2 KARAENG-KARAENG 5:27 - KITTA' MATANGKASA'

²⁷ Lanri nutarimana anjo passarea, lanutarima tongi anjo garrinna Naaman. Ba'lalo sa'genna satunggu-tungguna sikamma jari-jarinu lanagappai anjo garringa!” Ri wattunna assulu' Gehazi battu anjoreng, anggappami garring sala, iamintu a'jari kebo' sikalimi bukkulenna.

2 KARAENG-KARAENG 5:27 ပူးပေါင်းရင်းမြစ်များ

2 SAMUEL 3:29

Lappassammi Yoab siagang sikontu kaluargana nihukkung lanri anjo panggaukanna. Dasi-dasi na lalang ri kaluargana Yoab siagang jari-jarina tuli nia'na tau garring sala, yareka bura'ne tenaya kagassinganna, yareka kakurangangi ri kanre-kanreang!”

2 KARAENG-KARAENG 15:5

Nipa'jari garring salami ri Batara, na sa'genna mate, tena le'bakai a'jari baji' anjo garrinna. Nisa'laki ammantang ri se'reang balla' siagang tena nakkulle nagaukang sikamma tugasa'na. Jari ana' bura'nena niarenga Yotam amwakkeli ammarenta ri ra'yaka.

2 KARAENG-KARAENG 5:1

Anjo Naaman panglima tantarana tu Siria sannaka ningaina siagang nipakala'biri'na ri karaeng Siria. Nasaba' tete ri Naaman, nisarei pammetang ri Batara tantara Siria. Anjo Naaman panglima sanna' baranina, mingka natabai garring sala.

KALAPPASSANG 20:5

Teako anynyombai ri patung kammaya anjo, nasaba' iNakkeji Karaeng Allata'alanu, siagang taerokA' nipasangkamma manna apa-apa mamo. Sikamma tau mangngabirissia mae ri Nakke Kuhukkungi sa'genna jari-jari lapisi' makatalluna siagang makaappa'na.

KALAPPASSANG 4:6

Nakana pole Batara ri Musa, “Pantamaki limannu ri bajunnu.” Mannurukimi Musa, na ri wattunna nabeso' limanna assulu', a'jari kebo' dudumi anjo limanna lanri nitabai ri garring bukkuleng lompoa bahayana.

HOSEA 10:13

Mingka ikau nugaukangi apa kabalekannaya; appattujuangko mae ri kaja'dallanga, siagang akkattoko tenaya naadele'. Nukanrei rappo-rapponna wassele' balle-ballenu.” Nakana pole Batara, “He bansa Israel, lanri nupattoanna kareta-kareta pa'bundukannu siagang jaina tantaranu,

KAIMANGNGANG 13:10

Punna turu' ri bate paressana imanga nia' ri bukkulenna anjo taua akkambussulu' kebo', nampa a'jari kebo' bulunna ri bageang pa'risika,

KAIMANGNGANG 13:25

musti naparessai imanga anjo taua. Punna a'jari kebo' bulunna ri anjo bageang bokkaka, siagang anjo bokkaka la'bi lantangi nabukkuleng niaka ri ampi'na, anjo bokkaka nilettekimi ri garring sala; imanga musti napaui angkanaya anjo taua ra'masaki.

PAMMILANGNGANG 12:10

Ri wattunna a'lampa anjo rammanga ambokoi KemaNa Batara, a'jari garring salami Miryam nicini'; kebo'mi bukkulenna sangkamma kapasa'. Ri wattunna assaile Harun mae ri Miryam, na nacini' angkanaya nitabami ri garring kammaya anjo,

LAMPA-LAMPANA 5:10

Anjo wattua, tu'guru' memammi anjo bainenna Ananias, namate ri dallekanna Petrus. Na wattunna antama' anjo ana'-ana' rungkaya, narapikammi ke'nanga matemi anjo bainenna Ananias. Naerammi ke'nanga assulu' anjo mayaka, nampa naerang mange natarawang ri ampi'na bura'nenna.

LAMPA-LAMPANA 5:5

Kamma nalangngere'na Ananias anjo kana-kana napaua Petrus, tu'guru'mi, namate. Sikontu tau allangngerekai anjo apa kajarianga, a'jari malla' ngasemmi.

LAMPA-LAMPANA 8:20

Mingka appialimi Petrus nakana, “Cilaka mako ikau siagang doe'nu! Nukana lakkullei niballi passareNa Allata'ala siagang doe'?

1 TIMOTIUS 6:10

Nasaba' battu ri sipa' cinnayami ri doe' ammumba a'rupa-rupaya kaja'dallang. Nia' sipa'gang tau angngondang dudu doe' siagang tenamo naturuki pangngajarang Karistenga, sa'genna nituju ke'nanga ri jai kasessang angngancurukai atinna ke'nanga.

YOSUA 7:25

Nampa nakanamo Yosua mae ri Akhan, “Angngapa nuppabattu kasusaang mae ri katte ngaseng? Kamma-kamma anne lappabattui Batara kasusaang mae ri kau!” Jari Akhan siagang sikamma kaluargana nisambilaimi batu ri sikontu tu Israel sa'genna mate. Sikontu barang-baranna, kammayatompa barang-barang nalukkaka nitunu ngasemmi sa'genna cappu'.

2 PETRUS 2:3

Lanri angngoana anjo guru-guru takontutojenga nalanacaritamo mae ri kau carita-carita napare'-pareka kalenna sollanna akkulle anggappa passawallang battu ri kau. Mingka sallomi nipasadia pangadelang eroka antappuki hukkunganna ke'nanga; kammayatompa sallo tommi attayang kapanrakang le'bakamo nipattantu lanagappaya ke'nanga.