2 KORINTUS 1:3 - KITTA' MATANGKASA'

³ Nipujimi Allata'ala, ManggeNa Batarata Isa Almasi. Mangge sannaka baji'na pa'mai'Na, Allata'ala assarea panynyaleori mae ri rupataua.

2 KORINTUS 1:3 ပူးပေါင်းရင်းမြစ်များ

PA'JARIANG 14:20

Nipujimi Allata'ala Kaminang Tinggia, assareako pammetang mae ri musunnu.” Le'baki anjo napassareammi Abram mange ri Melkisedek bage sampulona sikontu anjo barang le'baka nirampasa' nanaalle naerang ammotere'.

1 PATTOTTORANG 29:10

Ri dallekanna anjo tujaia mammujimi Daud ri Batara. Nakana, “O Karaeng Allata'ala nasombaya Yakub boe-boena ikambe, nipujimaKi' sa'genna satunggu-tungguna!

NEHEMIA 9:5

Passambayanganga anjo alloa napakaramulai tu Lewi, iamintu: Yesua, Kadmiel, Bani, Hasabneya, Serebya, Hodia, Sebanya, siagang Petahya. Nakana ke'nanga, “Ammentengko nampa nipuji Karaeng Allata'alata! Mammujiko mae ri Ia sa'genna satunggu-tungguna! Nipujimi arenNa sukkuka ri kala'birang, hebaki arenNa, la'biangngangi nasikontu pammujia!”

AYUB 1:21

“Nilassukkanga' natena apa-apangku, siagang punna matea' tena todong apa-apangku. Batara assarea' nampa Batara todong angngallei ammotere'. Nipujimi arenNa!”

PAMMUJI 18:46

Tenami kabaranianna ke'nanga; annekkere' siagang assulu' battu ri pammantanganna.

PAMMUJI 68:35

Akuimi koasaNa Allata'ala makkanaya nakamma ri Israel, koasaNa sa'genna langi'.

PAMMUJI 72:19

Nipujimi areng malompoNa satunggu-tungguna; poro rassi sikontu linoa siagang kala'biranNa! Poro kajariang lalo kammaya, Aming!

PAMMUJI 86:15

Mingka iKatte, o, Batara, Allata'ala mangngamaseang siagang manynyayang, sa'bara', la'bi pangngamaseang siagang majarre'.

PAMMUJI 86:5

IKatte bajikKi', o, Batara, Kingai ampamopporangi taua, tau appala' doanga mae ri Katte tuli Kikamaseangi siagang pangngamaseang alla'bi-la'bia.

YESAYA 66:13

LaKusaleoriko ri Yerusalem, rapang se'rea amma' ansaleori ana'na.

DANIEL 4:34

Ri wattunna allalomo anjo wattu tuju taunga sallona, accongama' nai' ri langika, nampa ammotere'mo pangngu'rangingku. Jari kupujimi Allata'ala Kaminang Tinggia. Kupakalompoi siagang kupakala'biriki anjo Allata'ala mattallasaka mannannungang. “Allata'ala la'jari Karaeng untu' satunggu-tungguna. Ia makoasa ri sikontu jammanga.

DANIEL 9:9

Lammoro' pangngamaseangKi' siagang laboKi' ri pammopporo', manna pole nanangai ikambe angngewaya.

MIKHA 7:18

Tena Allata'ala sangkammanTa, o Batara, ampammopporangai dosana umma' nipileNa niaka tassesa. Tena Kituli lalarro; kabalekanna, sannangi nyawaTa ampappicinikangi pangngainTa tenaya sanggana.

YOHANES 10:30

INakke siagang Manggea se'rejA'.”

YOHANES 20:17

Nakanamo Isa ri ia, “Teako ta'galakiA', nasaba' tenapa naKunai' ri Manggea. Mingka a'lampamako mae ri sikamma sari'battangKu, siagang pauangi ke'nanga angkanaya kamma-kamma anne nai'Ma' ri ManggeKu siagang Manggenu todong, ri Allata'alaku siagang Allata'alanu todong.”

2 KORINTUS 11:31

Nasaba' tena nakua'balle-balle; Allata'ala, ManggeNa Batarata Isa a'jari sa'bi mae ri nakke! Nipujimi arenNa satunggu-tungguna.

2 KORINTUS 7:6

Mingka sukkurukki', lanri tuli nipakalompona ri Allata'ala atinna tu tappu' panrannuanga; Iami ampakasannangi atinna ikambe ri wattu battuna Titus mae ri kambe.

EFESUS 1:17

Kupalaki mae ri Allata'ala, Batarata Isa Almasi, Mangge mala'birika, sollannu Nasare RohNa. Iaminjo RohNa lampa'jari cara'dekko, siagang lampappiassengangi sa'genna nuasseng Allata'ala.

EFESUS 1:3

Nipujimi Allata'ala, ManggeNa Batarata Isa Almasi. Iami ambarakkakiki' siagang sikontu barakka' rohani lalang ri suruga, lanri a'jari se'reta siagang Almasi.

FILIPI 2:11

Lamangaku ngasemmi ke'nanga angkanaya Ia minjo Isa Almasi Batara; na lanri kammanamo anjo nanipakala'biriki Allata'ala Manggea.

KOLOSE 1:3

Nalangngere'mi ikambe angkanaya tappa' mako mae ri Isa Almasi; kammayatompa mangngamaseang mako mae ri sikamma Umma'Na Allata'ala. Iaminjo saba'na, na ri wattunnu kipappala' doangang, appala' sukkuru' maki' mae ri Allata'ala, ManggeNa Batarata Isa Almasi.

1 PETRUS 1:3

Maeko nakiappala' sukkuru' mae ri Allata'ala, ManggeNa Batarata Isa Almasi! Sanna' mangngamaseanNa mae ri katte; lanri kammanami anjo naNasare maki' katallassang beru. Carana iamintu, Napattallasa' poleangi ammotere' Isa Almasi battu ri kamateanga. Iaminne assareki' panrannuang attantua.

2 YOHANES 1:4

Sanna' rannuku lanri kuassenna angkanaya nia' ana'-anatta attallasa' situru' ajaranNa Allata'ala, situru' Napassuroanga Allata'ala Manggea mae ri katte.

2 YOHANES 1:9

Inai-nai tena nanna'gala' jarre' mae ri pangngajaranNa Almasi, passangalinna ammengkai battu ri apa le'baka Napangngajarrang, anjo taua tena Allata'alana. Inai-nai tuli anna'gala' mae ri pangngajaranNa Almasi, natarima tommi Allata'ala Manggea siagang pole Anaka.