2 KARAENG-KARAENG 9:37 - KITTA' MATANGKASA'

³⁷ nampa sikamma tassesaya battu ri anjo maya'na latassiaraki sanrapang tai olo'-olo', sa'genna tena manna sitau lakkulle ambatei angkana inai maya' anjo.’ ”

2 KARAENG-KARAENG 9:37 ပူးပေါင်းရင်းမြစ်များ

PAMMUJI 83:10

Gau' kammami ke'nanga tu Midian, sangkamma Sisera siagang Yabin ri Binanga Kisyon,

PAMMUJI 83:11

le'baka niancuru' ri Endor, na'jari pupu' ri butta.

KATO'BA 6:3

Manna pole nania' sibilangngang ana'na se'rea tau, siagang attallasaki sa'genna toa umuru'na, mingka tena namate'ne nakasia' siagang tena todong nanggappa pa'jerakkang siratannaya; jari turu' panggappaku, bajikangngangi sarenna ana' lolo matea ri lassu'na kala sarenna anjo taua.

YESAYA 5:25

Larroi Batara mae ri bansaNa. Sadiami untu' anghukkungi ke'nanga. Lata'ge'gosoki sikamma monconga; maya'-maya'na tau matea latassiaraki rapang loro ri sikamma aganga. Mingka larro iji Batara siagang tuli laNagaukanna hukkunganNa.

YEREMIA 16:4

Lamatei ke'nanga lanri nitaba ri garring angngeranga kamateang, siagang lamatei ke'nanga lalang pa'bundukang yareka mate naallei cipuru'. Tena manna sitau langngarru' yareka antarawangi ke'nanga. Latassiaraki maya'na ke'nanga rapang pupu' panynyoppongi ri butta, siagang nikanre ri jangang-jangang siagang olo'-olo' sekke'.

YEREMIA 22:19

Lanire'resangi Yoyakim nampa nipasambila assulu' battu ri pakke'bu' lompona Yerusalem, sangkamma nagaukanga taua mae ri keledai matea.”

YEREMIA 25:33

Ri anjo alloa maya' tunibunoa ri Batara latassiaraki ri sikontu tompo'na buttaya. Tena nalanikarruki ke'nanga, tena todong nalaniangka' untu' nitarawang, passangalinna lanibalang parekangi bawang ri buttaya sangkamma pa'gompoang loro.

YEREMIA 36:20

Anjo sikamma pagawea naboliki anjo kitta' nigulunga ri kamara'na Elisama, anjo juru tulisika, nampa a'lampa mange ri karaenga allaporo' ngasengi anjo passalaka.

YEREMIA 8:1

Ri anjo wattua sikamma buku-bukunna karaeng-karaenga kammayatompa pamarenta-pamarentaya ri Yehuda, kammayatompa buku-bukunna sikamma imanga, na'bi-na'bia, siagang pandudu'na Yerusalem maraenga, lanipasuluki battu ri jera'na ke'nanga,

YEREMIA 8:2

teai untu' nipasse're nampa nitarawang ammotere', passangalinna untu' nibalang parekang ri buttaya sangkamma loro. Sikamma buku-bukunna anjo taua latassiaraki ri dallekanna mataalloa, bulanga siagang sikamma bintoeng napareka rewata ke'nanga, nangaia, nalayania, nasombaya, siagang napappalakkia pitunju'.

YEREMIA 9:22

Tassiara'mi mayaka ri kere-keremae sanrapang loro irate ri buttaya; rapang gandung le'baka nikatto nampa nibokoi nampa tenamo nanipasse'rei. Iaminjo pasanNa Batara mustia kukabarrang.”