2 KORINTUS 2:1 - KITTA' MATANGKASA'

¹ Lanri kammanami anjo nale'ba'mo kutappuki angkanaya tenamo nakulabattu poleang angkunjungiko sa'genna a'jari si'na pa'mai'nu.

2 KORINTUS 2:1 ပူးပေါင်းရင်းမြစ်များ

LAMPA-LAMPANA 11:29

Jari assamaturu'mi sikamma tau tappaka ri Isa, ero' appikatu sumbangang mae ri sikontu sari'battang niaka ammantang ri Yudea; massing appikatumi ke'nanga situru' pakkullena.

LAMPA-LAMPANA 15:2

Sanna'mi nageakkinna Paulus siagang Barnabas panggappana anjo taua. Kale'bakkanna nipassamaturukimi sollanna a'lampa Paulus, Barnabas, siagang siapa are tau maraengannaya ri Antiokhia, mange ri Yerusalem. A'lampami ke'nanga mange ambicarai anjo passalaka siagang sikamma tunisuroNa Allata'ala kammayatompa pamimping-pamimping niaka anjoreng.

LAMPA-LAMPANA 15:37

Eroki Barnabas angngerang tongi Yohanes Markus,

1 KORINTUS 2:2

Nasaba' le'ba'mi kupakkalepu ri atingku angkanaya ilalang niakku ri tangnga-tangnganu ngaseng, tena maraeng apa-apa lakupabattu mae ri kau, pantaranganna passala'na Isa Almasi; marioloangannaya iamintu angkanaya le'ba'mi mate ri kayu sallika.

1 KORINTUS 4:21

Jari pilei mami apa la'bi nungaia! Apa erokko nakuterassi bateku angngajarakko punna battua' mae ri kau, yareka kulammai siagang kupakkamaseangi?

1 KORINTUS 5:3

Bellai batangkalengku battu ri kau ngaseng, mingka pa'maikku niaki ri tangnga-tangnganu. Jari erokka' a'bicara sangkamma angkana niakka' ri tangnga-tangnganu, “Lalang arenNa Batara Isa Almasi nakupau angkanaya, anjo tau le'baka anggaukangi anjo panggaukang ra'masa' kammaya, musti nihukkungi!” Punna a'rappungangko pasanrapangi angkanaya nia' tonga' hadere' lanri koasaNa Isa Almasi.

2 KORINTUS 1:23

Allata'alami a'jari sa'bingku – nasaba' Naassengi bonena atingku – angkanaya nakutanjaria mange ri Korintus, lanri tenana nakuero' ampakasi'nai pa'mai'nu.

2 KORINTUS 13:10

Iaminjo saba'na nakutulisi' anne suraka, lalang tenanapa nakunia' ri tangnga-tangnganu. Jari, punna battua' sallang, tenamo naparallu kupake katerassanga mae ri kau siagang kakoasang Napassareanga Batarata mae ri nakke. Anjo kakoasanga Napassareangi mae ri nakke Batara untu' ambangungko. Teai untu' lanruntungko.

2 KORINTUS 2:4

Sanna' si'nana siagang sanna' battala'na pa'maikku, kammayatompa ammatti'-mattiki je'ne' matangku ri wattunna kutulisi' anne suraka. Mingka teai lanri kukellainu si'na nakupau anne, passangalinna sollanna akkulle nuasseng angkanaya sanna' ngaseng kukarimangnginnu.

TITUS 3:12

Punna battumo Artemas yareka Tikhikus kusuro mae ri kau, akkaro-karo mako battu mae ri nakke ri Nikopolis, nasaba' erokka' ammantang anjoreng sa'genna le'ba' wattu dinginga.