2 KARAENG-KARAENG 6:9 - KITTA' MATANGKASA'

⁹ Mingka akkirimmi Elisa kabara' mange ri karaeng Israel untu' ampakaingaki sollanna tena na'lampa ke'nanga mange anjoreng ri tampaka, lanri biasana tu Siria anjorengi angngalle oloang.

2 KARAENG-KARAENG 6:9 ပူးပေါင်းရင်းမြစ်များ

1 KARAENG-KARAENG 20:13

Lalang anjo wattua, nia'mo sitau na'bi mange ri Karaeng Ahab na nakana, “Nakana Batara, ‘Nuciniki anjo tantara jaia? LaKusareko pammetang mae ri ke'nanga anne alloa. Lanuassengi angkanaya iNakkemi Batara.’ ”

1 KARAENG-KARAENG 20:28

Nampa nia'mo sitau na'bi battu mae ri Karaeng Ahab siagang angkana, “Iaminne Nakananga Batara: ‘Lanri anjo tu Siria nakanangi ri daera pa'moncongangi bawang jari kakoasangKu na tena ri lappara' rawaya, laKusareko pammetang mae ri anjo tantarana ke'nanga, sannaka ta'liwa'na jaina. Ikau siagang ra'ya'nu lanuassengi angkanaya iNakkemi Batara.’ ”

2 KARAENG-KARAENG 4:1

Ri se'reang allo nia' sitau baine janda le'ba' baine na'bi a'lampa mange ri Na'bi Elisa nampa angkana, “Bapa', matemi bura'nengku! Nakiasseng tonja angkanaya anjo le'ba' bura'nengku tau mappilangngeri todong ri Allata'ala, mingka nia' inranna mae ri se'reang tau. Kamma-kamma anne battui anjo taua ero' angngalle rua anakku nampa napa'jari ke'nanga atanna, salaku pa'bayara' ri inranna tumate le'ba' bura'nengku.”

2 KARAENG-KARAENG 4:27

Mingka ri wattunna battu mange ri dallekanna Elisa, su'ju'mi nampa naraka' bangkenna Elisa. Eroki Gehazi ampakabellai anjo bainea battu anjoreng, mingka nakanamo Elisa, “Lappassangi! Sanna' susana nyawana kucini'. Mingka tena apa-apa Napauanga' Batara!”

2 KARAENG-KARAENG 4:7

Nampa a'lampamo pole anjo bainea mange ri Na'bi Elisa na nakanamo Elisa, “Balukangi anjo minynya'-minynyaka nampa kibayara' ngaseng inranta, nampa anjo la'binna lagannaki untu' kaparalluang katallassanta siagang ana'-anatta.”

2 KARAENG-KARAENG 6:10

Jari napakainga'mi karaeng Israel sikamma tau niaka a'reppese' ammantang anjoreng sollanna sadia-sadia. Kammami anjo pissiapa arei Elisa ampakaingaki karaenga.

2 KARAENG-KARAENG 6:12

Nia'mo kalase'renna anjo perwiraya appiali angkana, “Tena manna sitau appakamma karaeng. Mingka Na'bi Elisa passabakkanna! Iami ampabattui mae ri karaeng Israel apa kipaua, manna pole nalalang ri kamara' katinroanta kipau.”

2 KARAENG-KARAENG 6:8

Ri se'reang wattu a'bunduki tu Siria a'bali tu Israel. Le'ba'na sipa'bicara siagang sikamma perwira tantarana, napattantumi karaeng Siria angkana kemae ke'nanga musti appare' kema.

AYUB 5:12

Napassalasai rancana akkala' kodia, Napiallei sikko' na Najakkala' tau cara'de' salaya, sa'genna tajaria sikontu usahana ke'nanga, na nitipumo ke'nanga ri akkala' salana tonji.

PAMMUJI 33:10

Napassalasai Batara rancanana bansa-bansaya, Napattaenai apa nakaerokia ke'nanga.

PANGNGEBARANG 22:12

Lanri nisungkena balle-ballena tau jekkonga, Najagaimi Batara sollanna tuli niparakai pangngassengang tojenga.

YEREMIA 11:18

Napauanga' Batara ri passala'na rancana ja'dala'na musu-musua mae ri nakke.

AMOS 3:7

Tena le'bakai Batara Kaminang Tinggia anggaukang apa-apa punna tena Napa'nyatai rancanaNa mae ri sikamma na'bia, ata-atanNa.

PAPPICINI' 1:1

Ia bonena anne Kittaka, iamintu apa-apa le'baka Napappicinikang Isa Almasi ri passala'na sikontu apa-apa lakajarianga sallang. Napappiassengangi Allata'ala mae ri Almasi sollanna Napabattu Almasi mae ri sikontu atanNa Allata'ala apa-apa tenayamo nasallo namusti kajariang. Nasuromi Almasi a'lampa malaeka'Na mae ri atanNa, iamintu Yohanes, untu' ampappiassengangi mae ri ia anjo apa-apa lakajarianga.