2 KARAENG-KARAENG 5:8 - KITTA' MATANGKASA'

⁸ Nalangngereki Na'bi Elisa anjo passalaka, nampa akkirimmo pasang mae ri karaeng Israel angkana, “Angngapa nulussa'? Suroi anjo taua battu mae ri nakke sollanna naasseng angkanaya ri anne Israel nia' sitau na'bi!”

2 KARAENG-KARAENG 5:8 ပူးပေါင်းရင်းမြစ်များ

2 SAMUEL 3:31

Nampa naparentakang Daud mae ri Yoab siagang ana' buana sollanna nakekke' pakeanna ke'nanga, siagang ammake kaeng tanra kasusaang kamateang kammayatompa nanakarruki Abner. Siagang ri wattunna niantara' mayaka, kalenna Karaeng Daud a'jappa ri bokona patti tumatea.

1 KARAENG-KARAENG 12:22

Mingka nisuromi Na'bi Semaya ri Allata'ala,

1 KARAENG-KARAENG 17:24

Appialimi anjo jandaya nakana, “Kamma-kamma anne kuassemmi angkanaya ikatte atanNaki' Allata'ala, siagang kana-kananta kammatojengi angkana kana-kana battu ri Batara!”

2 KARAENG-KARAENG 1:6

Appialimi ke'nanga angkana, “Nia' sitau bura'ne battu mae ri kambe nampa nasuro ikambe ammotere' untu' ampabattui mae ri karaenga angkanaya akkana kammai anne Batara mae ri karaenga, ‘Apaka tena Allata'ala ri Israel, sa'gennu assuro appala' pitunju' mae ri Baal-Zebub, rewatana kota Ekron? Tena nukkulle la'jari baji', mingka lamateko!’ ”

2 KARAENG-KARAENG 5:15

Nampa ammotere'mo siagang sikontu paeranna mange ri Elisa. Nakanamo Naaman ri Elisa, “Kamma-kamma anne kuassemmi angkanaya ri sikontu anne linoa se'reji bawang Allata'ala, iamintu Allata'ala nisombaya ri tu Israel. Lanri kammana anjo kuminasai nakiero' antarimai anne passareku.”

2 KARAENG-KARAENG 5:3

Ri se'reang allo nakanamo anjo palayanga mae ri pinggawana, “Ibu', ebara' angkana a'lampa bapaka mange ri na'bi niaka ammantang ri Samaria, mattantuna lanipammollei bapaka ri anjo na'bia.”

2 KARAENG-KARAENG 5:7

Ri wattunna nabaca karaeng Israel anjo suraka, nakekke'-kekke'mi pakeanna napakamma lussa', na nakana, “Ballasa'ma' nakke! Apa saba'na nanapala' karaeng Siria sollanna kupammolle anne taua? Teai inakke Allata'ala, Ia niaka koasaNa untu' ampattallasaki yareka ampamatei rupa taua. Ma'nassa ero'naja anjo karaeng Siria a'boya pa'bettesang mae ri nakke!”

2 KARAENG-KARAENG 5:9

Lanri kammana anjo a'lampami Naaman siagang kareta jaranna mange ri balla'na Elisa, nampa ammantang ri dallekanna pakke'buka.

KALAPPASSANG 11:8

Kala'busanna nakanamo Musa, “Sikontu pagaweta labattu ngasengi mae ri nakke siagang lasu'juki ri dallekangku sollanna kubokoi anne pa'rasanganga siagang bansaku. Le'baki anjo la'lampama'.” Nampa sanna'mo larrona Musa na nabokoi karaenga.

YEHEZKIEL 2:5

apaka napilangngeri ke'nanga yareka tena; ia parallua, iamintu musti naassengi ke'nanga angkanaya nia' na'bi ri tangnga-tangngana ke'nanga.

HOSEA 12:13

Nampa lari Yakub, iamintu boe-boeta, mange ri Mesopotamia; siagang napa'jari atami kalenna a'jari pakalawaki gimbala' untu' anggappa baine battu ri ana'na anjo patannaya gimbala'.

ROMA 11:13

Mingka kamma-kamma anne bajiki punna a'bicara' mae ri sikamma sari'battang bansa maraenga. Anne siapaya sallona, a'jariku tunisuro mae ri bansa-bansa maraenga, teai sipato' kupakalompona anjo jama-jamangku.

1 SAMUEL 9:6

Appialimi anjo palayanga angkana, “Kitayangi rolong! Ri anne kotaya nia' sitau atanNa Allata'ala. Sanna' nipakala'biri'na ri taua, lanri anjo apa napaua, ma'nassa kajariang tojeng-tojengi. Umba ki'lampa mange ri ia, gassingka akkulleki' napauang kemaei anjo keledai-keledaia.”