2 KARAENG-KARAENG 7:9 - KITTA' MATANGKASA'

⁹ Nakanamo massing para ia ke'nanga, “Kodi anne panggaukanta. Anne kabaraka kabara' baji', jari siratanna musti nipaui anne. Punna attayangki' sa'genna ammuko, ma'nassa nihukkungki'. Bajiki punna nilaporo' anne passalaka mae ri balla'na karaenga.”

2 KARAENG-KARAENG 7:9 ပူးပေါင်းရင်းမြစ်များ

2 KARAENG-KARAENG 5:4

Nalangngere'na Naaman anjo passalaka, a'lampami mange ri karaenga nampa nacarita anjo apa le'baka napau anjo ana' bainea.

2 KARAENG-KARAENG 7:10

Lanri kammana anjo ammotere'mi ke'nanga mange ri Samaria nampa akkio' mae ri pangawala'na pakke'bu' lompona kotaya, angkana, “Le'baki kambe a'lampa mange ri pakkemaanna tu Siria, nampa tena sikalimo tau anjoreng. Narapikangi kambe jaranna siagang keledaina ke'nanga nia' ngasengiji tappaukang ri tampa'na, nampa kemana ke'nanga nabokoi bawang-bawanji.”

2 KARAENG-KARAENG 7:3

Anjo alloa nia' appa' tau garring sala ri pantaranganna pakke'bu' lompona Samaria. Sipa'bicarai para ia ke'nanga angkana, “Apa matu-matunta ammantang anrinni antayangi kamateanga?

2 KARAENG-KARAENG 7:6

Nasaba', nia'mo Napappilangngerang Batara mae ri ke'nanga sangkamma sa'ra gamarrung pasukang lompo a'jarang siagang angngerang kareta maju ero' ambunduki ke'nanga. Nakapangi tu Siria angkanaya le'baki karaeng Israel ambayaraki karaeng Het siagang Mesir kammayatompa tantarana untu' ambunduki ke'nanga.

2 KARAENG-KARAENG 7:8

Anjo appaka tau garring sala battui mange ri birinna anjo pakkemaanga, siagang antama'mi ke'nanga ri kalase'renna kemaya. Angnganre siagang anginummi ke'nanga anjoreng kammayatompa angngallemi ke'nanga bulaeng, pera' siagang siapa are jaina pakeang nampa a'lampa ke'nanga mange ancokkoi. Le'baki anjo ammotere'mi pole ke'nanga nampa antama ri kema maraenga nampa nagaukammo pole kamma nagaukanga ke'nanga sumpaeng.

PANGNGEBARANG 24:16

Saba', manna pole a'mole-mole tu'guru' tau lambusuka, tuli lambangung poleangi nai'. Mingka kabalekanna, tau ja'dalaka laancuruki nituju ri bala lompo.

YESAYA 41:27

INakke, Batara, uru angkabarrangi mae ri Sion; iNakke akkiring tau angngerang kabara' baji' mae ri Yerusalem.

YESAYA 52:7

Tamaka sannanna pa'maika anciniki kabattuanna tunisuroa; a'jappai allalo ri pa'monconganga siagang angngerang kabara' baji, kabara' salewangang, kabara' kasalamakkang mae ri Sion: nakana, “Allata'alanu Karaeng!”

NAHUM 1:15

Ciniki, nia' sitau suro battu ri moncong-monconga, angngerang kabara' baji', iamintu kabara' pammetang. He bansa Yehuda, pakalompoi allo lomponu siagang bayaraki tinja'nu mae ri Allata'ala. Tenamo nalanijaja pa'rasangannu ri tau ja'dalaka. Le'ba'mi niancuru' taba sikali ke'nanga.

PAMMILANGNGANG 32:23

Mingka u'rangi, punna tena nurupai janjinnu, dorakako mae ri Batara siagang lanihukkungko lanri anjo dosanu.

LUKAS 2:10

Mingka nakanamo anjo malaekaka, “Teako mallakki! Nasaba' kabara' baji' anne battu kupabattuangko; kabara' sannaka lanakarannuanna sikontu rupataua.

FILIPI 2:4

Parhatikangi kaparalluanna tau maraenga; teako kaparalluang kalennu bawang nuparhatikang.