2 KORINTUS 13:7 - KITTA' MATANGKASA'

⁷ Appala' doangki' mae ri Allata'ala sollannu Natulung, natena nugaukangi salaya. Teai lanri erotta ampappicinikangi angkanaya ikambe anne tau cara'dekki' anjama-jama. Mingka sollanna nugaukang ero'Na Allata'ala – manna nakamma nucini' tena wassele' jama-jamanna ikambe. Tena nangngapa-apa!

2 KORINTUS 13:7 ပူးပေါင်းရင်းမြစ်များ

1 PATTOTTORANG 4:10

Mingka appala' doangi Yabes mae ri Allata'ala nisombaya ri tu Israel, angkana, “O Allata'ala, Kibarakkakia', naKitambai luara'na daera kuparentaya. La'langia' siagang Kipakabella' battu ri balaya, sollanna tena nakusessa.” Na niturukiang pappala'na ri Allata'ala.

MATIUS 6:13

TeaKi' balang parekangi ikambe nibeta ri paccobaya passangalinna Kipakabellai ikambe battu ri maja'dalaka [IKattemi Karaeng makoasaya siagang kaminang mala'birika satunggu-tungguna. Aming!]’

YOHANES 17:15

Tena naKupalaki ri Katte sollanna Kiallei ke'nanga battu ri anne linoa, mingka Kupalaki ri Katte sollanna Kijagai ke'nanga battu ri Kaja'dallanga.

ROMA 1:28

Lanri nakanana tenamo naparallu rupataua angngassengi Allata'ala, nibalang parekammi sollanna a'jari panra' pikkiranna ke'nanga; sa'genna nagaukammi ke'nanga apa-apa tenaya nakkulle nigaukang.

ROMA 12:17

Punna nia' tau a'gau' ja'dala' mae ri kalennu, teako balasaki siagang kaja'dallang. Gaukangi apa nakanaya ngaseng taua baji'.

ROMA 13:13

Musti nigaukangi apa-apa mala'birika, sangkamma biasaya nagaukang taua ri wattu singaraka; teako alla'bi dudu batenu assua'-suara', yareka teako ta'liwakki batenu angnginung sa'gennu nasa'ring. Teako assalimaraki, yareka teako appanggaukang kammai tu tena nungngasseng atorang. Teako assiba'ji, yareka teako assereati.

ROMA 16:10

Sallangku mae ri Apeles. A'buttimi tamalanrena mae ri Almasi. Sallangku todong mae ri Aristobulus sibatu balla',

1 KORINTUS 11:19

Mingka lania' memang todong passisa'la'-sa'lakkang ri tangnga-tangnganu, sollanna kabateang sallang angkanaya kereanga tu Karisteng tojeng-tojeng.

2 KORINTUS 10:10

Lanakana kapang taua, “Sanna' terasa'na siagang sanna' baji'na sura'-sura'na Paulus. Mingka punna kalenna nia' ri tangnga-tangngata, lamma sikaliji siagang tena nasiapa pau-pauna!”

2 KORINTUS 10:18

Nasaba' tau akkullea nipuji iamintu tau nipujia ri Batara; teai tau ampaleceai kalenna.

2 KORINTUS 13:6

Kuminasai nanuasseng angkanaya ikambe anne teaiki' tau akkullea antahangi paccobaya.

2 KORINTUS 13:8

Nasaba' manna sike'de', takkulleaki' anggaukangi apa-apa tenaya Nakaerokangi Allata'ala; musti nigaukangi ero'Na Allata'ala.

2 KORINTUS 13:9

Rannu maki', punna ikambe lamma na ikau majarre'. Appala' doangki', sollannu a'jari sukku' baji' ri tallasa'nu.

2 KORINTUS 6:4

Jari ilalang ri sikontu apa nagaukanga ikambe napa'nyatami ikambe angkanaya ikambe anne atanNaki' Allata'ala. A'rupa-rupami kasukkarang le'ba' nakasia' ikambe siagang sa'bara':

2 KORINTUS 8:21

Nasaba' paralluki' a'gau' lambusu' ri dallekanNa Batara siagang ri dallekanna rupataua.

FILIPI 4:8

Na kala'busanna, sari'battangku ngaseng, parallui nubonei pikkirannu siagang apa-apa niaka anggaranna, siratanga nipuji, iamintu: apa-apa annabaya, mala'birika, adeleka, matangkasaka, mate'nea, siagang bajika.

1 TESALONIKA 5:23

Poro KalenNa Allata'ala, assareaki' kasalewangang, ampa'jariko tau attojeng-tojenga attallasa' untu' Allata'ala bawang. Poro Allata'ala anjagai sikontu batangkalennu, baji' roh, nyawa, yareka tubunu; sa'genna tena callannu sallang ri wattunna battu poleang Batarata Isa Almasi.

1 TIMOTIUS 2:2

untu' sikamma karaenga siagang untu' sikamma tau anna'galaka kakoasang. Pappalakangki' sollanta akkulle sannang siagang taricua kammayatompa a'gau' siratannaya lalang tallasatta ri dallekanNa Allata'ala.

2 TIMOTIUS 2:15

Paralluko attojeng-tojeng appattujuang sollanna Naakuiko Allata'ala angkanaya ma'nassa tau siratang memang tongko anjama untu' Allata'ala. Usahako sollanna tena nu'jari siri'-siri' passabakkang jama-jamannu; passangalinna pangngajarrangi baji'-baji' sikamma pangngajarang tojeng battua ri Allata'ala.

2 TIMOTIUS 4:18

Memang, tuli laNalappassanga' Batara battu ri sikontu usaha ja'dalaka mae ri kalengku. LaNaeranga' siagang salama' antama' ri KakaraenganNa ri suruga. Poro nipakala'biriki sa'genna satunggu-tungguna! Aming.

YAKOBUS 1:12

Maupaki tau sa'baraka ri wattunna nataba paccoba. Nasaba' punna akkullemi attahang lalang ri anjo paccobaya, lanatarimami passawallanna, iamintu katallassang le'baka Napa'janjiang Allata'ala mae ri sikamma tau mangngamaseanga ri Ia.

1 PETRUS 2:12

Musti sannaki nubajikinna panggaukannu ri tangnga-tangngana tau tenaya naassengi Batara. Sollanna punna napitinako ke'nanga angkana tau ja'dalakko, mingka musti napakkontutojengi panggaukang-panggaukang baji'nu; sa'genna lanapuji sallang ke'nanga Allata'ala, ri allo kabattuanNa.