2 KORINTUS 11:21 - KITTA' MATANGKASA'

²¹ Siri'-sirika' angngakui angkanaya tena sikali nakkulle ikambe anggaukangi anjo panggaukang kammaya. Mingka apa barania nakalompoang pa'mai' taua, inakke barani tonja'! (Anne a'bicara tau dongokka'.)

2 KORINTUS 11:21 ပူးပေါင်းရင်းမြစ်များ

2 KORINTUS 10:10

Lanakana kapang taua, “Sanna' terasa'na siagang sanna' baji'na sura'-sura'na Paulus. Mingka punna kalenna nia' ri tangnga-tangngata, lamma sikaliji siagang tena nasiapa pau-pauna!”

2 KORINTUS 11:1

Boli'mi kamma kupa'jari dongo' rolong kalengku sike'de'. Sai akkulleji?

2 KORINTUS 11:17

Eroki kupau sike'de' apa nakalompoanga pa'maikku. Mingka teai Batara assuroa' ampakalompoi anne pa'maikku. Anne a'bicara' sanrapang tojeng-tojeng tau dongoka.

2 KORINTUS 13:10

Iaminjo saba'na nakutulisi' anne suraka, lalang tenanapa nakunia' ri tangnga-tangnganu. Jari, punna battua' sallang, tenamo naparallu kupake katerassanga mae ri kau siagang kakoasang Napassareanga Batarata mae ri nakke. Anjo kakoasanga Napassareangi mae ri nakke Batara untu' ambangungko. Teai untu' lanruntungko.

2 KORINTUS 6:8

Nipakala'birikki' mingka nihina tongki'; nipujiki' mingka nipa'boyang tongki' kodi. Manna kilambusu' pa'mai', nipakkanai tonjaki' paballe-balle.