2 KARAENG-KARAENG 8:21 - KITTA' MATANGKASA'

²¹ Lanri kammana anjo, assulu'mi Yehoram siagang sikontu kareta bundu'na a'lampa mange ri Zair. Anjoreng nikurummi ri pasukang Edom, mingka ri wattuna bangngi ia siagang sikamma panglima tantarana akkullei ta'lappasa' assulu', nampa sikamma tantarana ke'nanga larimi ammotere' massing mange ri balla'na.

2 KARAENG-KARAENG 8:21 ပူးပေါင်းရင်းမြစ်များ

2 SAMUEL 18:17

Nampa niangka' maya'na Absalom siagang nipasambila antama' ri bungung lantanga lalang romang. Anjo bungunga natambungi ke'nanga siagang batu sa'genna tinggi. Sikontu pasukang Israel massing naerammi kalenna lari mange ri balla'na.

2 SAMUEL 19:8

Nampa ammentemmo nai' karaenga, siagang ammempomi ri ampi'na pakke'bu' lompoa. Nalangngere'mi ana' buana angkana niaki anjoreng. Jari battu kabusu'mi ke'nanga andallekang. Lalang anjo wattua sikontu pasukang Israel naerammi lari kalenna, siagang massing ammotere'mi mange ri balla'na.

2 KARAENG-KARAENG 14:7

Lalang se'reang pa'bundukang nia' 10.000 tantara Edom le'ba' nabuno Amazia ri lappara' ka'bung niarenga Asin, siagang naempoi kota niarenga Sela. Anjo kotaya nasambei arenna nampa naareng kota Yokteel. Sa'genna kamma-kamma anne tuli niarenna Yokteel anjo kotaya.

LUKAS 21:20

“Punna nucini' sallang nitammulili kota Yerusalem ri surudadu, lanuassemmi angkanaya tasalloami nalaruntung anjo kotaya.