2 KORINTUS 11:18 - KITTA' MATANGKASA'

¹⁸ Memang, jai tau ampakalompoi pa'mai'na passabakkang pakkalinoanga; jari ero' tongi kupakalompo sike'de' pa'maikku.

2 KORINTUS 11:18 ပူးပေါင်းရင်းမြစ်များ

1 KORINTUS 4:10

A'jari tau dongo' maki' lanri Almasi, nanua'jari cara'de'mo tu Karistenga! Ikambe a'jari lamma maki', na ikau a'jari gassing mako! Ikambe nicalla maki' na ikau nipuji-puji mako!

2 KORINTUS 1:17

Mingka kupinrami anjo wattu pa'lampangku. Jari punna kamma, maka tena nattantu nawa-nawangku? Maka ero' kalengku pirangalloang ri wattunna kunawa-nawa eroka a'lampa, na uru-uruna kukana, “Iyo,” mingka sinampekang kukanaseng “Tena”?

2 KORINTUS 11:12

Anne apa kugaukanga ri kamma-kammaya anne, tuli lakugaukangi situlusu'na. Sollanna tena alasanna sikamma “tunisuro” maraenganga ampakalompoi kalenna, angkana anjama tongi sangkamma ikambe.

2 KORINTUS 12:1

Memang, tena passawallang nigappa punna nipakalompo pa'maika. Mingka kamma tonji erokku angkalompoang pa'maiki apa-apa le'baka Napappicinikang Allata'ala mae ri nakke.

2 KORINTUS 12:11

A'gau' sanrapang tojemma' tau dongoka – mingka passabakkang ikaumi naku'jari kamma anjo. Sikontutojenna ikau ngasemmi siratang ampujia'. Nasaba' manna tena sikali anggarangku, mingka tena nakunibeta ri sikamma anjo suro balle-balle nukanaya sannaka porena!

2 KORINTUS 12:9

Mingka appialimi Batara angkana, “MangngarimangngiA' mae ri kau, naganna'mo anjo mae ri kau; nasaba' punna lammai nukasia' kalennu, iaminjo wattua napila' magassing koasaKu.” Lanri kammanami anjo nakula'bi sannang angkalompoang pa'maiki apa-apa kukalammanga; nasaba' punna lammai kusa'ring kalengku, iaminjo wattua nakukasia' pannulunNa siagang kakoasanNa Almasi mae ri nakke.

2 KORINTUS 5:16

Lanri kammanami anjo, nataerokamo ikambe ambakuki se'rea tau situru' pa'baku'na rupataua. Memang, le'baki ikambe ambakuki Almasi situru' pa'baku'na rupataua, mingka kamma-kamma anne tenamo.

1 PETRUS 1:24

Nia' tattulisi' lalang ri Kittaka angkanaya, “Sikontu rupataua sanrapangi ruku', sikontu kalompoanna sanrapangi bunga ruku'. Punna kalumeng rukuka, ru'rusu' tommi bunganna;