2 KARAENG-KARAENG 8:15 - KITTA' MATANGKASA'

¹⁵ Mingka ammukona angngallemi Hazael silawara' kalimbu' nampa natallangngang naung ri je'neka nampa najallakkang ri rupanna karaenga sa'genna mate lammasa' karaenga. Nampa Hazael a'jari karaeng ri Siria ansambeangi Benhadad.

2 KARAENG-KARAENG 8:15 ပူးပေါင်းရင်းမြစ်များ

1 KARAENG-KARAENG 15:28

Ri makatallung taunna a'jari Karaeng Asa ri Yehuda nakajariang anjo passalaka. Kammaminjo na'jari karaemmo Baesa ri Israel ansambeangi Nadab.

1 KARAENG-KARAENG 16:10

Nampa antama'mo Zimri ambunoi Ela; nampa a'jari karaemmo ansambeangi Ela. Anjo kajariangi ri taung makaruampulona antuju wattu pamarentahanna Karaeng Asa ri Yehuda.

1 KARAENG-KARAENG 16:18

Ri wattu nacini'na Zimri angkanaya niempoimi ri musu anjo kotaya, antama'mi ri balla' kakaraenganga nampa natunu anjo ballaka napasitunu kalenna, sa'genna matemo.

1 KARAENG-KARAENG 19:15

Nakanamo Batara, “Ammoterekko mange ri parang lompoa ri ampi'na Damsyik! Nampa a'lampako mange ri kotaya siagang tiriki minynya' ulunna Hazael a'jari pammatei ri niangka'na a'jari karaeng Siria.

2 KARAENG-KARAENG 15:25

Kalase'renna tau battua ri sikamma perwira tantarana, iamintu niarenga Pekah ana'na Remalya, assikongkoloki siagang 50 tau battu ri Gilead. Nampa nabuno ke'nanga anjo Karaeng Pekahya siagang rua tau maraengang niarenga Argob siagang Arye. Lalangi ri se'reang tembo' pattahangngang ri balla' karaenga ri Samaria nibuno Karaeng Pekahya. Nampa Pekah a'jari karaeng ansambeangi Pekahya.

2 KARAENG-KARAENG 15:30

Ri taung makaruampulo ammarentana Karaeng Yotam ana'na Uzia ri Yehuda, assikongkoloki Hosea ana'na Ela untu' angngewai Karaeng Pekah siagang nabunomi Karaeng Pekah, nampa ia ansambeangi a'jari karaeng.

2 KARAENG-KARAENG 8:10

Appialimi Elisa angkana, “Napaui Batara mae ri nakke angkanaya lamatei. Mingka pauang mami angkanaya lammollei ri garrinna.”

2 KARAENG-KARAENG 8:13

Appialimi Hazael angkana, “Inakke anne tau tena anggarangku; tena olona lania' koasaku kammaya anjo lompona!” Appialimi Elisa angkana, “Le'ba'ma' Napaccinikang Batara angkanaya la'jariko karaeng ri Siria.”

2 KARAENG-KARAENG 8:28

Amminawangi Ahazia a'bundu' siagang Yoram karaeng Israel angngewai Hazael karaeng Siria. A'bunduki ke'nanga ri Ramot, daera Gilead. Lokoki Yoram lalang anjo pa'bundukanga,

2 KARAENG-KARAENG 9:24

Napabantammi otere' panana Yehu sipagassing-gassinna nampa nalio-lio napana anjo Yoram, na nataba dongko'na sitarrusu' mae ri atenna. Anra'bami Yoram, nampa mate lalang ri karetana.

PAMMUJI 36:4

Kana-kananna ja'dalaki siagang rassi balle-balle, tenamo nagaukangi apa bajika siagang annabaya.

YESAYA 33:1

Cilakai sikamma musunta! Angngellaki ke'nanga, manna pole tena naniellaki, angngalle bokoi, manna pole tenaja nialle bokoi. Mingka le'baki ke'nanga angngella' siagang angngalle boko, kalenna ke'nanga laniella' siagang lanialle boko.

MIKHA 2:1

Cilakai tau a'rancanaya kaja'dallang lalang attinrona ri katinroanga ri wattu bangngia, nampa nagaukang anjo rancanana ammukona bari'basa' lanri nia'na pakkullena untu' anggaukangi.

1 SAMUEL 24:13

Kiassengi anne paruntu' kana salloa angkanaya, ‘Ia kaja'dallanga tau ja'dalakaji bawang anggaukangi.’ Lanri kammana anjo, taerokai atanta ampa'risiki'.