2 KARAENG-KARAENG 6:6 - KITTA' MATANGKASA'

⁶ Akkuta'nammi Elisa angkana, “Kemaei tu'guru'?” Nipicinikiammi ri anjo taua tampa' katu'guranna anjo pangkuluka. Nampa annatta' Elisa sipolong kayu siagang napasambila antama' ri anjo tampaka. Nammumbamo nai' ri tompo'na je'neka anjo pangkuluka.

2 KARAENG-KARAENG 6:6 ပူးပေါင်းရင်းမြစ်များ

2 KARAENG-KARAENG 2:21

Nampa a'lampamo Elisa mange ri timbuseng je'neka na napasambila anjo ce'laya antama ri je'neka siagang nakana, “Kammaminne kananNa Batara, ‘Kupa'jari tangkasaki anne je'neka sollanna tenamo napassabakki kamateanga siagang nalari cera' baine tiananga!’ ”

2 KARAENG-KARAENG 4:41

Jari assuro allemi Elisa sike'de' labu', nampa napakioro' antama' ri anjo uringa. Le'baki anjo nakanamo, “Bagemi pole anjo kanrea.” Natenamo bahayana anjo kanrea.

2 KARAENG-KARAENG 6:5

Ti'ring ta'lappasa'mi mata pangkulu'na kalase'renna ke'nanga natu'guru' naung ri je'neka. Ammarrammi anjo taua na nakana ri Elisa, “O Bapa', anjo pangkuluka, pangkulu' niinrang!”

2 KARAENG-KARAENG 6:7

Nakanamo Elisa, “Allei!” Naallemi anjo taua anjo pangkuluka.

KALAPPASSANG 15:25

Appala' doang dudumi Musa mae ri Batara. Nampa nipicinikiammo ri Batara sipolong kayu. Naallemi Musa anjo kayua nampa napasambila antama' ri je'neka, sa'genna a'jari la'ba anjo je'neka, nakkullemo niinung. Anjoremmi ri tampaka assare Batara paratorang-paratorang mae ri ke'nanga, siagang anjoreng tommi Naso'ri ke'nanga.