2 KORINTUS 1:9 - KITTA' MATANGKASA'

⁹ sanrapang mamaki' tau le'bakamo nitappuki lanihukkung mate. Mingka nania' anjo kajariang kammaya lanri nikellaina ikambe tanjeng mae ri Allata'ala, akkullea ampattallasaki tau matea; jari tena nakitanjeng mae ri batangkalenta.

2 KORINTUS 1:9 ပူးပေါင်းရင်းမြစ်များ

AYUB 40:14

Nulanipuji lanri kagassingang kalennu memang todong.

PAMMUJI 22:29

Nasaba' Batarayami makoasa, Ia ammarenta mae ri bansa-bansaya.

PANGNGEBARANG 14:32

Tau ja'dalaka panraki lanri kaja'dallanna, tau bajika nijagai lanri kalambusanna.

PANGNGEBARANG 28:26

Inai manrannuang ri panggappang kalenna, tabajikai akkala'na. Inai ampinawangi ajaranna tau cara'deka lasalamaki.

YESAYA 38:10

Kukana, nampami sitangnga umurukku nakumusti a'lampamo, ampa'le'baki sesa tallasakku ri lino tau matea.

YEHEZKIEL 33:13

Nakulle kapang le'ba'Ma' a'janji lampasalamaki anjo tau bajika, mingka appakkaramulami a'gau' dosa siagang narannuangi angkanaya lanipasalamaki lanri anjo kabajikanna rioloa, sala pahangi. Tenamo nalaKuu'rangi kabajikang le'baka nagaukang siagang lamatemi lanri dosa-dosana.

LUKAS 18:9

Nacarita tommi Isa anne pangngebarang tattujua mange ri tau ancini' tunayai paranna tau, na nakana kalennaji bawang baji'.

ROMA 8:36

Nia' tattulisi' lalang ri Kittaka kana kammaya anne: “Sikabusu'na alloa niaki lalang ri bahaya kamateanga ikambe passabakkang Ikau. Nipare' sangkamma maki' gimbala' eroka nisamballe.”

2 KORINTUS 1:10

Iami le'baka ampasalamaki ikambe battu ri bahaya lompona anjo kamateanga. Kammayatompa Ia tommi sallang lampasalamaki ikambe ri allo-allo labattua. Nasaba' Iami panrannuanna ikambe.

2 KORINTUS 1:8

Sikamma sari'battangku ngaseng! Kukellai nanuasseng ngaseng todong kasukkarang le'baka antujui ikambe ri butta Asia. Teai sipato' battala'na anjo kasukkarang antujuai ikambe, sa'genna tappu' panrannuang maki' angkanaya lattallasa' ijaki';

2 KORINTUS 3:5

Tena manna sirupa kagassingang ri kalenna ikambe nakkulle ikambe anggaukangi anne jama-jamanga; mingka Allata'ala assarei pakkulle ikambe.

2 KORINTUS 4:7

Mingka anjo pa'barang-barangang rohani ga'gaya, ikambemi anne angngerangi, iami antu tubu tenaya anggaranna lanri buttaji nipare'. Lanri kammana, ma'nassami angkanaya anjo koasa malompoa niaki ri Allata'ala, jari tena nania' ri kambe.

IBRANI 11:19

Tappaki Abraham angkanaya koasai Allata'ala ampattallasa' poleangi Ishak battu ri kamateanga – jari akkulle nikana natarimami Abraham ammotere' Ishak battu ri kamateanga.