2 KORINTUS 11:29 - KITTA' MATANGKASA'

²⁹ Punna nia' tau lamma, amminawang tonga' lamma kusa'ring. Punna nia' tau tu'guru' naung ri dosaya, posso' tongi nyawaku kusa'ring.

2 KORINTUS 11:29 ပူးပေါင်းရင်းမြစ်များ

1 KORINTUS 9:22

Kupa'jari kalengku sanrapang tau tenaya najarre' tappa'na ri tangnga-tangngana tau tenaya najarre' tappa'na, sollanna akkulle kubeso' ke'nanga a'jari tumminawang ri Almasi. Bodona kana, kupa'jari kalengku sanrapang apa-apa mamo, sollanna a'rupa-rupai carana nakkulle kuerang taua mae ri Almasi nanipasalama'.

1 KORINTUS 8:13

Lanri kammana, punna passabakkang apa kukanrea nadoraka sari'battangku, tena sikalimo nakuero' angkanrei anjo dageng kammaya. Nasaba' gassingka passabakkang inakke nadoraka sari'battangku.

PAPPICINI' 2:20

Mingka nia' Kukabattallang mae ri kau ngaseng: Nusarei pa'mai' Izebel, anjo baine nakanaya kalenna tunisuro ri Allata'ala. Jaimi atangKu le'ba' natipu siagang naajara' untu' a'gau' bawang siagang angkanrei kanre le'baka nipassareang mae ri barhalaya.

PAPPICINI' 2:2

Kuassengi apa nugaukanga ngaseng: anjama terasakko, siagang teai sipato' sa'bara'nu. Kuassengi angkanaya taerokako assarei pa'mai' tau ja'dalaka. Na anjo sikamma tau nakanaya kalenna tunisuroNa Allata'ala, nasikontutojenna teai, le'ba'mi nuparessa baji'; na nuasseng ngasemmo angkanaya anjo ke'nanga sangnging tau paballe-balle.

GALATIA 6:2

Paralluko situlung-tulung antanggongi susana parannu tau, nasaba' lanri kammanami anjo nanugaukammo apa Napassuroanga Almasi.

GALATIA 2:14

Kucini'na ke'nanga appakamma gio'na lalang ri anjo katojenganna Kabara' Bajika, kukanamo mae ri Petrus ri dallekanna ngaseng tau niaka hadere' anjoreng, “Punna ikau tu Yahudiko mingka sangkammami gio'nu siagang bansa maraenga, angngapa nanupassa kamma-kamma anne tau maraenga a'jari sangkamma tu Yahudia ri katallassanna?”

2 KORINTUS 13:9

Rannu maki', punna ikambe lamma na ikau majarre'. Appala' doangki', sollannu a'jari sukku' baji' ri tallasa'nu.

1 KORINTUS 15:36

Dongo' sikali anjo pakkuta'nanga! Punna a'lamungko bine naung ri buttaya, talattimboai anjo binea punna tamatea rolong anjo binea.

1 KORINTUS 12:26

Punna nia' kalase'renna anjo anggotaya pa'risi', anjo anggota maraenganga nakasia' tommi anjo pa'risika; punna nia' kalase'renna anjo anggotaya nipuji, anjo anggota maraenganga amminawang tommi nakasia' rannua.

1 KORINTUS 11:22

Angngapa nakkulle kamma? Sai massing nia' balla'nu? Akkulleko angnganre angnginung massing ri balla'nu. Yareka erokko anghinai jama'aNa Allata'ala siagang ampakasiriki tu kasi-asia? Jari apa musti kukana ri kau ngaseng? Musti kupujiko? Tena! Tena sikali nalakupujiko!

ROMA 15:1

Ikatte tau tappa' tojeng-tojenga ri apa nipatappaka musti sa'barakki' punna akkabaratangi tau lammaya tappa'na mae ri katte. Takkulleaki' kasannangang kalenta bawang niboya.

ROMA 12:15

Amminawangko rannu siagang tau rannua; siagang amminawang tongko angngarru' siagang tau angngarruka.

YOHANES 2:17

Nau'rangimi ana'-ana' gurunNa apa niaka tattulisi' lalang ri Kittaka angkanaya, “O Allata'ala, ia pangngaiKu ri BallatTa, sanrapangi pepe' akkanrea ri atingKu.”

MATIUS 11:6

Mate'nemi tau tenaya nasorongbokoA'!”

1 KORINTUS 8:9

Mingka tutuko! Gassingka passabakkang sangka' rupana nugaukang na'jari doraka todong tau maraenga, lanri tenanapa najarre' tappa'na ke'nanga.