2 KARAENG-KARAENG 5:23 - KITTA' MATANGKASA'

²³ Nakanamo Naaman, “Tantumi kusarena!” Nampa napassa Gehazi angngerang 6.000 doe' pera'. Narokoki Naaman anjo doeka lalang rua pa'roko', nampa angngalle ruampasang pakeang ga'ga. Napassareang kabusu'mi anjo mae ri rua palayanna nasuroa a'jappa riolo ri dallekanna Gehazi.

2 KARAENG-KARAENG 5:23 ပူးပေါင်းရင်းမြစ်များ

PA'JARIANG 33:11

Kupalaki, nakitarima anne passare kueranga. Baji' pa'mai'mi Allata'ala mae ri nakke na Nasarema' sikontu apa kuparalluanga.” Tuli napala' dudumi Yakub ri daenna, nakala'busanna ero'mi Esau antarimai anjo passarena.

1 KARAENG-KARAENG 20:7

Jari nakio' ngasemmi Ahab sikontu pamimpinna Israel na nakana, “Nusa'bi ngasemmi kalennu angkanaya anne taua erokki' napanraki. Natuntuki sollanna kupassareang sikamma bainengku, ana'-anakku, kammayatompa bulaeng-perakku, siagang kusitujuimi anjo pappala'na ke'nanga.”

2 KARAENG-KARAENG 12:10

Punna jaimo doe' lalang ri anjo pattia, tuli battumi jurutulisi'na karaenga siagang Imang Lompoa anrekengi anjo doeka, nampa naroko'.

2 KARAENG-KARAENG 2:17

Mingka tuli nipassana ri ke'nanga sa'genna ammiomo Elisa. Jari a'lampami anjo limampuloa na'bi mange amboyai Elia tallungallo, mingka tena nabuntuluki ke'nanga Elia.

2 KARAENG-KARAENG 5:16

Appialimi Elisa angkana, “Lanri Batara mattallasaka, iamintu kulayania, tena nalakualle manna pole passare apa.” Napassa-passami Naaman sollanna ero' Elisa antarimai passarena, mingka tuli teana Elisa angngallei.

2 KARAENG-KARAENG 5:5

Nakanamo karaenga, “Baji'mi, a'lampamako mange ri karaeng Israel. Lannulisikka' sura' mae ri ia.” Jari a'lampami Naaman, nangngerang 30.000 doe' pera', 6.000 doe' bulaeng, siagang 10 pasang pakeang ga'ga ngaseng.

2 KARAENG-KARAENG 6:3

Kalase'renna battu ri ke'nanga ampassa-passai sollanna amminawang Elisa siagang ke'nanga. Situjumi Elisa,

YESAYA 30:6

Kammaminne pappasanNa Batara ri passala'na sikamma olo'-olo' niaka ammantang ri butta bageang timboro', “Sikamma tunisuroa napilurangngimi keledaina siagang untana ke'nanga rassi hadia, nampa numalo ri daera jaia bahaya lanri napammantangngi singa, ulara' a'racung, siagang naga akka'nyi'. Sikontu anjo hadiaya napassareangi ke'nanga mae ri bansa tenaya kullena antulungi ke'nanga.

LUKAS 11:54

Nalalang kammana anjo napilangngeri baji'-baji'mi ke'nanga sollanna akkulle najakkala' kananNa Isa punna sala bicarai.