2 KORINTUS 12:1 - KITTA' MATANGKASA'

¹ Memang, tena passawallang nigappa punna nipakalompo pa'maika. Mingka kamma tonji erokku angkalompoang pa'maiki apa-apa le'baka Napappicinikang Allata'ala mae ri nakke.

2 KORINTUS 12:1 ပူးပေါင်းရင်းမြစ်များ

YEHEZKIEL 11:24

Kuciniki kalengku niangka' ri RohNa Allata'ala nampa nipoteranga' mange ri sikamma tau nipelaka ri Babel. Nampa allanynya'mo anjo paccinikku.

PAMMILANGNGANG 12:6

na Nakanamo Batara, “Pilangngeri anne kana-kanangKu! Punna nia' battu ri kalase'rennu a'jari na'bi, Kupa'nyatai KalengKu mae ri ia lalang ri paccini'na siagang a'bicarA' siagang ia lalang so'na.

YOHANES 16:7

Mingka apa kammatojeng anne Kupaua mae ri kau: Angkanaya bajikangangi mae ri kau punna a'lampA'; nasaba' punna tena Ku'lampa, talabattuai anjo Pannulunga mae ri kau. Mingka punna a'lampA' laKusuroi battu anjo Pannulunga mae ri kau.

YOHANES 18:14

Siagang iami le'ba' ampakaingaki pamarentana ngaseng tu Yahudia angkanaya bajikangangi se'rea tau mate untu' sikontu bansaya.

LAMPA-LAMPANA 18:9

Ri se'reang bangngi nabattuimi pappiso'na Paulus. Lalang pappiso'nana Nakana Batara ri Paulus, “Teako mallakki Paulus! A'bicarako turus, teako ammakkangi.

LAMPA-LAMPANA 23:11

Bangngi poleanna, nia'mi battu Batara Isa ri sa'rinna Paulus na Nakana, “Pakajarreki pa'mai'nu! Le'ba' mako a'jari sa'bingKu ri Yerusalem. Musti la'jari sa'bi tongko sallang ri Roma.”

1 KORINTUS 10:23

Nia' tau angkana, “Akkulleki' anggaukangi sikontu apa eroka nigaukang.” Annabai! Mingka tayangasenna anjo apa ningaia a'matu-matu ri katte. “Akkulleki' anggaukangi sikontu apa eroka nigaukang” – mingka tayangasenna anjo nikaerokia akkulle ambangungi katallassanta.

1 KORINTUS 14:6

Ebara'na inakke battu mae ri kau ngaseng nakua'bicara appakalannasa' mae ri kau, maka apa matu-matunna mae ri kau? Mattantu tena matu-matunna manna sike'de'! Simmaraengi punna kupa'nyata apa eroka Napa'nyata Allata'ala, yareka kupakasingara' apa-apa battua ri Allata'ala, yareka kupabattu biritta battua ri Allata'ala yareka kuajarakko.

1 KORINTUS 6:12

Nia' tau angkana, “Yangaseng-ngasenna akkulleji nigaukang.” Mingka untu' inakke tena nayangasenna a'matu-matu kugaukang. Jari manna na'rupa-rupa apa-apa akkulle kugaukang, mingka tena nakuero' ampassareangi kalengku nikoasai ri apa-apa mamo.

2 KORINTUS 12:11

A'gau' sanrapang tojemma' tau dongoka – mingka passabakkang ikaumi naku'jari kamma anjo. Sikontutojenna ikau ngasemmi siratang ampujia'. Nasaba' manna tena sikali anggarangku, mingka tena nakunibeta ri sikamma anjo suro balle-balle nukanaya sannaka porena!

2 KORINTUS 12:5

Iaminjo taua ero' lakukalompoang pa'mai', teai kalengku. Ri sesena kalengku, iaji bawang anjo apa-apa kukalammanga, ero' kukalompoang pa'mai'.

2 KORINTUS 12:7

Mingka sollanna tena nakua'jari tampo dudu lanri ri anjo pappicini' lompoa, le'baka kucini', nisarema' sirupa garring antama' ri kalengku. Anjo garringa akkullei napake Billisika. Nisarea' anjo garringa a'jari pa'ba'bala' ri kalengku, sollanna tena nakua'jari tampo.

2 KORINTUS 12:9

Mingka appialimi Batara angkana, “MangngarimangngiA' mae ri kau, naganna'mo anjo mae ri kau; nasaba' punna lammai nukasia' kalennu, iaminjo wattua napila' magassing koasaKu.” Lanri kammanami anjo nakula'bi sannang angkalompoang pa'maiki apa-apa kukalammanga; nasaba' punna lammai kusa'ring kalengku, iaminjo wattua nakukasia' pannulunNa siagang kakoasanNa Almasi mae ri nakke.

2 KORINTUS 8:10

Turu' ri panggappaku, kamma-kamma anne siratang memang tommi nupa'le'ba' anjo apa-apa le'baka nupakaramulai ri taung allaloa. Nasaba' ikaumi uru-uru annawa-nawai siagang ampakaramulai anne jama-jamanga.

GALATIA 1:12

Tena nabattu ri rupataua kutarima anjo kabaraka. Siagang tena manna sitau ampangngajarrangi mae ri nakke. KalenNa Isa Almasi ansungkei bonena anjo Kabara' Bajika mae ri nakke.

GALATIA 2:2

A'lampa' mange ri Yerusalem, nasaba' le'baka' Nasare pappiso'na Allata'ala, angkanaya musti a'lampa'. Na lalang se're passirapakkang siagang pamimping-pamimpinga anjoreng, kupakasingariammi ke'nanga anjo Kabara' Baji' le'baka kupabattu mae ri bansa-bansa maraenga. Nasaba' tena nakuero' punna a'jari sia-sia anjo usahaku riolo siagang ri kamma-kammaya anne.

EFESUS 3:3

Nasungkemi Allata'ala mae ri nakke rahasia eroka Nagaukang na Napauanga'. (Bodona anne passalaka le'ba'mi kutulisi' irate;

1 TESALONIKA 4:15

Untu' anjo passalaka, iaminne pangngajara'Na Batara, eroka napabattu ikambe mae ri kau ngaseng: Punna battu sallang Isa, ikatte tau attallasaka ija talanipilumbayai tau la'bi rioloa mate.

1 YOHANES 5:20

Niassemmi angkanaya battumi Ana'Na Allata'ala siagang le'ba' maki' Napapahangngiang sollanta tappa' mae ri Allata'ala sitojennaya. Asse're maki' mae ri Allata'ala sitojennaya lalang ri katallassanta, kammayatompa asse're tommaki' mae ri Ana'Na, iamintu Isa Almasi. Iami Allata'ala sitojennaya, siagang Iami katallassang sitojennaya siagang mannannunganga.