2 KARAENG-KARAENG 9:30 - KITTA' MATANGKASA'

³⁰ Battumi Yehu mange ri Yizreel. Le'ba'namo nalangngere' Izebel anjo apa kajarianga, najangkai baji'mi uu'na nampa ammake paccalla mata, nampa attoa' naung battu ri tontonganna balla' karaenga.

2 KARAENG-KARAENG 9:30 ပူးပေါင်းရင်းမြစ်များ

1 KARAENG-KARAENG 16:9

Zimri, sitau perwira a'jari komandanga ri bage ruana pasukang karetaya, assikongkoloki angngewai Ela. Ri se'reang allo ri Tirza, angnginung-nginungi Ela sa'genna nasa'ring ri balla'na Arza, kapala ruma tanggana balla' kakaraenganga.

1 KARAENG-KARAENG 21:23

Na ri sesena Izebel, Nakana Batara angkanaya maya'na lanikanrei ri kongkong lalang ri kota Yizreel.

PANGNGEBARANG 6:25

Teako erokki nigoda ri kaga'ganna ke'nanga, teako takkontakki mae ri mata manynyonyo'na ke'nanga.

PANGNGEBARANG 7:10

Anjo bainea tena nasannang nyawana ammantang ri balla'na. Sinampe'-sinampe' nia'mi sedeng ri biring aganga, nampa mange ri paranga, yareka ammenteng attayang ri panyingkulu' aganga. Gau'-gau'na tena sikali malla'na siagang tangngassengai siri'-siri'. Kuciniki assulu' ammakeang sangkamma baine sala, nampa namangei anjo lapung tau rungka sumpadeng siagang akkala' salana.

YEREMIA 4:30

He Yerusalem, nibokoi mako na tena apa-apa akkulle nugaukang! Untu' apa nummake baju eja nanubelo-beloi kalennu siagang bulaeng na pera', kammayatompa numodei matannu siagang paccalla'? Tena matu-matunna numodei kalennu, nasaba' sikamma tanrinnu taerokami mae ri kau, ba'lalo ero'mi ke'nanga angngallei nyawanu.

YEHEZKIEL 23:40

Ba'lalo akkiringi ke'nanga undangang mange ri bura'ne-bura'ne niaka ri pa'rasangang bellaya, siagang battumi anjo tau naundanga. Untu' antarimai anjo sikamma toananna, a'je'ne'mi anjo tau ruaya assari'battang, ammakei calla' mata siagang napakei belo-belona.

YEHEZKIEL 24:17

Gassingka kalangngerangi anjo karru'nu. Teako a'jappai natena nummake soro'bang, yareka tena nummake pa'lapa' bangkeng, kamma tau kamateanga. Tea tongko bongongi rupannu, siagang teako angnganrei roti nikanrea ri wattu kamateang.”

1 PETRUS 3:3

Teako nabattu pantaranga bawang nicini' kaga'gannu, alarapanna batenu ammodei uu'nu, yareka ammake pa'belo-belo, yareka ammakeang pakeang ka'jalaka ballinna.

1 SAMUEL 29:1

Tu Filistin napa'rappungammi sikontu tantarana ri Afek, nampa tu Israel akkemai ri ampi'na timbuseng je'neka ri Lappara' Yizreel.