2 KARAENG-KARAENG 6:32 - KITTA' MATANGKASA'

³² Nampa nasuromo karaenga se're tau a'jappa riolo mange ri balla'na Elisa. Anjo wattua niaki Elisa ri balla', siagang siapa are tau toa-toana pa'rasanganga sitabang a'manaikang anjoreng. Lalang tenanapa nabattu anjo surona karaenga, nakanamo Elisa mae ri anjo sikamma tau toa-toana pa'rasanganga, “Parhatikangi! Anjo pabuno-bunoa assuroi tau battu mae untu' ambunoa'. Punna battu sinampe' anjo taua, tongkoki pakke'buka siagang teako pa'biangi antama'. Ri bokona laniaki kalenna karaenga.”

2 KARAENG-KARAENG 6:32 ပူးပေါင်းရင်းမြစ်များ

1 KARAENG-KARAENG 14:6

Mingka kamma nalangngere'na Na'bi Ahia sa'ra bangkenna ri pakke'buka, nakanamo, “Antamakko mae, kuassengi angkana bainennako Yerobeam. Tea' mako assara-sarai. Nia' kabara' kodi untu' ikau.

1 KARAENG-KARAENG 18:4

Ri wattunna nabuno Izebel na'bi-na'biNa Batara, nia' 100 tau na'bi natulung Obaja na nacokko ke'nanga lalang ri kali'bong batua – 50 tau lalang se're kali'bong – kammayatompa nasare kanre siagang je'ne' inung ke'nanga.)

1 KARAENG-KARAENG 21:10

Suroi rua tau ja'dala' andallekangi siagang natudui angkanaya le'baki natunrai Allata'ala siagang karaenga. Nampa erangi assulu' ri pantaranganna kotaya, siagang sambilai batu sa'genna mate!”

1 KARAENG-KARAENG 21:13

Nia'mo rua pajaba' ammempo assidallekang siagang Nabot. Na ri dallekanna tujaia nitudumi angkanaya natunrai Allata'ala siagang karaenga. Lanri kammana anjo nierammi assulu' ri pantaranganna kotaya nampa nisambila batu sa'genna mate.

1 KARAENG-KARAENG 21:19

pabattui mae ri ia angkana iNakke, Batara akkana kammA' anne, ‘Le'bakko ammuno, anrampasakko pole! Lanri kammana anjo, cera'nu lanilepaki ri kongkong, ri tampa'na kongkong-kongkonga allepaki cera'na Nabot!’ ”

2 KARAENG-KARAENG 5:26

Mingka nakanamo Elisa, “Niaki anjoreng nyawaku ri wattunna naung Naaman battu ri karetana untu' ambuntuliko. Anne teai wattunna untu' anggappa doe' siagang ammalli koko zaitun, koko anggoro', gimbala', sapi siagang ata-ata.

2 KARAENG-KARAENG 6:12

Nia'mo kalase'renna anjo perwiraya appiali angkana, “Tena manna sitau appakamma karaeng. Mingka Na'bi Elisa passabakkanna! Iami ampabattui mae ri karaeng Israel apa kipaua, manna pole nalalang ri kamara' katinroanta kipau.”

2 KARAENG-KARAENG 7:17

Sitabangi anjo wattua pambantu kalenna karaenga tugasa' anjagai pakke'bu' lompona kotaya. Matemi anjoreng nionjo'-onjokang ri ra'yaka. Kajariammi anjo kammaya situru' kana le'baka napau Elisa mae ri karaenga ri wattunna battu karaenga mae ri ia.

YEREMIA 11:18

Napauanga' Batara ri passala'na rancana ja'dala'na musu-musua mae ri nakke.

YEREMIA 32:3

ri Karaeng Zedekia lanri nitudua' le'ba' ampa'la'bangi kupau angkanaya akkana kammai anne Batara, “LaKupa'biangi karaeng Babel ambetai siagang angngempoi anne kotaya,

YEHEZKIEL 14:1

Nia' siapa are jaina pamimping Israel battu mae ri nakke untu' ampakkuta'nangngangi ero'Na Batara.

YEHEZKIEL 20:1

Ri tanggala' sampulo bulang lima, lalang taung makatuju ri wattu nipela'na ikambe, nia'mo siapa are pamimpinna tu Israel battu mae ri nakke untu' appala' pangngunju' battu ri Batara. Le'baki ammempo ri dallekangku,

YEHEZKIEL 33:31

Battui ke'nanga a'gapullung siagang salaku ummakKu ammempoi ke'nanga ampilangngeri kana-kanannu, mingka anjo apa nuparentakanga tena naturuki ke'nanga. Muncenna ke'nanga appasuluki kana-kana mangngai mingka atinna ke'nanga sangnging passawallanji nanawa-nawa.

YEHEZKIEL 8:1

Ri tanggala' lima bulang annang lalang taung makaannang ri wattu pammelakkanga, sikamma pamimpinna tu Yehuda nipelaka battui ri ballakku nakusipammempo-mempoang. Ti'ring battumi kakoasanNa Batara Kaminang Tinggia angkoasai kalengku.

LUKAS 13:32

Appialimi Isa Nakana, “Mange mako pauangi anjo tau tenaya matu-matunna angkanaya, ‘Anne alloa siagang ammuko Kubongkai setanga siagang Kuballei tau garringa, mingka ri maka talluna alloa, laKupa'le'baki jama-jamangKu.’