2 KORINTUS 11:23 - KITTA' MATANGKASA'

²³ PalayanNai Almasi ke'nanga? Kammama' kapang nilangngere' tau kala'busang akkala'; mingka inakke palayang memanga', iamintu palayang bajikanganga na yangasenna anjo ke'nanga! Inakke terassangangi bateku anjama. A'mole-moleanganga' nipantama' ri tarungkua. Jaiangangi passessa kukasia' siagang a'mole-molema' sike'de' mate.

2 KORINTUS 11:23 ပူးပေါင်းရင်းမြစ်များ

YEREMIA 36:5

Nampa kusare anne parentaya angkana, “Tenamo kunipa'biang antama' ri Balla'Na Batara.

LAMPA-LAMPANA 14:19

Nia'mo siapa are tu Yahudi battu ri Antiokhia ri daera Pisidia siagang battu ri Ikonium mange ri Listra. Napangaruimi tau jaia sa'genna ammenteng mae ri ke'nanga tau jaia. Nasambilami ke'nanga batu Paulus nampa nare'resang assulu' ri pantarangang kota. Nakapangi ke'nanga angkana matemi Paulus.

LAMPA-LAMPANA 20:23

Iaji kuasseng angkanaya le'ba'ma' Nalambusiang RohNa Allata'ala angkanaya lanitarungkua' siagang lakukasiaki sessaya. Iaminjo Napauanga' Allata'ala ri wattungku a'lampa ri kota-kota le'baka kupa'lampai.

LAMPA-LAMPANA 21:11

Battui mae ri kambe nampa naalle passikko' aya'na Paulus. Napakemi anjo passikko' ayaka ansikkoki lima kalenna siagang bangkeng kalenna nampa nakana, “Iaminne Napaua RohNa Allata'ala: Anne patanna passikko' ayaka lanisikko' kammaminne ri tu Yahudia ri Yerusalem, nampa nipassareang mae ri bansa maraenga.”

LAMPA-LAMPANA 25:14

Narapiki pirangallo are ke'nanga nia' ri Kaisarea, nacaritami Festus anjo parkarana Paulus mae ri Karaeng Agripa. Nakana Festus, “Nia' anrinni sitau tahanang nabolika Feliks.

LAMPA-LAMPANA 27:1

Le'ba'mi nitappuki angkanaya musti a'lampa maki' mange ri Italia. Jari nipassareammi Paulus siagang siapa are tahanang maraenga mae ri Yulius, iamintu perwira tantara Roma nigallaraka “Pasukanna Karaenga”.

LAMPA-LAMPANA 28:16

Ri wattunna battu mange ri Roma nipa'biammi Paulus ammantang akkale-kale siagang nijagai ri sitau tantara.

LAMPA-LAMPANA 28:30

Ruan taungi sallona ammantang Paulus ri Roma, ri balla' nasewaya kalenna. Sannang sikali nyawana antarimai sikamma tau niaka battu angkunjungi.

LAMPA-LAMPANA 9:16

Siagang KalengKu ero' ampicinikiangi sikamma kapa'risang musti lanakasiaka passabakkang iNakke.”

ROMA 8:36

Nia' tattulisi' lalang ri Kittaka kana kammaya anne: “Sikabusu'na alloa niaki lalang ri bahaya kamateanga ikambe passabakkang Ikau. Nipare' sangkamma maki' gimbala' eroka nisamballe.”

1 KORINTUS 15:10

Mingka lanri pangngamaseanNa Allata'ala, nakunipa'jarimo sangkamma anne ri kamma-kammaya anne. Siagang tena nasia-sia pammopporanNa Allata'ala mae ri nakke. Ba'lalo inakkemi kaminang anjama terasa' ri sikamma tunisuroa. Mingka sikontutojenna anjo sikammaya teai usahaku; anjo usahaNa Allata'ala, mangngamaseanga mae ri nakke, siagang niaka angngaganga' sipanjamang.

