2 KORINTUS 10:16 - KITTA' MATANGKASA'

¹⁶ Jari, akkulle maki' pole ambirittakangi anjo Kabara' Bajika ri sikamma butta maraenga, mingka tena nanipalecei kalenta passabakkang wassele' jama-jamang le'baka nagaukang tau maraenga ri anjo daeraya.

2 KORINTUS 10:16 ပူးပေါင်းရင်းမြစ်များ

LAMPA-LAMPANA 19:21

Le'ba'namo kajariang ngaseng anjo sikammaya, apparurumi Paulus ero' a'lampa mange ri Makedonia siagang Akhaya, nampa annarrusu' mange ri Yerusalem. Nakana Paulus, “Punna battu anjoremma' musti lamange tonga' ri Roma.”

ROMA 15:20

Ia pa'minasangku iamintu poro akkullea' ambirittakangi Kabara' Baji' battua ri Allata'ala ri tampa'-tampa' tenayapa nale'ba' nalangngere' taua passala'na Isa Almasi. Nasaba' tena nakuero' sanrapang tau ambangung irate ri pondasi le'bakamo napadongko' tau maraenga.

2 KORINTUS 11:7

Ri wattunna kubirittakang Kabara' Baji' battua ri Allata'ala mae ri kau ngaseng, tena nakuppala' ongkoso' mae ri kau manna sike'de'; na lanri kammanami anjo nakupa'jari tuna kalengku. Kammami anjo kugaukanga, sollannu akkulle kupakatinggi. Maka salai anjo kugaukanga mae ri kau?