2 KARAENG-KARAENG 6:12 - KITTA' MATANGKASA'

¹² Nia'mo kalase'renna anjo perwiraya appiali angkana, “Tena manna sitau appakamma karaeng. Mingka Na'bi Elisa passabakkanna! Iami ampabattui mae ri karaeng Israel apa kipaua, manna pole nalalang ri kamara' katinroanta kipau.”

2 KARAENG-KARAENG 6:12 ပူးပေါင်းရင်းမြစ်များ

2 KARAENG-KARAENG 5:26

Mingka nakanamo Elisa, “Niaki anjoreng nyawaku ri wattunna naung Naaman battu ri karetana untu' ambuntuliko. Anne teai wattunna untu' anggappa doe' siagang ammalli koko zaitun, koko anggoro', gimbala', sapi siagang ata-ata.

2 KARAENG-KARAENG 5:3

Ri se'reang allo nakanamo anjo palayanga mae ri pinggawana, “Ibu', ebara' angkana a'lampa bapaka mange ri na'bi niaka ammantang ri Samaria, mattantuna lanipammollei bapaka ri anjo na'bia.”

2 KARAENG-KARAENG 5:8

Nalangngereki Na'bi Elisa anjo passalaka, nampa akkirimmo pasang mae ri karaeng Israel angkana, “Angngapa nulussa'? Suroi anjo taua battu mae ri nakke sollanna naasseng angkanaya ri anne Israel nia' sitau na'bi!”

2 KARAENG-KARAENG 6:11

Sanna'mi birisi'na karaeng Siria ri anjo passalaka, sa'genna nakio' sikamma perwira tantarana nampa akkuta'nang angkana, “Ma'nassa nia' tau ri katte a'bali'ballang. Inai anjo taua? Paui!”

2 KARAENG-KARAENG 6:13

Naparentakammi karaenga angkana, “Salidiki angkana kemae pammantanganna, sollanna akkulle kujakkala'.” Nipauammi ri taua angkana niaki Elisa ri Dotan.

KALAPPASSANG 8:3

Anne Binanga Nil larassi siagang tumpang, sa'genna lassulu' anjo olo'-olo' kammaya battu lalang ri je'neka nampa antama' ri balla' kakaraengannu, antama' ri kamara' katinroannu siagang sikamma kamara' katinroanga, antama' ri sikamma balla'na sikamma pagawea siagang balla'na ra'yaka, ba'lalo antama' ri pattunuang rotia siagang panci-pancia.

PANGNGEBARANG 21:30

Tena kaporeang, tarang pikkirang, siagang kacara'dekang akkulle attahang ri dallekanNa Batara.

KATO'BA 10:20

Teako callai karaenga, manna pole lalang pa'mai'. Teako pakkanai tu kalumanynyanga, manna ri katinroang kalennu. Akkullei nalangngere' jangang-jangang apa nupaua, nampa napabattu mae ri anjo tau natujua.

YESAYA 29:15

Cilakai tau eroka ancokkoi rancanana battu ri Batara! Appanggaukang cokko-cokkoi ke'nanga, nampa nakapang angkana tena manna sitau anciniki yareka angngassengi apa nagaukang ke'nanga.

YESAYA 8:10

Apparekko rancana, mingka tena nia' anjari. Angngalle mako kaputusang, mingka tena matu-matunna, saba' ikambe Narurungangki' Allata'alana ikambe.

DANIEL 2:47

Nakana karaenga ri ia, “Tojeng, Daniel, anjo Allata'alanu kaminang malompo ri alla'na sikontu rewataya. Iami makoasa mae ri sikontu karaenga, siagang assungkeai sikontu rahasiaya. Kuassengi anjo passalaka nasaba' ikau akkulleko ampakasingaraki anne rahasiaya.”

AMOS 3:7

Tena le'bakai Batara Kaminang Tinggia anggaukang apa-apa punna tena Napa'nyatai rancanaNa mae ri sikamma na'bia, ata-atanNa.