2 KORINTUS 12:7 - KITTA' MATANGKASA'

⁷ Mingka sollanna tena nakua'jari tampo dudu lanri ri anjo pappicini' lompoa, le'baka kucini', nisarema' sirupa garring antama' ri kalengku. Anjo garringa akkullei napake Billisika. Nisarea' anjo garringa a'jari pa'ba'bala' ri kalengku, sollanna tena nakua'jari tampo.

2 KORINTUS 12:7 ပူးပေါင်းရင်းမြစ်များ

PA'JARIANG 32:25

Ri wattunna naasseng kalenna anjo taua angkana talammetayai ri anjo pa'laganga, nalappassangngimi pungku'na Yakub, sa'genna tassalamo poko' bongganna Yakub.

PA'JARIANG 32:31

Ri wattunna ammumbamo alloa, nabokoimi Yakub Pniel, siagang akkeppammi lanri tassalai poko' bongganna.

2 PATTOTTORANG 26:16

Ri wattunna kassa'mo Uzia, a'jari tampomi, siagang iami anjo a'jari saba' naancuru'. Nadakkai parentaNa Karaeng Allata'alana lanri antamaki ri Balla'Na Batara untu' attunu dupa irate ri tampa' pakkoro'bangngang dupaya.

2 PATTOTTORANG 32:31

Siagang ri wattunna battu sikamma tunisuroa battu ri Babel untu' ampakkuta'nangngangi antekamma batena appakalannasa' nammolle ri garrinna, nilappassammi Hizkia ri Batara untu' a'gau' ri ero'na, lanri ero'na niso'ri pa'mai'na.

AYUB 2:6

Nakanamo Batara mae ri lapung Panggoda, “Baji'mi, gaukammi apa eroka nugaukang mae ri Ia, assala' teako bunoi.”

AYUB 2:7

A'lampami lapung Panggoda battu ri dallekanNa Batara, nampa napa'jari puru lompomo sibatu kalenna Ayub, battu ri pala' bangkenna sa'genna nai' ri cappa' ulunna.

YEHEZKIEL 28:24

Nakana Batara, “Sikamma pa'rasangang singngampi'na Israel le'baka anghinai, tenamo nala'jari rapang katinting anno'do' mae ri Israel. La'jari sadaraki ke'nanga angkanaya iNakke Batara Kaminang Tinggia.”

DANIEL 5:20

Mingka ri wattunna a'jari tampo, kapala batu siagang palla', nigulummi battu ri kakaraenganna sa'genna tappela'mo kala'biranna.

HOSEA 2:6

Lanri kammana anjo laKukurungi lalang ri rompo' akkatintinga, siagang laKujempangi oloanna siagang kalli' tembo'.

PAMMILANGNGANG 33:55

Mingka punna tena nubongkai pandudu'na anjo pa'rasanganga, anjo tau ammantanga anjoreng lanasusaiko sanrapang kassi' antama' ri matannu yareka sanrapang katinting anto'doki bangkennu. Sallang ke'nangami lambundukiko.

MATIUS 26:67

Massing battumi ke'nanga ampi'rui rupanNa Isa, nampa nasessa naba'ji. Nia' tommo antempaka'rangi,

MATIUS 4:10

Appialimi Isa Nakana, “A'lampako Billisi'! Nia' tattulisi' lalang ri Kittaka angkanaya: Sombai Batara, Allata'alanu, siagang Iaji bawang siratang tuli nupakala'biri'!”

LUKAS 13:16

Anrinni nia' sitau baine, sossoranna Abraham, sampulomi assagantuju taung nisessa siagang nisikko' ri Billisi'. Maka takkulleai nila'gasi passikko'na ri Allo Pammari-marianga?”

1 KORINTUS 4:11

Sa'genna kamma-kamma anne nakasia'mi ikambe nikanaya cipuru' siagang atturere; care-carena ikambe ia mami ammantang niaka ri kalenna ikambe; nisessa maki' ri taua; tenamo tampa' pammantanganna ikambe;

1 KORINTUS 5:5

Musti nupassareangi anjo taua mae ri Billisika; sollanna panra' tubuna siagang lanri kammana nanipasalama' rohna ri wattu battuna pole ammotere' Batara.

2 KORINTUS 10:10

Lanakana kapang taua, “Sanna' terasa'na siagang sanna' baji'na sura'-sura'na Paulus. Mingka punna kalenna nia' ri tangnga-tangngata, lamma sikaliji siagang tena nasiapa pau-pauna!”

2 KORINTUS 10:5

kammayatompa anruntungi pa'ballakang katampoanna ke'nanga, eroka angngewai katojenganNa Allata'ala. Iami nipake ampadundui pikkiranna sikamma rupataua, sa'genna amminawang turu' mae ri Almasi.

2 KORINTUS 11:20

Nubalang parekangi kalennu punna nipare' atako ri taua, yareka napaccokko siagang napassawalliko, kammayatompa nakana kalenna tinggiangangi na ikau, nampa barani antempaka'rangko!

2 KORINTUS 12:1

Memang, tena passawallang nigappa punna nipakalompo pa'maika. Mingka kamma tonji erokku angkalompoang pa'maiki apa-apa le'baka Napappicinikang Allata'ala mae ri nakke.

GALATIA 4:13

Tantu nuu'rangi iji apa saba'na ri uru-uruna nakubirittakang anjo Kabara' Bajika mae ri kau. Saba'na, iamintu lanri natabaku garring.

PAOLE 17:20

Punna rajengi ambacai, tenamo nalanakana kalenna la'bi bajikangngangi na julu bansana maraenganga, siagang manna antekamma tenamo nalanadakkai parentaNa Batara. Nampa iami siagang jari-jarina tuli lammarenta ri bansana.”

PAOLE 8:14

katutui baji'-baji' sollanna tena nu'jari tampo siagang takkaluppa ri Karaeng Allata'alanu, le'baka allappassangko battu ri Mesir, le'baka nupammantangngi nipare' ata.

1 TIMOTIUS 3:6

Se'rea pamimping jama'ah takkulleai tau beru antamaya Karisteng, nasaba' gassingka a'jari tampoi nanggappa pangngalarroi sangkamma Billisika riolo.

HAKING-HAKING 2:3

Jari kamma-kamma anne pilangngeri! Tena nalaKubongka tu niaka ri anne pa'rasanganga punna tena nu'bundu' siagang ke'nanga. La'jari bali ke'nanga mae ri kau. Na lanaalleko sikko' sa'gennu amminawang turu' ansombai rewata-rewatana ke'nanga.”