2 KARAENG-KARAENG 7:7 - KITTA' MATANGKASA'

⁷ Lanri kammana anjo ia memang anjo bangngia larimi ke'nanga ampasalamaki kalenna, siagang nabokoimi kemana, jaranna siagang keledaina, nabokoi bawang-bawang kabusuki ri pakkemaanga.

2 KARAENG-KARAENG 7:7 ပူးပေါင်းရင်းမြစ်များ

1 KARAENG-KARAENG 10:29

siagang kareta-kareta pa'bundukanga nipabattui ri Mesir. Ballinna tassikayu jaranga iamintu 150 doe' pera', na ballinna tasse'rea kareta pa'bundukang iamintu 600 doe' pera'. Nampa tete ri anjo sikamma padangganga todong nibalukammi pole anjo sikamma jaranga siagang kareta-kareta pa'bundukanga mae ri karaeng-karaeng Het siagang karaeng-karaeng Siria.

1 KARAENG-KARAENG 20:20

Massing nabunomi ke'nanga musu nadallekanga. Larimi tu Siria, na niondang ri tu Israel. Mingka ta'lappasaki Benhadad. Lari siagang jaranna, nirurungang ri siapa are tantarana a'jaranga.

AYUB 18:11

Nipabangkai tau ja'dalaka ri apa appakamalla' niaka battu ri kere-keremae; sangnging malla' ampinawangi dakka-dakkana.

PAMMUJI 33:17

Takkulleai jaranga nipattoang untu' ammeta, takkulleai appasalama' kagassingang lompona.

PAMMUJI 68:12

Assarei kaputusang Batara, nampa sikamma bainea angngerang kabara':

PANGNGEBARANG 21:1

Sanrapang batena Naatoro' Batara je'ne' binangaya sollanna a'lo'loro' situru' ero'Na, kammatommi anjo napimpingi pikkiranna karaenga.

PANGNGEBARANG 28:1

Tau ja'dalaka lari nampa tena angngondangi, mingka tau lambusuka, barani sanrapang singa.

PANGNGEBARANG 6:5

Lappassangi kalennu battu ri anjo sikkoka sanrapang jangang-jangang yareka kijang ta'lappasaka battu ri tau ammuranga.

IBRANI 6:18

Anjo ruaya passala' takkulleai lamminra; tena olona la'balle-balle Allata'ala ri janjinNa siagang sumpaNa! Lanri kammana, ikatte tau a'la'langamo irawanganNa Allata'ala, nikellaiki' anna'gala' jarre' mae ri panrannuang niaka ri dallekanta.

HAKING-HAKING 7:21

Massing ammantangi ke'nanga ri tampa'na ri tammulilina anjo tampa' kemaya. Na piti lari-lari ngasemmo anjo tantara nasuroa, ammarrang-marrang.

1 SAMUEL 14:15

Passabakkang ia anjo kajarianga, gegere'mi tu Filistin ri kemana siagang ri sikamma paranga. Sikontu ra'ya' Filistin kammaya niaka ri balla'-balla' jagaya, siagang pa'rappungang paellaka a'jari malla' ngasemmi; ba'lalo kamma ta'ge'goso'mi buttaya, siagang sanna'mi siricu-ricuinna ke'nanga.