2 KORINTUS 1:5 - KITTA' MATANGKASA'

⁵ Sikamma passessa le'baka antujui Almasi, jai tommi tattuju mae ri kambe. Siagang tete ri KalenNa tommi Almasi nasanna'mo nipakajarre'na pa'mai'na ikambe.

2 KORINTUS 1:5 ပူးပေါင်းရင်းမြစ်များ

LUKAS 2:25

Anjo wattua nia' ri Yerusalem sitau niareng Simeon. Ia tau baji', na malla' ri Allata'ala. Na tayang-tayammi wattunna nabattu Allata'ala ampasalamaki umma' Israel. Antama'mi RohNa Allata'ala ri kalenna.

LAMPA-LAMPANA 9:4

Tu'guru'mi Saulus naung ri buttaya, nampa nia' sa'ra nalangngere' angkana ri ia, “O Saulus, Saulus! Apa saba'na nanusessa kamma duduA'?”

ROMA 8:17

Jari punna a'jari maki' ana'-ana'Na, ma'nassa a'jari tommaki' warisi'Na, lantarimayai sikamma barakka' le'baka Napasadia Allata'ala untu' ana'-ana'Na. Lannarimaki' siagang Isa apa le'baka Napasadia Allata'ala untu' Isa; nasaba' punna sikapa'risangki' siagang Almasi, lasiagang tommaki' Almasi nipakala'biri'.

FILIPI 1:20

Iaji kukaerokia siagang kuminasaia, iamintu: tapporo tena sikali laloja nakusia-sia lalang ri jama-jamangku. Mingka tuli ma'minasaku, la'biangampa ri kamma-kammaya anne, sollanna akkulle a'jari barani nyawaku siagang batangkalengku – baji' na ri wattu attallasakku yareka ri wattu mateku – kupakala'biriki Almasi.

FILIPI 2:1

Majarrekko, lanri asse'reko siagang Almasi. Siagang nisaleoriko lanri Nakamaseangko Almasi! Nirurungangko ri RohNa Allata'ala, jari paralluko massing sikamaseang siagang sikarimangngi.

FILIPI 3:10

Se're-se'reji bawang kukaerokia, iamintu: sollanna akkulle kuasseng Almasi, siagang akkulle kukasia' todong kakoasang le'baka ampabangungi ammotere' battu ri kamateanga. Ero' tonga' amminawang angkasiaki pa'risika siagang Ia, siagang amminawang todong sangkamma Ia ilalang ri kamateanNa.

KOLOSE 1:24

Kamma-kamma anne sannammi pa'maikku angkasiaki pa'risika untu' kaparalluannu. Nasaba' lanri kapa'risang nakasiaka tubuku, kupa'ganna'mi kasessang mustia Nakasia' Almasi untu' jama'aNa, iamintu tubuNa.

2 TIMOTIUS 3:11

Nucini'ma' nisessa siagang angkasiaki kapa'risanga. Nuasseng ngasengi apa kajarianga ri nakke ri kota Antiokhia, Ikonium, siagang Listra; siagang nuasseng ngasengi sikamma kasessang antujua'! Mingka Nalappassanga' Allata'ala battu ri yangasenna anjo kasessanga.

1 PETRUS 4:13

Ba'lalo, parallui a'jari sannang pakkasia'nu lanri amminawannu todong angkasiaki sessaya siagang Almasi. Jari sallang, punna nipa'nyatamo kala'biranNa Almasi, larannu mako.