2 KARAENG-KARAENG 8:29 - KITTA' MATANGKASA'

²⁹ nampa ammotere' mange ri kota Yizreel untu' niballei, na'lampa Ahazia mange antoaki anjoreng.

2 KARAENG-KARAENG 8:29 ပူးပေါင်းရင်းမြစ်များ

1 KARAENG-KARAENG 22:34

Sitabangi nia' sitau tantara Siria allappassangi ana' panana, natena nakunjungi angkana nai lanapitabai. Mingka anjo ana' panaya natabai Ahab na natarrusu' baju pa'bundukanna ri bageang sambunna. Ammarrammi Ahab mae ri paerang karetana angkana, “Nitaba'! Putaraki nanueranga' assulu' ri anne tampa' pa'bundukanga!”

2 KARAENG-KARAENG 10:13

assibuntuluki siagang siapa are bija pammanakanna Ahazia karaeng Yehuda. Akkuta'nammi ri ke'nanga angkana, “Inai ngasengko antu?” Appialimi ke'nanga angkana, “Ikambe anne bija pammanakannaki' Ahazia. Eroki kambe a'lampa mange ri Yizreel untu' angkunjungi sikontu kaluargana karaenga kammayatompa ana' cucunna karaeng baine Izebel.”

2 KARAENG-KARAENG 8:28

Amminawangi Ahazia a'bundu' siagang Yoram karaeng Israel angngewai Hazael karaeng Siria. A'bunduki ke'nanga ri Ramot, daera Gilead. Lokoki Yoram lalang anjo pa'bundukanga,

2 KARAENG-KARAENG 9:1

Anjo wattua akkioki Elisa kalase'renna anjo na'bi-na'bi naajaraka nampa nakana ri ia: “Apparuruko untu' a'lampa mange ri Ramot ri pa'rasangang Gilead, siagang erangi anne botolo' niaka minynya' zaitunna.

2 KARAENG-KARAENG 9:14

Kammami anjo naassikongkolo'mo Yehu angngewai Karaeng Yoram niaka ri Yizreel anjo wattua. Niaki Yoram mange anjoreng untu' amballei loko'na nagappaya lalang a'bundu'na ri Ramot angngewai Hazael karaeng Siria. Nakana Yehu ri agang-aganna ngaseng paranna panglima, “Punna situjuko inakke a'jari karaeng, jagai sollanna tena manna sitau akkulle assulu' battu ri Ramot untu' ampauangi taua ri Yizreel.”

YOSUA 19:18

Antamaya ri daerana ke'nanga iamintu: Yizreel, Khesulot, Sunem,