2 KARAENG-KARAENG 8:6 - KITTA' MATANGKASA'

⁶ Nampa akkuta'nammo karaenga siagang nacaritami anjo bainea ri passala'na anjo anaka. Le'baki anjo nakio'mi karaenga se'rea pagawena, siagang naparentakammi sollanna nipoterang kabusu' sikontu apa-apanna anjo bainea mae ri ia, kammayatompa ballinna sikontu wassele' kokonna lalang tuju taung baku' nabokoina pa'rasanganga.

2 KARAENG-KARAENG 8:6 ပူးပေါင်းရင်းမြစ်များ

PA'JARIANG 37:36

Na lalanna anjo wattua, le'ba'mi nibalukang Yusuf ri tu Midian ri butta Mesir. Nibalukangi mae ri Potifar, kapala pangawala'na karaenga ri balla' karaenga.

2 SAMUEL 9:7

Angkanami Daud, “Teako mallakki. Lalammoro' pa'maika' mae ri kau lanri Yonatan manggenu. Sikontu buttana toanu iamintu Saul, lakupoterangi mae ri kau siagang akkulleko angnganre ri balla' kakaraenganga satunggu-tungguna.”

2 KARAENG-KARAENG 8:5

Na sitabang le'ba' ri wattu battuna anjo baine battua ri Sunem andallekang ri karaenga untu' ampabattui pappala'na, sitabang tongi Gehasi ancaritai antekamma batena Elisa ampattallasa' poleangi se'rea ana' matemo. Jari nakanamo Gehasi, “O karaeng mala'birika, iaminne anjo bainea, siagang iaminne anjo ana'na napattallasa' poleanga Elisa!”

2 KARAENG-KARAENG 8:7

Ri se'reang wattu a'lampai Elisa mange ri Damsyik. Sitabangi Karaeng Benhadad garring anjo wattua. Nalangngere'na karaenga angkanaya niaki Elisa ri Damsyik,

2 KARAENG-KARAENG 9:32

Accongami Yehu nai' ri tujunna tontonganga, na nakana, “Inai agang mae ri nakke?” Nalangngere'na anjo sa'ra kammaya, nia'mo rua yareka tallu pagawe balla' karaenga attoa' naung.

1 PATTOTTORANG 28:1

Naparentakangi Daud sollanna a'rappungang ngaseng sikontu pamimping Israel ri Yerusalem. Jari sikamma kapala sukua, pajaba' ri urusang pamarentahanga, kapala-kapala pa'rappungang bijaya, sikamma pajagana barang-baranna siagang olo'-olo'na siagang ana'-ana' bura'nena karaenga – bodona kana sikamma tumalompoa ri balla'na karaenga, komandang tantaraya siagang tunipakalompoa, yangasenna a'rappungangi ri Yerusalem.

PANGNGEBARANG 16:7

Punna nupakasannang pa'mai'Na Batara, musu-musunnu laNapa'jari agangi.

PANGNGEBARANG 21:1

Sanrapang batena Naatoro' Batara je'ne' binangaya sollanna a'lo'loro' situru' ero'Na, kammatommi anjo napimpingi pikkiranna karaenga.

PAOLE 22:2

Punna bellai balla'na anjo patanna, yareka punna tanuassenga angkana inai patanna, erangi anjo olo'-oloka mae ri balla'nu. Punna battu patanna amboyai, passareangi anjo olo'-oloka mae ri ia.

HAKING-HAKING 11:13

Appialimi karaenna bansa Amon mae ri sikamma tunisuroa angkana, “Ri wattunna nia' umma' Israel battu ri Mesir, naallei ke'nanga buttana ikambe, appakkaramula battu ri Binanga Arnon sa'genna mange ri Binanga Yabok siagang Binanga Yordan. Kamma-kamma anne poterang ngasemmi anjo siagang baji'.”