2 KARAENG-KARAENG 9:32 - KITTA' MATANGKASA'

³² Accongami Yehu nai' ri tujunna tontonganga, na nakana, “Inai agang mae ri nakke?” Nalangngere'na anjo sa'ra kammaya, nia'mo rua yareka tallu pagawe balla' karaenga attoa' naung.

2 KARAENG-KARAENG 9:32 ပူးပေါင်းရင်းမြစ်များ

2 KARAENG-KARAENG 9:31

Ri wattunna antama' Yehu battu ri pakke'bu' lompoa, a'gorami Izebel angkana, “Hoe, Zimri, pabuno-buno! Apa ero'nu battu mae anrinni?”

2 KARAENG-KARAENG 9:33

Nakanamo Yehu mae ri ke'nanga, “Pasambilai naung mae antu bainea!” Na nipasambilamo Izebel ri ke'nanga naung battu ri tontonganga, nampa nilissarrang ri kareta sa'genna ta'racci' cera'na mae ri temboka siagang mae ri sikamma jaranna anjo karetaya.

2 KARAENG-KARAENG 9:7

Lanupaccappuki kaluargana karaennu Ahab. Lalang kammana anjo naKuhukkummo Izebel le'baka ambunoi na'bi-na'biKu siagang sikamma atangKu maraengannaya.

1 PATTOTTORANG 12:18

Kalase'renna ke'nanga, iamintu Amasai, a'jaria sallang pamimping ri anjo nikanaya “Tallumpuloa Perwira,” nikoasai ri RohNa Allata'ala, angkana, “O Daud, ana'na Isai! Ikambe anne erokki' ambantuko! Poro ikau siagang sikamma ke'nanga ambantuako nisarei pammetang. Niaki Allata'ala angngagangangko!” Jari nitarimami ke'nanga ri Daud siagang niangka'mi ke'nanga a'jari perwira lalang ri tantarana.

2 PATTOTTORANG 11:12

kammayatompa poke siagang pannangkisi'. Kammami anjo batena sa'genna anjo daera Yehuda siagang Benyamin tuli nia'na lalang kakoasanna.

ESTER 1:10

Ri makatujuna alloa, angnginung-nginummi karaenga siagang sanna' sikali rannuna. Lanri kammana nakio'mi tujua palayang untu' kalenna. Ia arenna ke'nanga iamintu Mehuman, Bizta, Harbona, Bigta, Abagta, Zetar, siagang Karkas.

ESTER 2:15

Na narapi'mo kasampatanna Ester untu' mange andallekang ri karaenga. Anjo Ester, ana'na Abihail, cikalinna Mordekhai ia angngangkakai a'jari sangkamma ana' kalenna. Takkajannang ngasemmi sikamma tau ancinikai Ester. Ri wattunna mange Ester andallekang ri karaenga, ammakeangi situru' pattujunna siagang pangngajara'na Hegai, kapala palayanga ri balla' karaeng bainea.

ESTER 2:21

Ri se'reang allo, ri wattunna nagaukang tugasa'na Mordekhai, nia'mo rua pagawe kalenna karaenga, iamintu niarenga Bigtan siagang Teres, assikongkoloki ero' ambunoi Karaeng Ahasyweros, lanri sanna' birisi'na ke'nanga ri ia.

PAMMUJI 118:6

Tena kumalla' lanri Narurunganga' Batara, tena pakkullena rupataua mae ri nakke.

PAMMUJI 94:16

Inai angngalleia' battu ri tau dorakaya? Inai angngagangnganga' angngewai tau a'gau' ja'dalaka?

KALAPPASSANG 32:26

Jari ammentemmi ri dallekanna pakke'bu' lompona kemaya nampa a'gora angkana, “Inai-nai agang mae ri Batara musti battui mae anrinni!” Jari battumi suku Lewi angkulilingi Musa;

LAMPA-LAMPANA 12:20

Sanna' larrona Herodes ri tu Tiruska siagang tu Sidonga. Lanri kammana, a'lampami ke'nanga mange andallekang ri ia. Uru-uruna nanyonyo'mi rolong Blastus, iamintu kapalaya ri balla' lompona Herodes, sa'genna sipammentengang Blastus siagang ke'nanga. Le'baki anjo nirurungammi ke'nanga mange andallekang ri Herodes. Appala' damemi ke'nanga ri Herodes, nasaba' apa-apa nikanrea ri pa'rasanganna ke'nanga, sangnging apa-apa battu ri pa'rasanganna Herodes.