2 KARAENG-KARAENG 7:13 - KITTA' MATANGKASA'

¹³ Nia'mo se're pangawala'na karaenga angkana, “Karaeng, ikatte niaka ija lalang ri anne kotaya sangkamma le'ba'ji sarenta siagang ke'nanga mateamo. Lanri kammana anjo bajiki punna nia' siapa are tau a'dongko' limang kayu jarang niaka ija nampa a'lampa ke'nanga mange anjoreng untu' anciniki apa le'baka kajariang.”

2 KARAENG-KARAENG 7:13 ပူးပေါင်းရင်းမြစ်များ

2 KARAENG-KARAENG 5:13

Mingka nalangngere'mi palayang-palayanna akkana kamma. A'reppese'mi ke'nanga nampa angkana, “Bapa', ebara' angkana nisuroki' anggaukang apa sukkara', mattantuna lakigaukangi. La'biangampa kanasurojaki' bawang a'je'ne' sollanta a'jari baji!”

2 KARAENG-KARAENG 6:33

Tenapa napuppusu' bicaranna Elisa, battumi karaenga anjoreng na nakana, “Anne kasusaanga Batara ampabattui mae ri katte! Jari apapi matu-matungku manrannuang ri pannulunNa?”

2 KARAENG-KARAENG 7:12

Anjo wattua bangngi iji, mingka assulu'mi karaenga battu ri kamara' katinroanna nampa nakana mae ri sikamma pangawalaka, “Pilangngeri anne kanangku! Kuassengi anjo rancanana tu Siria! Naassengi ke'nanga angkanaya anne ikatte naalleki' cipuru', jari lanri kammanami anjo nanabokoi pakkemaanna ke'nanga nampa a'lampa accokko ri paranga untu' angngeppangki' sollanta assulu' a'boya kanre. Le'baki anjo nabakkai maki' nampa naempoi kotaya.”

2 KARAENG-KARAENG 7:14

Jari napileimi ke'nanga siapa are tau nampa nasuro karaenga anjo ke'nanga a'dongko' ri rua kareta pa'bundukang a'lampa mange ansalidiki apa le'baka kajariang mae ri tantara Siria.

2 KARAENG-KARAENG 7:4

Punna antamakki' ri kotaya, lamate naalleki' cipuru'; na punna ammantangki' anrinni lamate tonjaki'. Umba baji' ki'lampa mange ri pakkemaanna tu Siria. Kaminang bellana nanabunoki' ke'nanga. Mingka akkulle tongi tenaja naapa-apaiki'.”

YEREMIA 14:18

Punna mangea' ri paranga, kuciniki maya'-maya'na tumatea lanri pa'bundukang. Kuciniki lalang ri kotaya kasessanga, tau a'biringa mate naalle cipuru'. Na'bia siagang imanga nagaukangi jama-jamanna natanassenga apa battuanna apa nagaukanga ke'nanga.”

PIRAUNG 4:9

Sessai ke'nanga na mate palang-palang, lanri tena sikalimo lanakanre; ia matea lalang pa'bundukang, la'bi upakkangngangi kala mate cipuruka.