1 KORINTUS 3:5

Sikontutojenna inai anjo Apolos? Siagang inai anjo Paulus? Ikambe anne poro palayanNa jaki' bawang Allata'ala, ia le'baka ampimpingko sollannu tappa' mae ri Almasi. Ikambe poro nigaukannaji bawang jama-jamang Napassuroanga Batara mae ri kambe.

1 KORINTUS 4:1

Alle rapammi angkanaya ikambe anne palayang-palayanNaki' Almasi; ikambemi nisare tugasa' ambirittakangi sikamma rancanaNa Allata'ala, tenayapa naassengi anne linoa.

1 KORINTUS 4:11

Sa'genna kamma-kamma anne nakasia'mi ikambe nikanaya cipuru' siagang atturere; care-carena ikambe ia mami ammantang niaka ri kalenna ikambe; nisessa maki' ri taua; tenamo tampa' pammantanganna ikambe;

1 KORINTUS 4:9

Nasaba' turu' panggappaku, ikambe tunisuroNa Allata'ala, le'ba' maki' Napare' paccini'-cinikang Allata'ala ri dallekanna rupataua siagang malaekaka. Ikambe sangkamma maki' tau tuna le'baka nihukkung mate ri dallekanna tau jaia siagang nigora-gorai ri bonena linoa.

2 KORINTUS 10:7

Parallui nupahang baji' apa-apa niaka nucini' kajariang. Punna nia' tau tappa' tojeng-tojeng angkanaya ma'nassa taunNami Almasi, parallui napakainga' kalenna na nasadari todong angkanaya ikambe anne taunNa tongki' Almasi, sangkamma ia.

2 KORINTUS 11:5

Tena sikali nakurapang kalengku la'bi tunaangngang na anjo sikamma anjo “tunisuro” nukanaya sannaka heba'na!

2 KORINTUS 3:6

Iami assarei pakkulle ikambe a'jari palayang untu' parjanjiang berua; iamintu parjanjiang tatta'galaka ri RohNa Allata'ala, jari teai ri hukkung tattulisika. Nasaba' anjo tattulisika angngerangi kamateang, mingka anjo RohNa Allata'ala angngerangi katallassang.

2 KORINTUS 4:11

Ilalang ri tallasa'na ikambe, tuli niondangi ikambe ri kamateanga lanri Isa, sollanna ilalang ri kammana anjo na'batemo katallassanNa Isa ri anne kalenna ikambe akkullea mate.

2 KORINTUS 6:9

Nikanamo tau tena angngassengki', mingka niasseng ngasengki' ri tau jaia. Nikana mate maki', mingka ma'nassa attallasa' ijaki'. Manna kinisessa, mingka tamateajaki'.

GALATIA 6:17

Kammayatompa pole, poro tena lalomo manna sitau ansusaia' pole; nasaba' nia'mi butti-buttina ri kalengku, angkanaya ma'nassa ana' gurunNa' Isa.

EFESUS 3:1

Iaminjo saba'na, na inakke anne, Paulus, nitarungkuma' lanri Isa Almasi untu' ikau ngaseng bansa-bansa maraenga.

EFESUS 4:1

Iaminjo saba'na nainakke anne tu nitarungkua lanri kulayanina Batara, kupala' dudui ri kau ngaseng: bajikimi empoang tallasa'nu situru' empoannu salaku tu le'bakamo nikio' ri Allata'ala.

EFESUS 6:20

Passala' iaminjo Kabara' Bajika nakua'jarimo se're tunisuro, niaka kamma-kamma anne lalang ri tarungkua. Pappala' doanganga', sollangku barani ambicarai anjo Kabara' Bajika, situru' apa siratanga lakubicara.

FILIPI 1:13

Passabakkang kammaminjo nanaasseng ngasemmo pangawala'na balla' karaenga siagang tau maraengannaya anrinni ri kotaya, angkanaya passabakkang a'jari palayangku mae ri Almasi nanitarungkua'.

