2 KARAENG-KARAENG 6:21 - KITTA' MATANGKASA'

²¹ Ri wattunna nacini' karaeng Israel anjo tu Siria, akkuta'nammi ri Elisa angkana, “Elisa, apaka musti kubunoi anne taua ngaseng?”

2 KARAENG-KARAENG 6:21 ပူးပေါင်းရင်းမြစ်များ

2 KARAENG-KARAENG 13:14

Ri se'reang wattu garring sannaki Na'bi Elisa, na nia' battu Karaeng Yoas antoaki. Ri wattunna nacini' angkanaya la'birimmi mate Elisa, angngarru'mi karaenga siagang nakanamo, “O Bapakku, Bapakku, pannulung lompona tu Israel!”

2 KARAENG-KARAENG 2:12

Naciniki Elisa anjo kammaya nampa akkio' angkana, “Elia, bapakku! Bapakku! Pajagana Israel malompoa! Tenami bapakku!” Jari lanynya'mi Elia battu ri paccini'na Elisa. Si'nami nyawana Elisa na nakekke' jubana a'jari rua.

2 KARAENG-KARAENG 5:13

Mingka nalangngere'mi palayang-palayanna akkana kamma. A'reppese'mi ke'nanga nampa angkana, “Bapa', ebara' angkana nisuroki' anggaukang apa sukkara', mattantuna lakigaukangi. La'biangampa kanasurojaki' bawang a'je'ne' sollanta a'jari baji!”

2 KARAENG-KARAENG 8:9

Angngallemi Hazael 40 unta nampa natekeki a'rupa-rupa wassele'na kota Damsyik nampa a'lampa mange ri Elisa. Ri wattunna battu mange ri tampa'na Elisa, nakanamo Hazael, “Atanta Karaeng Benhadad, assuroa' battu untu' ampakuta'nangngangi apaka akkullei ammolle ri garrinna yareka tena.”

LUKAS 22:49

Nacini'na ana'-ana' gurunNa Isa anjo kajarianga, nakanamo ke'nanga, “O Batara, antekamma! Nite'ba'mi pa'dang ke'nanga?”

1 SAMUEL 24:19

Langkara' sikali nia' tau assibuntulu' siagang musunna nampa naboli' attallasa' anjo musunna! Jari, tapporo Nabarakkakiko Batara lanri anjo panggaukang baji'nu anne alloa mae ri nakke!

1 SAMUEL 24:4

Nampa nakanamo ana' buana Daud ri ia, “Iaminne kasampatanta bapa'! Sai le'baki Nakana Batara ri katte angkanaya, ‘LaKupassareangi musunnu mae ri kau, gaukammi apa nukaerokia mae ri ia!’ ” Nampa a'lampa cokko-cokkomo Daud mange ri tampa'na Saul nampa nakere' cokko-cokko sike'de' biring jubana.

1 SAMUEL 26:8

Nakanamo Abisai ri Daud, “Napassareammi Allata'ala musunnu anne bangngia mae ri kau. Pa'biamma' nakupokei siagang poke kalenna sa'genna attimbusu' naung ri buttaya, sikalimo bawang kucoka, teami napinruang!”