2 KORINTUS 11:20 - KITTA' MATANGKASA'

²⁰ Nubalang parekangi kalennu punna nipare' atako ri taua, yareka napaccokko siagang napassawalliko, kammayatompa nakana kalenna tinggiangangi na ikau, nampa barani antempaka'rangko!

2 KORINTUS 11:20 ပူးပေါင်းရင်းမြစ်များ

YESAYA 50:6

Kutannangngangi dongkokku tau eroka amba'jia'; na pilisikku mae ri tau eroka ambi'buki janggokku. Tena nakugilingi rupangku ri wattungku nihina siagang nipi'rui.

PIRAUNG 3:30

Manna kinipakkanai siagang nitempaka'rang, parallui nitarima ngaseng anjo kammaya.

MARKUS 12:40

Sarro nangai tongi ke'nanga natipu janda-jandaya siagang naalleang balla'na. Na sollanna akkulle natongkoki anjo kaja'dallanna ke'nanga, sarro nangai ke'nanga nala'bu-la'bui punna assambayangi. Mingka sanna' battala'na sallang hukkungang lanagappaya ke'nanga!”

LUKAS 6:29

Punna natempa ka'rang taua pilisi'nu siali, sareangi pole natempa ka'rangi sialia. Punna nialle passai jubanu, sareangi pole bajunnu.

1 KORINTUS 4:11

Sa'genna kamma-kamma anne nakasia'mi ikambe nikanaya cipuru' siagang atturere; care-carena ikambe ia mami ammantang niaka ri kalenna ikambe; nisessa maki' ri taua; tenamo tampa' pammantanganna ikambe;

2 KORINTUS 1:24

Tena nakuero' ampassako ri passala' apa siratanga nupatappa', lanri jarre'namo tappa'nu mae ri Isa. Erokkuji bawang angngagangko sipanjamang, sollannu pila' mate'ne ri tallasa'nu.

2 KORINTUS 10:5

kammayatompa anruntungi pa'ballakang katampoanna ke'nanga, eroka angngewai katojenganNa Allata'ala. Iami nipake ampadundui pikkiranna sikamma rupataua, sa'genna amminawang turu' mae ri Almasi.

2 KORINTUS 11:3

Mingka ranggaselai pa'maikku, gassingka nigodai pikkirannu sa'genna tenamo nujarre' ri janjinnu mae ri Almasi. Sangkamma todong Hawa riolo, nigoda tongi ri kacara'dekanna ularaka.

2 KORINTUS 12:16

Jari, nupahammi angkanaya tena nakule'ba' ansusaiko. Mingka nia' tau ampakkanaia' la'bu akkala'; angkanaya kupanggappaiko passawallang, lanri kuakkaliko siagang akkala' la'bu.

GALATIA 2:4

manna pole nakamma nia' siapa are tau ero' ansuro passai. Anjo ke'nanga tau antama' cokko-cokko ri golonganta, assara-sarai a'jari sari'battang siagang ikatte. Antama' cokko-cokkoi ke'nanga lanri eroki nasalidiki kabebasanta ikatte tau assileoka katallassanta lalang ri Isa Almasi. Eroki ke'nanga ampoterangki' ammotere' mange ri katallassanta riolo, a'jari ata.

GALATIA 4:25

Jari, iaminjo Hagar sanrapang Bulu' Sinai, niaka ri butta Arab. Iami pangngebaranna kota Yerusalem siagang sikontu tuma'buttana, a'jaria ata kamma-kamma anne.

GALATIA 4:3

Sangkamma tommi anjo mae ri katte. Ri wattu tenanapa natoa pikkiranta, nipare' ataki' ri roh-roh niaka ilalang ri anne linoa.

GALATIA 4:9

Mingka kamma-kamma anne nuassemmi Allata'ala; yareka bajikangangi punna nikana, Naasseng mako Allata'ala. Angngapa nanuero' ammotere' poleang mae ri roh-roh niaka lalang lino, lammaya siagang kasi-asia? Angngapa nuero' poleang nipare' ata ri roh-roh kammaya anjo?

GALATIA 5:1

Kamma-kamma anne bebasa' maki', lanri le'ba' maki' Nalappassang Almasi! Lanri kammana, attahang mako ri kabebasannu; teako ero' poleangngi nipa'jari ata.

GALATIA 5:10

Mingka manna nakamma, tappa' ija' angkanaya tena nulamminawang mae ri oloang maraenga, lanri asse'remi tallasatta siagang Almasi. Siagang tappa' tonga' angkanaya manna inai, punna nakacoi pikkirannu lanihukkungi ri Allata'ala.

GALATIA 6:12

Inai-nai ampalecei kalenna ri apa-apa lahereka, iaminjo ke'nanga ero' ampassako anturuki paratorang sunnaka. Mingka lanri malla'naji nisessa ri tu Yahudia na'gau' kamma ke'nanga, passabakkang salli'Na Almasi.

FILIPI 3:19

Mingka lapossoki kale'bakkanna katallassanna anjo tau kammaya; nasaba' rewata nasombaya lalang ri katallassanna ke'nanga, iamintu apa-apa nakacinnaia kalenna ke'nanga. Sangnging apa-apa appakasirikaji ba'lalo nakalompoang pa'mai' ke'nanga; nasaba' apa-apa ri iaji anne pakkalinoanga bawang nanawa-nawa ke'nanga.

1 TESALONIKA 2:5

Nasaba' kalennu angngassengi angkanaya tale'bakai ikambe a'baji'-baji' ri bawa lanri nia' ero' kangoang taccokkona ikambe. Allata'ala a'jari sa'bi ri anne passalaka!