2 KORINTUS 11:9 - KITTA' MATANGKASA'

⁹ Punna kakuranganga' anjo wattua, tena le'bakai nia' tau battu ri kau kususai manna sitau. Sikamma apa-apa kuparalluanga napa'ganna' ngasengi sari'battang battua ri jama'ah Makedonia. Kukatutui sollanna tena nakususaiko, manna na passala' kaparalluang apa-apa mamo. Na tuli kukatutuina anjo kammaya.

2 KORINTUS 11:9 ပူးပေါင်းရင်းမြစ်များ

NEHEMIA 5:15

Sikamma guburnur rioloangnganga nainakke, nabattalli ra'yaka lanri natuntuki ke'nanga battu ri ra'yaka 40 jaina doe' pera' lalanna siallo untu' kanre siagang anggoro'na ke'nanga. Ba'lalo, manna pagawe-pagawena ke'nanga najallakkang tonji ra'yaka. Mingka inakke taeroka' appakamma lanri mallaka' ri Allata'ala.

LAMPA-LAMPANA 18:3

Ammantammi Paulus anjoreng siagang ke'nanga, siagang anjamami siagang ke'nanga. Nasaba' a'julu pa'boya-boyangi Paulus siagang ke'nanga, iamintu appareka balla'-balla' niarenga kema.

LAMPA-LAMPANA 18:5

Ri wattunna nia'mo Silas siagang Timotius battu ri Makedonia, napakemi Paulus sikontu wattunna niaka, untu' ampabattui kabara' battua ri Allata'ala mae ri tu Yahudia. Napabattumi mae ri ke'nanga ri passala'na Isa, Karaeng Mappasalama' le'baka Napa'janjiang Allata'ala.

LAMPA-LAMPANA 20:33

Manna sitau tania' le'ba' kupattayangi doe' yareka care-care.

ROMA 15:26

Nasaba' le'ba'mi assamaturu' jamaah-jama'aka ri pa'rasangang Makedonia siagang Akhaya untu' assarei sumbangang sikamma sari'battang kasi-asia niaka ri alla'na umma'Na Allata'ala ri Yerusalem.

1 KORINTUS 16:17

Sanna' rannuku lanri battuna Stefanus, Fortunatus, siagang Akhaikus. Sanrapangi ke'nanga sambennu ngaseng mae ri nakke.

2 KORINTUS 6:4

Jari ilalang ri sikontu apa nagaukanga ikambe napa'nyatami ikambe angkanaya ikambe anne atanNaki' Allata'ala. A'rupa-rupami kasukkarang le'ba' nakasia' ikambe siagang sa'bara':

2 KORINTUS 9:12

Nasaba' anne gau' baji' nugaukanga, tena naporo lappa'ganna' bawang mae ri kakuranganna Umma'Na Allata'ala. Passangalinna la'jari tongi passabakkang najai tau lappala' sukkuru' mae ri Allata'ala.

FILIPI 2:25

Ri passala'na sari'battanta Epafroditus, le'baka nusuro battu ambantua', parallui kusuro ammotere' mae ri kau. Le'ba'ma' nabantu lalang ri jama-jamangku siagang usahaku.

1 TESALONIKA 2:6

Teai todong lanri ero'na ikambe nipalece ri taua, baji' nabattu ri kau yareka battu ri tau maraenga. Sikontutojenna salaku tunisuroNa Almasi, akkullei ikambe annuntu' apa-apa mae ri kau.

1 TESALONIKA 2:9

Tantu nuu'rangi ngasengiji antekamma terasa'na usaha siagang barjuang ikambe. Allo bangngi anjama ikambe sollanna tena manna sitau ri kau nisusai ri kambe, ri wattunna napa'la'bang ikambe anjo Kabara' Baji' battua ri Allata'ala mae ri kau.

IBRANI 11:37

Nia' nisambilai batu sa'genna mate, nia' nisamballe siagang garagaji, kammayatompa nibuno siagang pa'dang. Mange-mangei a'lampa ke'nanga ammakeang kukkulu' gimbala' yareka kukkulu' bembe; kasi-asi tallasa'na ke'nanga, nigau' takamma-kammai siagang nisessai.