2 KARAENG-KARAENG 6:29 - KITTA' MATANGKASA'

²⁹ Lanri kammana anjo kupallumi anakku nampa nakanre ikambe. Ammukona ri wattu kupala'na sollanna nipallu ana'na, nacokkoi anjo ana'na!”

2 KARAENG-KARAENG 6:29 ပူးပေါင်းရင်းမြစ်များ

1 KARAENG-KARAENG 3:26

Nalangngere'na anjo parentaya, nakanamo amma' sitojennaya anjo anaka, “Pammopporanga' karaeng, teaki' bunoi anjo anaka. Kipassareang mami mae ri ia.” Nakkana kamma anjo bainea lanri sanna' nakarimangnginna anjo anaka. Mingka anjo baine se'reanga nakana, “Iye', polong mami, lappassammi manna sitau ri kambe tena ngaseng nanggappa!”

YESAYA 49:15

Appialimi Batara, angkana, “Maka akkullei se'rea amma' angkaluppai ana'na, siagang tanasayangnga ana' kalenna? Manna pole na nakaluppai, mingka iNakke tena nalaKukaluppaiko!

YESAYA 66:13

LaKusaleoriko ri Yerusalem, rapang se'rea amma' ansaleori ana'na.

PIRAUNG 4:10

Tamaka heba'na anjo bala antujuai ummakKu sa'genna manna anrong baji' pa'maika napallumi ana' kalenna untu' ambonei battanna.

KAIMANGNGANG 26:27

Punna le'baki nukasia' sikontu anjo hukkunganga nutulusu' angngewa ija mae ri Nakke, siagang taerokako mannuruki mae ri Nakke,

KAIMANGNGANG 26:29

Lanaalleko cipuru', sa'genna nukanre ana' kalennu.

PAOLE 28:52

Lanabunduki ngasengi sikamma kota niaka ri pa'rasangang Napassareanga Karaeng Allata'alanu mae ri kau. Anjo tembo'-tembo' kalli' tinggia siagang nukanaya kassa' siagang nupattoanga laruntung ngasengi.

PAOLE 28:53

Lalang nilipunna kota-kotanu ri musu-musunnu, latappu' minasa mako lanri cipuru'nu, sa'genna nukanremo ana' kalennu, iamintu ana'-ana' Napassareanga Karaeng Allata'alanu mae ri kau.