2 KARAENG-KARAENG 9:1 - KITTA' MATANGKASA'

¹ Anjo wattua akkioki Elisa kalase'renna anjo na'bi-na'bi naajaraka nampa nakana ri ia: “Apparuruko untu' a'lampa mange ri Ramot ri pa'rasangang Gilead, siagang erangi anne botolo' niaka minynya' zaitunna.

2 KARAENG-KARAENG 9:1 ပူးပေါင်းရင်းမြစ်များ

1 KARAENG-KARAENG 1:39

Nampa angngalle Zadok minynya' zaitun le'baka naerang battu ri KemaNa Batara, nampa naminynyaki na naangka' Salomo a'jari karaeng. Nipasa'rami tarompeka nampa sikontu tau hadereka anjoreng akkio'mi angkana, “Mattallasaki Karaeng Salomo!”

1 KARAENG-KARAENG 18:46

Anjo wattua anggappami Elia kagassingang battu ri Batara. Nalappa'mi nai' jubana nampa nasikko' ri aya'na nampa lari ampilumbai Ahab ri aganga sa'genna mange ri pakke'bu' lompona kota Yizreel.

1 KARAENG-KARAENG 19:16

Gaukang tommi anjo kammaya mae ri Yehu ana'na Nimsi, sollanna a'jari karaeng Israel. Kammayatompa Elisa ana'na Safat battu ri Abel-Mehola, sollanna a'jari na'bi ansambeangko.

1 KARAENG-KARAENG 20:35

Lanri parentaNa Batara, nia'mo sitau na'bi battu ri pa'rappunganna anjo na'bia ansuro ba'ji anjo aganna. Mingka taerokai anjo aganna.

1 KARAENG-KARAENG 22:20

Akkuta'nangi Karaeng Allata'ala, ‘Inai lanynyonyoki Ahab sollanna ero' a'lampa mange a'bundu' siagang mate ri Ramot ri Gilead?’ Tena nasangkamma-kamma pappialinna anjo malaeka'-malaekaka.

1 KARAENG-KARAENG 22:4

Ri wattunna battu Yosafat, akkuta'nammi Ahab angkana, “Erokko nakia'lampa siagang mange ambunduki kota Ramot?” Appialimi Yosafat angkana, “Baji'mi! A'lampaki' siagang. Tantaraku siagang pasukang a'jarangku lasse'rei siagang tantaranu siagang pasukang a'jarannu.

2 KARAENG-KARAENG 2:15

Anjo limampuloa na'bi naciniki anjo apa kajarianga, nampa nakana ke'nanga, “A'lette'mi koasana Elia mae ri Elisa!” Battumi ke'nanga mange ri Elisa nampa su'ju' ke'nanga ri dallekanna

2 KARAENG-KARAENG 2:3

Nia' siapa are na'bi ammantang anjoreng a'lampa mange ambuntuli Elisa siagang akkuta'nang angkana, “Nuassenji angkanaya anne alloa la'lampai bapa'nu ambokoiko lanri laniangkaki ri Batara?” Appialimi Elisa angkana, “Iyo, kuassenji. Mingka teami nibicarai anjo passalaka.”

2 KARAENG-KARAENG 2:5

Nia' siapa are na'bi ammantang anjoreng a'lampa mange ambuntuli Elisa siagang akkuta'nang angkana, “Nuassenji angkanaya anne alloa la'lampai bapa'nu ambokoiko lanri laniangkaki ri Allata'ala?” Appialimi Elisa angkana, “Iyo, kuassenji. Mingka teami nibicarai anjo passalaka.”

2 KARAENG-KARAENG 2:7

siagang nia' limampulo na'bi ampinawangi ke'nanga. Nampa ammantammo Elia siagang Elisa ri biring binangaya, nampa anjo limampuloa na'bi ammentengi tena siapa bellana battu ri anjo tampaka.

