2 KARAENG-KARAENG 9:11 - KITTA' MATANGKASA'

¹¹ Ammotere'mi Yehu mange ri agang-aganna. Nampa akkuta'nammo ke'nanga ri ia angkana, “Kabara' apa kutadeng? Apa ero'na anjo tau pongoroka mae ri kalennu?” Appialimi Yehu angkana, “Assara-sarai ngasengko antu, nasaba' nuasseng ngasemmi.”

2 KARAENG-KARAENG 9:11 ပူးပေါင်းရင်းမြစ်များ

2 KARAENG-KARAENG 4:26

Lintakko mange anruppai na nupakkuta'nangngang kaadaanna kaluargana.” Nakanamo anjo bainea ri Gehazi, “Baji'-baji' ngasenji.”

2 KARAENG-KARAENG 5:21

Nampa naondammo Gehazi anjo Naaman. Ri wattunna nacini' Naaman angkanaya nia' tau battu, naummi battu ri karetana nampa akkuta'nang angkana, “Apa kutadeng?”

2 KARAENG-KARAENG 9:12

Appialimi ke'nanga angkana, “Tena, tena tojempa niassengi anne. Pau laloi!” Appialimi Yehu angkana, “Napabattuanga' pasanNa Batara angkanaya niangkakka' a'jari karaeng Israel.”

2 KARAENG-KARAENG 9:17

Ri wattunna nacini' pangawala'na menara kotaya ri Yizreel angkanaya niaki battu Yehu siagang sikamma taunna, a'gorami anjo pangawalaka angkana, “Nia' siapa are jaina tau battu a'lampa mae anrinni!” Appialimi Yoram angkana, “Suroi se're tantara mange ansalidiki untu' angngassengi angkanaya apaka agang yareka musu anjo ke'nanga.”

2 KARAENG-KARAENG 9:19

sa'genna nikirimmo pole sitau tantara maraengannaya. Anne tantaraya akkuta'nang tommi ri Yehu sangkamma pakkuta'nanna tantara rioloa sumpadeng nisuro, na sikalipa pole appiali Yehu angkana, “Anjo teai urusannu! Maeko nuagang mae ri nakke!”

2 KARAENG-KARAENG 9:2

Punna battuko mange anjoreng boyai Yehu ana'na Yosafat cucunna Nimsi. Kioki kale-kalenna antama' ri se'reang bili',

2 KARAENG-KARAENG 9:22

Akkuta'nammi Yoram ri Yehu angkana, “Apaka anne kabattuannu salaku agang?” Appialimi Yehu angkana, “Antekamma olona salaku agang punna anrinni nia' ija sanro, siagang nia' ija tau anynyomba ri barhala appakkaramulaya nagaukang anjo amma'nu?”

YESAYA 59:15

Tenamo tau lambusu', siagang inai ampakabellai kalenna battu ri kaja'dallanga, ia kalenna lanipanraki ri kaja'dallang.” Nacini' ngasemmi Batara, siagang tenamo Nasannang pa'mai'Na lanri tenamo kaadelang.

YEREMIA 29:26

“Le'ba' mako Naangka' Batara a'jari imang ansambeangi Yoyada, siagang kamma-kamma anne ikaumi kaminang tinggia empoannu ri Balla'Na Batara. Ia tugasa'nu iamintu amparentakangi sollanna sikamma tau pongoroka, nakanaya kalenna na'bi, nisikkoki rante bassi kallonna.

HOSEA 9:7

Narapi'mi wattu panghukkunganga, wattu annarimaya pa'balasa' mae ri sikontu panggaukanga. Lanakasia'mi Israel! Nukana ngaseng, “Anne na'bi nikoasaia ri roh toloi! Pongoroki!” Nukkana kamma anjo lanri birisi' duduko mae ri Nakke siagang lompo duduna dosanu.

MARKUS 3:21

Nakanamo tau jaia, “Pongoro'mi anne taua!” Nalangngere'na bijanNa Isa anjo kajarianga, a'lampami ke'nanga angngallei Isa.

YOHANES 10:20

Jai ke'nanga angkana, “Nasosoki setang anne taua. Pongoroki! Apa matu-matunna nupilangngeri ngaseng?”

LAMPA-LAMPANA 17:18

Assigea'mi Paulus siagang guru-guru battua ri golongang Epikuros siagang golongang battua ri Stoa. Nia' siapa are maraeng ri ke'nanga angkana, “Apa todong naasseng anne taua? Sike'de' duduji pangngissenganna mingka teai sipato' jaina bicaranna!” Nia' todong siapa are tau angkana, “Kamma nicini' rewata-rewata bansa maraeng nakabarrang.” Akkana kammai anjo ke'nanga, lanri passala'Na Isa siagang passala' attallasa'Na ammotere' Isa battu ri kamateanga nabicara Paulus mae ri ke'nanga.

LAMPA-LAMPANA 26:24

Lalang a'bicara kammana Paulus ampakasingaraki kalenna, ammarrammi Festus nakana, “Pongoro' mako antu Paulus! Napa'jari pongoro' mako anjo pangngassengannu jai dudua!”

1 KORINTUS 4:10

A'jari tau dongo' maki' lanri Almasi, nanua'jari cara'de'mo tu Karistenga! Ikambe a'jari lamma maki', na ikau a'jari gassing mako! Ikambe nicalla maki' na ikau nipuji-puji mako!

2 KORINTUS 5:13

Punna sanrapammo nucini' tau pongoroka ikambe, anjo lanri kaparalluang lamae ri Allata'ala. Na punna baji' nucini' jappana pikkiranna ikambe, anjo lanri kaparalluannu ngaseng.