2 KARAENG-KARAENG 6:17 - KITTA' MATANGKASA'

¹⁷ Nampa appala' doang Elisa angkana, “O Batara, dasi-dasi natassungke matanna palayangku sollanna akkulle accini'!” Niturukiammi pappala'na Elisa, sa'genna ri wattunna assaile palayanna, nacini'mi anjo monconga rassi siagang jarang na kareta a'rinra angkulilingi Elisa.

2 KARAENG-KARAENG 6:17 ပူးပေါင်းရင်းမြစ်များ

PA'JARIANG 21:19

Nanipakasingara'mo paccini'na Hagar ri Allata'ala, sa'genna accini'mo se're bungung. Nampa a'lampamo mange ambonei je'ne' anjo pammoneang je'ne'na, nampa nasare angnginung anjo ana'na.

PA'JARIANG 32:1

Napannarrusu'mi pa'jappanna Yakub. Nampa nia'mo siapa are malaeka' battu mae ri ia.

PA'JARIANG 32:2

Nacini'na Yakub anjo ke'nanga, nakanamo, “Anne pakkemaanNa Allata'ala.” Lanri kammana naaremmi anjo tampaka Mahanaim.

PA'JARIANG 32:3

Le'baki anjo nasuromi Yakub siapa are tau untu' a'jappa riolo mange ri pa'rasangang Edom untu' angngagangi sicini' Esau, daenna.

2 KARAENG-KARAENG 2:11

Lalang a'jappana ke'nanga, tuli sipa'bicarana. Ti'ring nia'mo se're kareta a'rinra nibeso' ri ruang kayu jarang a'rinra battu ampasisa'laki ke'nanga sipa'rua, nampa niangka' Elia nai' ri suruga ri anging barubu.

PAMMUJI 104:3

siagang ambangungi ballatTa ri tompo' je'neka ri langi'. Rammang-rammanga Kipa'jari kareta, ka'nyi'na anging Kidongkoki.

PAMMUJI 104:4

Anging Kipa'jari suroTa, na kila' a'jari palayanTa.

PAMMUJI 119:18

Kisungkei matangku sollangku accini' ajarang malompo niaka lalang ri hukkunTa.

PAMMUJI 125:2

Sanrapang moncong-moncong alla'langi Yerusalem, kammaminjo bateNa Batara alla'langi umma'Na anne kamma siagang satunggu-tungguna.

PAMMUJI 34:7

Tu cilakaya akkioki siagang appialimi Batara, nilappassammi battu ri sikontu kasukkarranna.

PAMMUJI 68:17

Angngapa nabattu ri anjo coppo' jainu akkimburu anciniki Bulu' Sion Napilea Allata'ala untu' a'jari pammantanganNa? Lammantangi Batara anjoreng sa'genna satunggu-tungguna.

PAMMUJI 91:11

Nasuroi Allata'ala malaeka'Na anjagaiko, untu' alla'langngiko manna kemae lampanu.

PAMMUJI 91:15

Punna akkio' mae ri Nakke, laKupiali. Ri wattu kasukkarang, laKutulungi; laKulappassangi na Kusare kalompoang.

YESAYA 42:7

Untu' ansungkei matanna tau butaya, siagang allappassangi taua battu ri sassanna tarungkua.

DANIEL 10:7

Kale-kalengku bawang anciniki anjo paccinika. Sikamma tau niaka kuagang tanacinikai, mingka lari ke'nanga mange accokko napakamma malla'.

ZAKHARIA 1:8

kuciniki malaeka'Na Batara a'dongko' sikayu jarang eja. Ammantangi ri se'reang ka'bung lappara' ri alla'na poko'-poko' kayu mura'. Ri bokona nia' pirangkayu are jarang maraengannaya ammenteng, nia' eja tanja'na, nia' lango-lango siagang nia' todong kebo'.

PAMMILANGNGANG 22:31

Nampa Napa'jarimo Batara akkulle Bileam anciniki anjo malaeka'Na Batara niaka ammenteng anjoreng anna'gala' pa'dang ta'bi'bu'. Su'ju'mi linta' Bileam naung ri buttaya nampa anynyomba.

MATIUS 26:53

Maka tenapa nuassengi angkanaya punna erokKa', akkullei Kupala' ri ManggeKu sollanna Nasuro battu silalonna memang surudadu malaeka'Na, sampulo anrua sa'bu battu angngalleiA'?

LAMPA-LAMPANA 26:18

untu' ansungkeangi matanna ke'nanga, sollanna akkulle assulu' ke'nanga battu ri sassanga nampa antama' ri singaraka; sollanna ta'lappasa' ke'nanga battu ri pangngajara' salana Billisika, nampa nikoasai ke'nanga ri Allata'ala. Na lanri tappa'na ke'nanga mae ri Nakke, naKupammopporammo dosa-dosana siagang la'jarimi ke'nanga umma'Na Allata'ala nipilea.’ ”

EFESUS 1:18

Kupalaki ri Allata'ala sollanna Nasungke pikkirannu, sa'genna a'jari singara'; sollanna akkulle nupahang apa akkullea nurannuang battu ri Allata'ala, le'baka angkiokko. Kammayatompa sollanna nuasseng todong antekamma alla'bi-la'bina barakka' baji'Na Allata'ala, le'baka Napasadia untu' umma'Na;

IBRANI 1:14

Jari punna kamma, apai sikontutojenna anjo malaeka'-malaekaka? Anjo ke'nanga, iamintu roh-roh allayaniai Allata'ala, siagang nisuroa ri Allata'ala antulungi sikontu tau lannarimaya kasalamakkang.

PAPPICINI' 19:11

Tassungkei kucini' surugaya, nampa nia' kucini' sikayu jarang kebo'. PabaeNa niarengi I Tamamminraya siagang I Tojeng. Adeleki hukkungang Natappukia siagang pa'bundukang Nagaukanga.

PAPPICINI' 19:14

Amminawang ngasemmi ri Ia tantara surugaya, a'dongko' jarang kebo' ngaseng, siagang ammakeang kaeng lenang kebo' sannaka ngaseng kebo'na.

PAPPICINI' 3:7

“Untu' mae ri malaeka'na jamaah ri Filadelfia, tulisiki kamma anne: Iaminne pappasang battu ri Ia matangkasaka siagang kontutojenga. Iami anta'galaki konci battua ri Daud; punna Nasungkei pakke'buka, tena manna sitau akkulle antongkoki, siagang punna Natongkoki, tena manna sitau akkulle ansungkei.