2 KARAENG-KARAENG 4:1

Ri se'reang allo nia' sitau baine janda le'ba' baine na'bi a'lampa mange ri Na'bi Elisa nampa angkana, “Bapa', matemi bura'nengku! Nakiasseng tonja angkanaya anjo le'ba' bura'nengku tau mappilangngeri todong ri Allata'ala, mingka nia' inranna mae ri se'reang tau. Kamma-kamma anne battui anjo taua ero' angngalle rua anakku nampa napa'jari ke'nanga atanna, salaku pa'bayara' ri inranna tumate le'ba' bura'nengku.”

2 KARAENG-KARAENG 4:29

Assailemi Elisa mae ri Gehazi nampa nakana, “Lintakko! Allei takkangku nampa a'lampa memangko mange ri balla'na anne bainea. Teako ammantangngi untu' a'barisallang manna pole ri nai nusibuntulang ri aganga. Punna a'barisallang ri kau, teako pela'-pelakki wattunnu untu' ambalasaki bari sallanna. Punna battuko, lintakko padongkoki takkangku ri kalenna anjo anaka.”

2 KARAENG-KARAENG 9:4

A'lampami anjo na'bi rungkaya mange ri Ramot,

2 PATTOTTORANG 22:1

Ri wattunna battu garombolang tu Arab ambunduki Yehuda, sikontu ana' bura'nena Yehoram, pantaranganna Ahazia ana' bura'ne bungkona, nibuno kabusuki. Lanri kammana anjo niangka'mi Ahazia ri pandudu' Yerusalem a'jari karaeng ansambeangi manggena.

2 PATTOTTORANG 22:5

Lanri pangngajara'na ke'nanga, na'gabung siagang Yoram karaeng Israel untu' a'bundu' angngewai Hazael Karaeng Siria. A'bunduki ke'nanga ri Ramot, daera Gilead. Lokoki Yoram lalang ri anjo pa'bundukanga,

YEREMIA 1:17

Sadia-sadia mako Yeremia! A'lampamako siagang pabattui mae ri ke'nanga, sikontu apa Kuparentakanga mae ri kau. Teako mallakki mae ri ke'nanga, sollanna tena naKupa'jari pila' mallakko punna assidallekangko siagang ke'nanga.

MATIUS 26:7

nia'mo sitau baine battu mae ri Ia angngerang sibotolo' minynya'-minynya' bau', sannaka ka'jala'na ballinna. Natumpami anjo minynya'-minynya' bauka ri ulunNa Isa, ri sitabanna angnganre Isa.

PAOLE 4:1

Nampa nakana Musa mae ri anjo bansaya, “Turuki sikontu hukkung kupangngajarranga mae ri kau ngaseng, sollannu attallasa' sa'genna nupammantangngi anjo butta laNapassareanga Batara, Allata'alana boe-boenu, mae ri kau.

PAOLE 4:3

Kalennu anciniki apa Nagaukanga Karaeng Allata'alanu ri Moncong Peor. Sikamma tau anynyombaya ri Baal anjoreng ri tampaka Naancuruki,

1 PETRUS 1:13

Lanri kammana, paralluko tuli a'jaga-jaga. Tutuko siagang manrannuang tojeng-tojengko mae ri barakka' lanipassareanga mae ri kau ri wattunna battu Isa Almasi sallang.

1 SAMUEL 10:1

Nampa angngalle Samuel botolo' minynya' zaitun, na napatiri' anjo minynyaka irate ri ulunna Saul, siagang nabaumi Saul, na nakana, “Naminyakiko siagang Naangkakko Batara a'jari karaeng mae ri Israel umma'Na. Lanuparentai umma'Na siagang lanukatutui ke'nanga battu ri musu-musunna ke'nanga. Iaminne pammatei mae ri kau angkanaya Napile mako Batara a'jari karaeng mae ri umma'Na:

1 SAMUEL 16:1

Siapa are wattu ribokoanganna, Nakanamo Batara mae ri Samuel, “Siapapi sallonu lasi'na pa'mai' passabakkang Saul? Sai ia tenamo naniakui salaku karaeng Israel? Kamma-kamma anne angngalleko minynya' zaitun, siagang a'lampako mange ri Betlehem, mange ri se'reang tau niarenga Isai, nasaba' kalase'renna ana'na Kupilei a'jari karaeng.”