2 KORINTUS 12:9 - KITTA' MATANGKASA'

⁹ Mingka appialimi Batara angkana, “MangngarimangngiA' mae ri kau, naganna'mo anjo mae ri kau; nasaba' punna lammai nukasia' kalennu, iaminjo wattua napila' magassing koasaKu.” Lanri kammanami anjo nakula'bi sannang angkalompoang pa'maiki apa-apa kukalammanga; nasaba' punna lammai kusa'ring kalengku, iaminjo wattua nakukasia' pannulunNa siagang kakoasanNa Almasi mae ri nakke.

2 KORINTUS 12:9 ပူးပေါင်းရင်းမြစ်များ

2 KARAENG-KARAENG 2:15

Anjo limampuloa na'bi naciniki anjo apa kajarianga, nampa nakana ke'nanga, “A'lette'mi koasana Elia mae ri Elisa!” Battumi ke'nanga mange ri Elisa nampa su'ju' ke'nanga ri dallekanna

PAMMUJI 8:2

O, Batara, Allata'alana ikambe, masahoroki koasaTa ri sikontu linoa! KalompoanTa natompoki langika

YESAYA 11:2

KoasaNa Batara langngului, ampa'jari baji' akkalaki siagang cara'deki, porei angngalle kaputusang nampa nagaukang; angngassengi ero'Na Allata'ala siagang mappilangngeri ri Ia.

YESAYA 43:2

Punna nusombali je'neka, iNakke anrurungangko, tena nulatallang lalang ri sikamma kasukkarrannu. Punna allaloko ri pepeka, tena nulammutung, tena nalanabalaiko sikamma paccoba battalaka.

ZEFANYA 3:17

Nala'langiko Karaeng Allata'alanu porea. Ammetako lanri kakoasanNa. Rannui pa'mai'Na siagang sannangi nyawaNa Batara lanri ikau, lanri pangngamaseanNa na Nasareko katallassang beru.

MATIUS 28:18

A'reppese'mi Isa ri ke'nanga, na Nakana, “Sikontu koasaya, ri suruga siagang ri linoa le'ba' ngasemmi nipassareang ri Nakke.

MATIUS 28:20

Ajaraki ke'nanga anggaukangi sikontu le'baka Kupassuroang ri kau ngaseng. Na u'rangimi angkanaya laniakKa' anrurungangko sa'genna kala'busang jammanga.”

LUKAS 21:15

INakke lassareko kacara'dekang siagang kana-kana lanupaua. Sa'genna manna sitau ri musu-musunnu takkulle ambeta kanako yareka ampassalai apa-apa nupaua.

1 KORINTUS 10:13

Sikamma paccoba nukasiaka, sangnging paccoba samara' ngaseng nakasia' rupataua. Mingka tuli jarre'Na Allata'ala mae ri janjinNa. Tena nalaNabalang parekangko nicobai alla'bi battu ri pakkullenu. Punna natabako paccoba, Iami lassareko kajarrekang sollannu akkulle attahang.

1 KORINTUS 15:10

Mingka lanri pangngamaseanNa Allata'ala, nakunipa'jarimo sangkamma anne ri kamma-kammaya anne. Siagang tena nasia-sia pammopporanNa Allata'ala mae ri nakke. Ba'lalo inakkemi kaminang anjama terasa' ri sikamma tunisuroa. Mingka sikontutojenna anjo sikammaya teai usahaku; anjo usahaNa Allata'ala, mangngamaseanga mae ri nakke, siagang niaka angngaganga' sipanjamang.

1 KORINTUS 2:3

Sanna' lammana kalengku siagang annekkerekka' napakamma malla' ri wattungku nia' ri tangnga-tangnganu ngaseng.

1 KORINTUS 2:5

Kammaminjo bateku anggaukangi, sollanna teai lanri kacara'dekang rupatau nanutappa' mae ri Almasi, passangalinna lanri koasaNa Allata'ala.

2 KORINTUS 11:30

Jari, punna nia' apa-apa musti nakalompoang pa'maikku, iaminjo kapa'risangku nakalompoang pa'maikku.

2 KORINTUS 12:1

Memang, tena passawallang nigappa punna nipakalompo pa'maika. Mingka kamma tonji erokku angkalompoang pa'maiki apa-apa le'baka Napappicinikang Allata'ala mae ri nakke.

2 KORINTUS 12:10

Jari kukarannuang tongi anjo sikamma kalammangku. Kukarannuang tongi punna lanri Almasi nakunitudu tarigaukku, punna natujua' susa, punna niondanga' ri kere-keremae, kammayatompa punna natujua' kasukkarang lanri Almasi. Nasaba' punna lamma kukasia', iaminjo wattua nakugassing.

2 KORINTUS 12:15

Lanri kammana, rellami nyawaku ero' angkoro'bangkangi sikontu katallassangku untu' ikau ngaseng. Ba'lalo manna sa'genna batangkalengku rella tonja' angkoro'bangkangi untu' ikau. Punna kamma anjo batenu kukarimangngi, maka siratangi punna kurang nukarimangngia'?

2 KORINTUS 12:5

Iaminjo taua ero' lakukalompoang pa'mai', teai kalengku. Ri sesena kalengku, iaji bawang anjo apa-apa kukalammanga, ero' kukalompoang pa'mai'.

EFESUS 3:16

Appala' doanga' mae ri Allata'ala kaminang mala'birika naporo Najarreki pa'mai'nu siagang RohNa.

FILIPI 4:13

Lanri kakoasang Napassareanga Almasi mae ri nakke, akkullema' majarre' andallekangi a'rupa-rupaya katallassang.

KOLOSE 1:11

Poro nipakajarrekko lanri kakoasang malompoNa Allata'ala, sa'gennu akkulle attahang angkasiaki sikamma kapa'risanga siagang sa'bara', yareka sannang pa'mai',

1 TIMOTIUS 1:14

Mingka ba'lalo nipila'bi-la'bianga' kalammorang pangngamaseang ri Batarata. Nasarea' pakkulle untu' tappa' ri Ia, siagang pangngamaseang akkullea nipatang punna asse'reki' siagang Isa Almasi lalang ri katallassanta.

IBRANI 11:34

nabunoi pepe' lompoa, tassalai ke'nanga battu ri pattobo' pa'danga. Tena kagassinganna ke'nanga, mingka a'jari kassaki; porei ke'nanga lalang ri pa'bundukanga sa'genna nabeta ngaseng pasukang bansa maraenga.

IBRANI 4:16

Lanri kammana, mae mako nakipa'baraniang kalenta andallekang ri Allata'ala, baji' pa'maika ammarenta. LaNakamaseangki' siagang laNabarakkakiki' Allata'ala sollanta akkulle anggappa pannulung ri sitabanna le'ba' wattunna.

YOSUA 1:9

U'rangi, angkanaya le'ba'mi Kuparentakang mae ri kau sollannu tappa' tojeng-tojeng siagang barani! Teako mallakki yareka teako naungi sumanga'nu, nasaba' iNakke Karaeng Allata'alanu anrurungangko ri sa'rinnu, manna pole kemae lampanu.”