2 KARAENG-KARAENG 8:7 - KITTA' MATANGKASA'

⁷ Ri se'reang wattu a'lampai Elisa mange ri Damsyik. Sitabangi Karaeng Benhadad garring anjo wattua. Nalangngere'na karaenga angkanaya niaki Elisa ri Damsyik,

2 KARAENG-KARAENG 8:7 ပူးပေါင်းရင်းမြစ်များ

PA'JARIANG 14:15

Anjoreng nabagei taunna Abram a'jari siapa are pa'rappungang, nampa nabunduki anjo musua ri wattunna bangngi. Na nabetamo ke'nanga anjo musua. Naondammi ke'nanga anjo musua sa'genna mange ri Hoba, ri warakkanna kota Damsyik.

1 KARAENG-KARAENG 11:24

Le'baki Karaeng Daud ambetai Hadadezer siagang ambunoi agang-aganna Hadadezer battua ri Siria. Anjo wattua lari Rezon battu ri Hadadezer siagang napa'rappungangi taua nampa a'jari kapala garombolang. Ia siagang ana' buana a'lampai mange ri Damsyik, nampa ammantang anjoreng ri anjo kotaya. Anjoreng niangka'mi ri ana' buana a'jari karaeng Siria.

1 KARAENG-KARAENG 13:1

Anjo wattua nia' sitau na'bi ri Yehuda. Nisuroi ri Batara a'lampa mange ri Betel. Battui anjo na'bia mange anjoreng sitabanna ammenteng Yerobeam ri dallekanna tampa' pakkoro'bangnganga untu' assare koro'bang.

1 KARAENG-KARAENG 15:18

Lanri kammana Karaeng Asa naalle ngasengi sikontu bulaenga siagang peraka ia niaka ija ri Balla'Na Batara siagang ri balla' kakaraenganga, nampa nakiring mange ri Damsyik, ri Karaeng Benhadad ri Siria, ana'na Tabrimon cucunna Hezion. Anjo barang-baranga nakiringi siagang nasuro erangi ri siapa are pagawena balla' kakaraenganga, nampa akkiring pasang angkana,

1 KARAENG-KARAENG 20:1

Ri se'reang allo, Benhadad, karaeng Siria, napa'rappungangi sikontu tantarana, siagang 32 karaeng maraeng siagang kareta pa'bundukang siagang jaranna ke'nanga, nakurungi siagang nabunduki kota Samaria.

1 KARAENG-KARAENG 20:34

Nampa nakanamo Benhadad ri ia, “Lakupoterangi mae ri katte kota-kota le'baka narampasa' manggeku battu ri manggeta. Akkulle tongki' ambangung tampa' pa'danggangang ri kota Damsyik sangkamma nagaukanga manggeku ri Samaria.” Appialimi Ahab angkana, “Battu ri anjo janjinta nakulappassangki'.” Le'baki anjo appare'mi Ahab parjanjiang siagang Benhadad, nampa nalappassang Benhadad.

2 KARAENG-KARAENG 1:2

Ri se'reang allo tu'guruki Karaeng Ahazia iamintu karaeng Israel battu ri baruga bageang ratena balla' kakaraenganga ri Samaria, sa'genna loko' sanna'. Jari assuromi tau untu' a'lampa akkuta'nang ri Baal-Zebub, rewata ri kota Ekron ri Filistin, apaka akkullei a'jari baji' yareka tena.

2 KARAENG-KARAENG 2:15

Anjo limampuloa na'bi naciniki anjo apa kajarianga, nampa nakana ke'nanga, “A'lette'mi koasana Elia mae ri Elisa!” Battumi ke'nanga mange ri Elisa nampa su'ju' ke'nanga ri dallekanna

2 KARAENG-KARAENG 5:20

appikkiri'mi Gehazi, iamintu palayanna Elisa, angkana, “Eh, angngapa nanilappassang a'lampa natena na'bayara'? Musti natarima bapakku anjo passarena tubattua ri Siria! Lanri Batara mattallasaka, musti kuondangi anjo taua sollangku anggappa apa-apa battu ri ia!”

2 KARAENG-KARAENG 6:12

Nia'mo kalase'renna anjo perwiraya appiali angkana, “Tena manna sitau appakamma karaeng. Mingka Na'bi Elisa passabakkanna! Iami ampabattui mae ri karaeng Israel apa kipaua, manna pole nalalang ri kamara' katinroanta kipau.”

2 KARAENG-KARAENG 6:24

Siapa are wattu ribokoanganna, battumi Benhadad, karaeng Siria, angngerangi sikontu tantarana untu' ambunduki tu Israel. Nakurummi ke'nanga kota Samaria,

2 KARAENG-KARAENG 8:6

Nampa akkuta'nammo karaenga siagang nacaritami anjo bainea ri passala'na anjo anaka. Le'baki anjo nakio'mi karaenga se'rea pagawena, siagang naparentakammi sollanna nipoterang kabusu' sikontu apa-apanna anjo bainea mae ri ia, kammayatompa ballinna sikontu wassele' kokonna lalang tuju taung baku' nabokoina pa'rasanganga.

YESAYA 7:8

lanri anjo Siria tena nakassakkangngang na ibukotana iamintu Damsyik, kammayatompa anjo Damsyik tena nakassakkangngang na Karaeng Rezin. Nampa lalanna annampulo allima taung, lata'bage-bagei Israel sa'genna takkulleami attahang a'jari se're bansa.

YEREMIA 40:5

Ri tenanapa ku'lampa, nakana Nebuzaradan, “Punna erokko, akkulleko ammotere' mange ri Gedalya ana'na Ahikam cucunna Safan, le'baka niangka' ri karaeng Babel a'jari guburnur mae ri kota-kota Yehuda. Akkulleko ammantang siagang ia ri tangnga-tangngana ra'yaka, yareka manna pole kamae nukaerokia.” Nampa nasarema' siapa are jaina kanre-kanreang siagang hadia, nampa nalappassanga' a'lampa.

LAMPA-LAMPANA 17:6

Mingka lanri tenana nabuntuluki ke'nanga Paulus siagang Silas, a'gilimmi ke'nanga anre'resangi Yason siagang siapa are tau tappa' maraenganga, mae ri dallekanna sikamma pamarenta anna'galaka koasa ri anjo kotaya. Akkio'-kioki ke'nanga angkana, “Anne tau ruaya angngacoi ri kere-keremae! Kamma-kamma anne battu tommi ke'nanga ri kotata;

PAOLE 33:1

Lalang tenanapa namate, Musa, tunisuroNa Allata'ala, nabarakkaki bansa Israel siagang kana-kana kamma anne:

HAKING-HAKING 16:2

Nalangngere'mi kabara'na taua ri Gaza angkanaya niaki Simson anjoreng. Nakurummi ke'nanga anjo tampaka, nampa natayang sila'busu' bangngi ri pakke'bu' lompona kotaya. Mingka tena apa-apa nagaukang ke'nanga anjo bangngia lanri napikkiriki ke'nanga angkana, “Ammumbapi sallang alloa nampa nibuno.”