FILIPI 2:17

Nakulle kapang lanibunoa' siagang latassolongi cerakku anjari sangkamma koro'bang nipatirika irate ri apa nupassareanga mae ri Allata'ala anjari' pammatei angkana tappakko ri Ia. Punna memang musti kammai anjo, appala' sukkuruka', siagang amminawang tonga' rannu siagang ikau ngaseng.

KOLOSE 1:24

Kamma-kamma anne sannammi pa'maikku angkasiaki pa'risika untu' kaparalluannu. Nasaba' lanri kapa'risang nakasiaka tubuku, kupa'ganna'mi kasessang mustia Nakasia' Almasi untu' jama'aNa, iamintu tubuNa.

KOLOSE 1:29

Untu' yangasennami anjo passalaka nakuanjama terasa'mo. Usaha tojeng-tojemma' siagang sikontu pakkulle Napassareanga Almasi mae ri nakke; na anjo anjamaya lalang ri kalengku sanna' makoasana.

1 TESALONIKA 3:2

nanisuro riolo sari'battanta Timotius battu mae ri kau: Anne Timotius, iami palayanNa Allata'ala, assiaganga ikambe anjama untu' ambirittakangi Kabara' Bajika, iamintu ri passala'na Almasi. Kisuromi Timotius battu mae ri kau ngaseng, sollanna napakajarrekko siagang napamajuko nupila' tappa' mae ri Almasi.

1 TIMOTIUS 4:6

Punna nupangngajarrang baji'mo yangasenna anjo mae ri parannu tau tappa', a'jari palayanNa mako Isa Almasi, siagang nugaukang baji'mi jama-jamannu. Siagang parallui pila' nupattimbo pa'mai'nu siagang kana nipatappaka battu ri Allata'ala, siagang pangngajarang katojengang nupinawangamo siapa sallona ri kamma-kammaya anne.

2 TIMOTIUS 1:16

Mingka a'mole-molema' nipakarannu ri Onesiforus siagang sikamma tubone balla'na. Poro nisare laloi pangngamaseang ke'nanga ri Batara. Manna kulalang ri tarungkua, mingka tena nakasirikanga' Onesiforus.

2 TIMOTIUS 1:8

Lanri kammana, teako siri'-siriki a'jari sa'bi mae ri Batarata, siagang tea tongko kasirikangia', ia nitarungkua lanri Batarata. Mingka, lanri kagassingang nugappaya battu ri Allata'ala, siratangko angkasia' tongi kasessanga untu' anjo Kabara' Bajika.

2 TIMOTIUS 2:9

Lanri kubirittakannamo Kabara' Bajika, nakukasia'mo kasessanga; ba'lalo nirantema' sangkamma tau sannaka ja'dala'na. Mingka anjo kana-kananNa Allata'ala takkulleai nirante.

2 TIMOTIUS 3:11

Nucini'ma' nisessa siagang angkasiaki kapa'risanga. Nuasseng ngasengi apa kajarianga ri nakke ri kota Antiokhia, Ikonium, siagang Listra; siagang nuasseng ngasengi sikamma kasessang antujua'! Mingka Nalappassanga' Allata'ala battu ri yangasenna anjo kasessanga.

FILEMON 1:9

Mingka lanri kukarimangnginnu, kupala'ji bawang mae ri kau. Inakke anne toama', siagang nitahanga' lalang ri tarungkua ri kamma-kammaya anne passabakkang Isa Almasi.

IBRANI 10:34

Siagang amminawang tongko ampisa'ringi si'nana tau nitarungkua. Siagang ri wattunna nialle passa apa-apannu, nupassareangi siagang sannang pa'mai'. Nasaba' nuassengi angkanaya nia' ijapa ri kau apa la'bi bajikanganga, akkullea attahang sa'genna satunggu-tungguna.