa nakuakkana kamma? Maka lanri tenana nakukamaseangko? Naassengi Allata'ala angkanaya kukamaseangko!

2 KORINTUS 12:19

Gassingka nukana ngaseng anne siapa sallona erokka' alliliangi kasalangku mae ri kau. Sala pahang sikaliko antu. Naassengi Allata'ala angkanaya yangaseng anjo napaua ikambe situruki ero'Na Almasi. Sikontu anjo apa kigaukanga iamintu untu' ambangung ngasengi tappa'nu.

2 KORINTUS 4:2

Tena nakiaccokko-cokko siagang tena nakiappakasiri' bateta anggaukangi anne jama-jamanga. Tena nakiero' jekkong anggaukangi anne jama-jamanga, yareka tena nakiero' amputara' baleki kananNa Allata'ala. Silambusu'na bawang ero'Na Allata'ala nabirittakang ikambe. Lanri kammana, naminasai ikambe nanabilang baji' ngaseng ri pa'mai'na taua anjo apa nagaukanga ikambe.

2 KORINTUS 6:7

lalang koasaNa Allata'ala nanibirittakang kabara' battua ri Allata'ala; na lanri kammanami anjo nanapappicinikammo ikambe angkanaya ikambe anne ma'nassa atanNaki' Allata'ala. Anna'gala' jarre' maki' mae ri ero'Na Allata'ala. Iaminjo a'jari kagassinganna ikambe untu' langngewa yareka lanjagai kalenta punna battu mae musu lammanrakia.

GALATIA 1:6

Lannasaka' mae ri kau ngaseng sari'battang! Nasaba' le'ba' mako nikio' ri Allata'ala lanri pangngarimangnginNa tete ri Almasi. Mingka kamma-kamma anne teai sipato' linta'nu ambokoi Allata'ala. Amminawangko mae ri “kabara' baji'” maraengannaya na Kabara' Baji' battua ri Allata'ala.

1 TESALONIKA 2:4

Teai kammaya anjo! Tena na'bicara ikambe lanri ero'na napakasannang nyawana taua, passangalinna lanri ero'na ikambe ampakasannangi atinNa Allata'ala, angngassengai atinna ikambe. Nasaba' Iami assarei pangngellai ikambe untu' ampa'la'bangi anjo Kabara' Bajika.

TITUS 1:11

Anjo tau kammaya musti nijempangi bawana, nasaba' jaimi kaluarga napakalingu ke'nanga lanri pangngajarang tenana matu-matunna ke'nanga. Nanagaukang ke'nanga anjo kammaya iaji kalanri ero'na ke'nanga anggappa passawallang takamma-kamma!

IBRANI 11:27

Lanri tappa'na, natamallakamo Musa ri pangngalarroinna karaenga nanabokoi butta Mesir. A'lampami Musa mange ri tampa' lanatujua sangkamma le'ba' angkanaya le'ba'mi nacini' anjo Allata'ala tenaya nakacinikang.

1 PETRUS 4:11

Inai-nai appabattu biritta, musti napabattui biritta battua ri Allata'ala; inai allayani ri paranna tau, musti allayani situru' kagassingang battua ri Allata'ala; sollanna ilalang yangaseng-ngasenna, akkullemi nipakala'biri' Allata'ala tete ri Isa Almasi. Iami Makoasa siagang siratanga nipakala'biri' sa'genna satunggu-tungguna. Aming.

1 YOHANES 4:1

Sikamma sari'battangku sannaka kukarimangnginna! Teako patappa' ngasengi tau nakanaya niaki RohNa Allata'ala ri kalenna; mingka pilajari rolong baji'-baji' sollanna akkulle nuasseng angkanaya roh battu kemae anjo niaka ri ke'nanga: Roh battuka ri Allata'ala yareka teai. Nasaba' kamma-kamma anne jai na'bi balle-balle a'jappa mange-mange.

YUDAS 1:4

Nasaba' tanisa'ringai na nia'mo siapa are tu kodi ateka' antama' ri tangnga-tangngata. Anjo ke'nanga sangnging tau panra'; naputara' baleki biritta pangngamaseanNa Allata'alata, sollanna akkulle anggappa kasampatang ke'nanga untu' anggaukangi ero' hawa napasuna. Taerokai ke'nanga antarimai Isa Almasi, Batara Makoasa tena ruanna. Battu riolo dudu iji nanipau la'bi riolo memammo lalang ri Kittaka hukkungang lanagappaya ke'nanga.

PAPPICINI' 12:9

Nipela'mi anjo naga lompoa assulukang! Iami anjo ulara' toaya niarenga Billisi' yareka Roh Ja'dalaka, antipuai sikontu linoa. Nipela'mi naung ri linoa siagang sikontu malaeka'na.

PAPPICINI' 19:20

Nijakkala'mi anjo olo'-oloka siagang sikontu na'bi takontutojenga, iamintu le'baka appare' panggaukang appakalannasa' ri dallekanna anjo olo'-oloka. (Iaminjo gau'-gau' appakalannasaka napake anjo olo'-oloka antipui anjo tau le'baka ngaseng nabatei anjo olo'-oloka, siagang anjo tau anynyombaya mae ri patunga.) Nampa nipela' attallasa' anjo olo'-oloka siagang na'bi balle-ballea antama' ri tamparang pepe' a'rinra-rinraya siagang bara.

PAPPICINI' 2:20

Mingka nia' Kukabattallang mae ri kau ngaseng: Nusarei pa'mai' Izebel, anjo baine nakanaya kalenna tunisuro ri Allata'ala. Jaimi atangKu le'ba' natipu siagang naajara' untu' a'gau' bawang siagang angkanrei kanre le'baka nipassareang mae ri barhalaya.