2 KARAENG-KARAENG 9:14 - KITTA' MATANGKASA'

^14-15 Kammami anjo naassikongkolo'mo Yehu angngewai Karaeng Yoram niaka ri Yizreel anjo wattua. Niaki Yoram mange anjoreng untu' amballei loko'na nagappaya lalang a'bundu'na ri Ramot angngewai Hazael karaeng Siria. Nakana Yehu ri agang-aganna ngaseng paranna panglima, “Punna situjuko inakke a'jari karaeng, jagai sollanna tena manna sitau akkulle assulu' battu ri Ramot untu' ampauangi taua ri Yizreel.”

2 KARAENG-KARAENG 9:14 ပူးပေါင်းရင်းမြစ်များ

1 KARAENG-KARAENG 15:27

Baesa, ana'na Ahia, battu ri suku Isakhar, assikongkoloki angngewai Nadab, nampa nabuno. Anjo wattua Nadab siagang pasukanna sitabangi nakurung kota Gibeton ri daerana Filistin.

1 KARAENG-KARAENG 16:16

Nalangngere'na ke'nanga angkanaya sikongkolo'mi Zimri siagang le'ba'mi nabuno karaenga, ia memang anjo alloa ri kemana ke'nanga, naangka'mi ke'nanga Omri, iamintu panglimana ke'nanga, a'jari karaeng Israel.

1 KARAENG-KARAENG 16:9

Zimri, sitau perwira a'jari komandanga ri bage ruana pasukang karetaya, assikongkoloki angngewai Ela. Ri se'reang allo ri Tirza, angnginung-nginungi Ela sa'genna nasa'ring ri balla'na Arza, kapala ruma tanggana balla' kakaraenganga.

1 KARAENG-KARAENG 22:3

Rioloangannaya anjo le'ba'mi nakana Ahab mae ri sikamma perwira tantarana, “Nuasseng ngasengi angkanaya anjo kota Ramot ri Gilead, ikatte pata! Angngapa natena nirampasaki ammotere' battu ri karaeng Siria?”

2 KARAENG-KARAENG 10:9

Bari'basaki assulu'mi Yehu mange ri pakke'bu' lompoa, nampa nakana ri sikamma tau niaka a'rappung anjoreng, “Inakkemi le'baka assikongkolo' angngewai siagang ambunoi Karaeng Yoram; ikau tena ngaseng nusala lalang ri anne passalaka. Mingka sikontu anne taua teai inakke ambunoi.

2 KARAENG-KARAENG 15:30

Ri taung makaruampulo ammarentana Karaeng Yotam ana'na Uzia ri Yehuda, assikongkoloki Hosea ana'na Ela untu' angngewai Karaeng Pekah siagang nabunomi Karaeng Pekah, nampa ia ansambeangi a'jari karaeng.

2 KARAENG-KARAENG 8:28

Amminawangi Ahazia a'bundu' siagang Yoram karaeng Israel angngewai Hazael karaeng Siria. A'bunduki ke'nanga ri Ramot, daera Gilead. Lokoki Yoram lalang anjo pa'bundukanga,

2 KARAENG-KARAENG 8:29

nampa ammotere' mange ri kota Yizreel untu' niballei, na'lampa Ahazia mange antoaki anjoreng.

2 KARAENG-KARAENG 9:2

Punna battuko mange anjoreng boyai Yehu ana'na Yosafat cucunna Nimsi. Kioki kale-kalenna antama' ri se'reang bili',

2 KARAENG-KARAENG 9:31

Ri wattunna antama' Yehu battu ri pakke'bu' lompoa, a'gorami Izebel angkana, “Hoe, Zimri, pabuno-buno! Apa ero'nu battu mae anrinni?”