2 KARAENG-KARAENG 5:7 - KITTA' MATANGKASA'

⁷ Ri wattunna nabaca karaeng Israel anjo suraka, nakekke'-kekke'mi pakeanna napakamma lussa', na nakana, “Ballasa'ma' nakke! Apa saba'na nanapala' karaeng Siria sollanna kupammolle anne taua? Teai inakke Allata'ala, Ia niaka koasaNa untu' ampattallasaki yareka ampamatei rupa taua. Ma'nassa ero'naja anjo karaeng Siria a'boya pa'bettesang mae ri nakke!”

2 KARAENG-KARAENG 5:7 ပူးပေါင်းရင်းမြစ်များ

PA'JARIANG 30:2

Larromi Yakub ri Rahel na nakana, “Inakke anne teaiya' Allata'ala. Iami ampa'jariko tanggappaya ana'.”

PA'JARIANG 37:29

Ri wattunna ammotere' Ruben mange ri anjo bungunga nampa tanabuntulamo Yusuf anjoreng, nakekke'mi bajunna lanri si'nana nyawana.

PA'JARIANG 50:19

Mingka nakanamo Yusuf ri ke'nanga, “Teako mallakki; nasaba' tena kukkulle a'gau' kamma Allata'ala.

2 SAMUEL 1:11

Nalangngere'na Daud anjo kammaya, nakekke'mi pakeanna lanri si'nana. Na sikontu ana'-ana'na appakamma ngaseng tommi.

1 KARAENG-KARAENG 20:7

Jari nakio' ngasemmi Ahab sikontu pamimpinna Israel na nakana, “Nusa'bi ngasemmi kalennu angkanaya anne taua erokki' napanraki. Natuntuki sollanna kupassareang sikamma bainengku, ana'-anakku, kammayatompa bulaeng-perakku, siagang kusitujuimi anjo pappala'na ke'nanga.”

2 KARAENG-KARAENG 11:14

Nacini'mi anjo karaeng berua ammenteng ri pakke'bu' antamaya ri Balla'Na Batara ri napattampakkia nilanti', nitammulili ri perwira-perwiraya siagang patui' tarompeka. Sikontu ra'yaka akkio' rannu kabusuki nampa nipasa'raya tojeng tarompeka. Lussa'mi nasa'ring nyawana Atalya nanakekke' pakeanna, siagang a'gora angkana, “Pasingkongkolang! Pasikongkolang!”

2 KARAENG-KARAENG 18:37

Jari nakekke'mi pakeanna Elyakim, Sebna siagang Yoah a'jari pammatei ri si'nana pa'mai'na, nampa a'lampa mange allaporoki mae ri karaenga anjo apa le'baka napau anjo perwirana tantara Asyur.

2 KARAENG-KARAENG 5:6

Anjo sura' naeranga kammai anne bonena: “Tete ri anne suraka kupappiassengangi panglimaku, iamintu Naaman, mae ri katte sollanna akkulle kipammolle battu ri garrinna.”

YEREMIA 36:24

Manna pole sanna' napala'na Elnatan, Delaya, siagang Gemarya sollanna tena natunui karaenga anjo kitta' nigulunga, mingka taerokai karaenga ampilangngeri ke'nanga. Baji' nakaraenga kammayatompa sikamma pagawe allangngerekai bonena anjo kittaka tena na'jari malla' yareka assesse' lalang nicini'.

DANIEL 2:11

Sukkara' dudui apa kikaerokia karaeng. Tena manna sitau akkulle anggaukangi pantaranganna sikamma rewataya, mingka tenai ke'nanga ammantang ri alla'na rupataua.”

HOSEA 6:1

Nakana tu Israel, “Umba kimmotere' mae ri Batara. Ia ampa'risi nyawata mingka Ia todong ansaleori. Ia allokoki, mingka Ia todong lamballei anjo bokka'-bokkatta.

PAMMILANGNGANG 14:6

Yosua ana'na Nun siagang Kaleb ana'na Yefune, rua tau battu ri anjo mata-mataya, nakekkeki pakeanna ke'nanga pammateinna angkana susai ke'nanga.

MATIUS 26:65

Nalangngere'na imang lompoa akkana kamma Isa, naallemi nasinre' jubana na nakana, “Nahinai Allata'ala! Tenamo naparallu pole sa'bia. Massing nilangngere'mi bicaranNa anghinai Allata'ala.

LUKAS 11:54

Nalalang kammana anjo napilangngeri baji'-baji'mi ke'nanga sollanna akkulle najakkala' kananNa Isa punna sala bicarai.

LAMPA-LAMPANA 14:14

Nalangngere'na Barnabas siagang Paulus anjo apa eroka nagaukang anjo taua ngaseng, nakekke'-kekke'mi pakeanna ke'nanga, nalari mange ri tangnga-tangngana anjo tau jaia, nampa ammarrang angkana,

PAOLE 32:29

Apa saba' nanibeta ke'nanga, tena napahangi; tanapahangngai apa anjo kajarianga.

PAOLE 32:39

Ciniki, iNakke Allata'ala Tenaya Ruanna, pantaranganna iNakke tena maraeng. INakke ammuno siagang iNakke appakatallasa', allokoki siagang appamolle. PungKu angngalle tindakang, tena manna sitau akkulle angngewa.

1 SAMUEL 2:6

Batara appamate, Ia todong appatallasa'. Mange ri lino tumatea Napanaung rupataua. Na Ia todong angngangkaki taua battu anjoreng.